السلام عليكم ورحمه من رب العباد وبركاته



احترت كثير وترددت قبل لا اطرح عليكم مشكلتي ،،،


بس والله يشهد ع كلامي ،،، يوم شفتكم اعضاء متعاونين ومتراحمين وقلوبكم على بعض،،،

قلت فعلآ هذيلا لي يعتمد عليهم ويشكي لهم الحال من بعد شكواي لرب العالمين،،،،


عندي مشكله بس مو مع زوجي ,,,,

مشكلتي هي :

تضم اهلي واهل زوجي
بقولكم قصتي من البدايه وانتو الحكم




قرب يوم العرس ومثل حال اي وحده بتتزوج تجهز جهازها من وإلى.


قرب يوم العرس مابقى منه الا اربع ايام وكنا مجهزين كل شي ،،

سمعنا خبر بوفاة شخص من اهل العريس

زعلنا عليه كثير وقلنا كلنا لي هذا الدرب....

ووقلنا انحنا لازم نأجل موضوع العرس شوي

وعلى اساس ماشيين بهذا النظام

فجأه جانا اتصال من اهل المعرس وقالو انحنا لازم نكنسل العرس لانها مش حلوه فحقنا وفحقهم ان عندنا وفاه ونسوي العرس بعدها باسبوع او اسبوعين فقالو نسوي حفله صغيره في بيت العروس وتروح لعند زوجها وهذا الشي يكفي


احنا انصدمنا

قلنا مستحيل هالشي يصير موحلوه علينا نودي البنت كذي لبيت زوجها

ولي جهزناه لها من الالف الي الياء وين نوديه

( انا اقصد من حجز الفستان، والبطاقات الدعوه وزعناها ، والصالون ، والبروفات)

ابوي قال مستحيل يصير هالشي بنتي ماراح تطلع من بيت ابوها الا بعرس وإذا المعرس ماعنده وقت وبيسافر ، نأجل العرس لين ما يرجع

ابو العريس زعل وكنسل حجز الصاله وقال:

العرس ماراح يصير والولد ماعنده وقت يأجل العرس، لأنه يدرس برى ويبغى زوجته تكون معه


كبرت السالفه وفقدت الامل في انحنا نرتبط وتوقعت الطلاق لانها الامور فعلآ تعقدت لدرجه انحنا جبنا اشخاص يدخلو فالصلح بين ابو العريس وابو العروس


انا نفسيتي تعبت ما كنت اكل ولا ارقد اليل


" سبحان الله من بعد ماكان العرس بيكون بعد 3 ايام اخترب كل شي"

وتمو على هالوضع لمده 3اسابيع


ابو العريس يقول :


مافي عرس واذا يريدوا يسوو حفله صعيره فبيتهم فماعندي مشكله ،


وابو العروس يقول :


ما في حفله وانتي ماراح تطلعي من بيت ابوك الا بعرس




( كان يقول انتي ارمله ولا عانس ولا مطلقه علشان تروحي لبيت زوجك
من غير عرس)



وبعد ماطال الانتظار واليوم كان يمر علي بسنه

دخلو ناس فالصلح بينهم ،واهل العروس سووا لها عرس بس محد جاء من اهل المعرس ابدآ

بسبب حالة الوفاء لي عندهم والزعل لي بينهم

والعايلتين لين يومكم هذا وهم مايكلمو بعض

فهذا لي قاهرني


المشكله اني فالغربه مع زوجي وهم فالديره

خايفه اني يوم نرجع بعدهم ماتكلموا مع بعض امنيتي انهم يردوا مثل قبل واحسن

للعلم:

اهم اهل يعني زواجنا من الاهل


مااعرف وش اسوي ادعي ليل ونهار انهم يردوا مثل قبل صرت احلم فهالشي لدرجه اني احاول بكذا طريقه اصلح مابينهم،،،


ياليت ماتبخلو علي فاقتراحاتكم وارائكم


اشكركم ع مروركم