السلام عليكم ورحمة الله وبركاتة ..
عندي اخت اصغر مني بسنه عمرها 28سنه سبحان الله من واحنا صغار اعاملها بالحسنى رغم انها ما خذه فكره اني اغار منها والله على مااقول شهيد كنت اعتبرها صديقة ولكن هي تحاول تقلل من شاني لان صفاتي غير صفاتها رغم انا نشبه بعض لدرجه كبيره زي التوأم بس هي من صفاتها تقلد الغير وتحب تعجب في البنات اذا مشيت مع اي وحده تحاول تخرب بيني وبينها وتقولها اختي ماتحفظ الاسرار واختي تنتقدك...وكلام كثير طبعا بالصدفه واحده قالت لي صرحه ماكنت اتوقعك كذا اختك اعطني فكره غير عنك وقالت لي السالفه انصدمت من اللي سمعته وكمان كان اذا جو صديقاتها تغار عليهم تقفل الباب وتجلس معاهم وانا اذا جو صديقاتي تجلس معانا ولا ماتخلينا نسولف من كثر ماتهذري طبعا هي تزوجت قبلي ب5سنوات وانا تزوجت بعدها ولي الحين سنتين طبعا انا تزوجت اخو زوجها ودائما في ايام الملكه تحاول تشوه صورة زوجي عندي طبعا تزوجت ورحت شهر العسل وبانت الغيرة لما جيت ماسلمت عليه بالرغم اني لما كنت في شهر العسل كانت تتصل تكدر خاطري بكلام ماله اول من تالي تقول لاتجين اهلي مسوين مشكلة ..........للحديث بقيه