ما مدى الضرر اللي يحدثه الألترا ساوند
بسم الله الرحمن الرحيم
^.^
شخباركم خواتي .. ان شاء الله كلو تمام
حبيباتي انا أمس رحت المسشتفى لسبب ما .. الطبيبة طلبت تسويلي ألترا ساوند
قلتلها تمام ,, دخلت غرفة الفحص .. تفاجأت فيها تقولي افسخي ..........
انصدمت !!!
قلتلها ليش .. قالتلي عشان الألترا ساوند يدخل
ما تتخيلوا حالتي صرت أرجف وشوي وأبكي
ما كنت أدري انه الألترا ساوند كذا يسوونه .. لأني من زمان قبل ما أتزوج سوولي بس من بطني
كنت شوي وأهرب من الغرفه لأني خفت
وزوجي ينتظرني خارج
المهم سوتلي الفحص
وطلعت .. أول ما وصلت البيت قمت أبكي
طبعا يا بنات انتو تعرفون انا متزوجة من شهرين ونص .. يعني ماني متعودة على شي مثل كذا
اتصلت في اختي الكبيرة ... وتضايقت وقالتي مرة ثانيه لا تروحي الا ومعاك حد من خواتك
وقالتلي الألترا ساوند واجد مضر .. وخصوصا انا في فترة تخطيط للحمل
وانها المفروض ما كانت تسويلي هالنوع من الألترا ساوند لأني ما عمري حملت و لا عندي عيال
تقولي المفروض كان يسوولي النوع العادي اللي من البطن
وغير كذا زوجي بعد واجد تضايق وقاللي ما أروح هالمشتفى مرة ثانيه
بس الطبيبة عطتني موعد بعد الدورة
ياريت يا بنات تقولولي ايش الضرر اللي ممكن يحدثه لي هالنوع من الألترا ساوند؟؟؟؟؟؟
التعديل الأخير تم بواسطة Crestalla ; 11-04-2009 الساعة 02:14 PM
11-04-2009, 11:47 AM
ضوابط المشاركة
العرض الشجري