السلام عليكم ورحمة الله وبركاته

عندي ولدي عمره 5 سنوات ولم يرزقنا الله بمولود غيره حتى الآن
وأحس بمعاناته بالبيت لوحده وغالبا العب معه حتى أونسه ولا طلعت بالسيارة مشاوير قصيرة أخذه معي
عشان ينبسط
والبقالة شبه يومي لازم اوديه
وكل هذا لأني أشوف يمل بالبيت لحاله ما عنده إلا أمه وارحمه
المشكلة الحين تعود كل ما جيت اطلع لدوامي متعود إني أخذه وانزله عند خواتي الصغار يعلب معهم
ولو ما آخذه يصيح ويكسر خاطري لأنه لحاله ثم آخذه معي
ولا أدري وش اسوي له وش أوفر له بالبيت حتى اقنعه بالجلوس
حتى قريب إن شاء الله يبي يرزقنا الله بولد بس ما ظنتي إنه يبي يتأقلم معه لفارق السن بينهم
وفكرت أجيب له لعاب تلهيه بس اللعبة ما تكمل معه 3 ساعات إلا وهي مكسوره
حتى بعض المرات أقول خل اجيب له بلاي ستيشن يلهيه بس أخاف يخربه ثم تروح فلوسه على الفاضي
ولا أدري وش الحل
ياليت تفيدونا بمثل هذا
وشكرا

اهلا اخونا الفاضل


ادخله مركز رياضي كاراتيه فطبول


المسبح يتعلم السباحه


لحين الله يكتب لك اخ او اخت لولدك ولا تخف لفارق العمر بينهم فهم اخوه سيتفقون

__________________
http://live.gph.gov.sa/
اللهم اني استودعك اولادي

أنا عندي أولاد 2 و الحمد لله 4 سنوات و 2 و نص

بس الكبير ما يندمج مع أخوه باللعب يعتبره توه صغيير

علمه أبوه على الكمبيوتر و على ألعاب الفلاش البسيطة و أشوى الحمد لله صار يتونس

صح ..... ليش ما إنتم مدخلينه بالروضة ؟

__________________
اللهم ارحم أخي رحمة واسعة و أجعل قبره روضة من رياض الجنة

شعورك بالذنب تجاه الولد يدفعكم لتدليله زيادة عن اللزوم واصبح لا يقدر اي شيء يعطى له ويكسره ويتلفه لانه يدري انه بيجي غيره بكره واذا بكي شوي بيحصل اللي يبغاه

اهم شي تدخلوه مكان فيه تواصل مع اطفال بعمره .. ما عنده اولاد جيران يلعب معهم ؟

مركز رياضي قريب أو حتى ملعب كرة قدم بالحارة ؟

__________________

ولد اختي كذا
عمره 3 سنوات
ويلعب العاب بالنت
وسي دي هاات العاااب اتأقلم وصااار ماشاءالله يلعب زي الكبااار
ولدك كبير اخوي اعلمه العااب الفلاشاات
وسي ديهات والبلاي استيشن
اول مره العب انت
ترى ينسخ الحركااات بعقله ويبدأ يقلدك
موفق

ادخـلـه مـركـز ريـاضـي متـخـصص فـي تدريـب الـكـاراتــيـه للصـغـار

وكـذلك تـعـلم السبـاحـة،،،،

وسنـه منـاسـب جـداً لـهـذه الريـاضـة التي ستساعـد فـي صقـل شخصيتـه....



والله يصـلحـه ويجـعـله بار بوالديـه







عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

ما عندنا مركز رياضي متخصص بالأطفال
ولا أحب التزم بشكل يومي اوديه واجيبه متعبه لي
شكرا لك

الكمبيوتر والله فكره زينه
اخليه يتعلم على كمبيوتري ولا ضبط الوضع جبت له جهاز خاص فيه

الروضة ما راح تفكنا منه لأنها فترة الصبح ومرتاح منه لأنه يكون نايم المشكلة بعد العصر يصير فاضي ولازم يطلع معي

هي مو مسألة تدليل بالعكس بعض المرات أشد معه
لكن أرحمه لأنه لحاله بالبيت ما عنده أحد
أنت تخيل لو تقعد بالبيت يوم كامل لحالك شف وش يصير فيك وبالعمر هذا خاصة يبي اللعب والوناسة وهذا وقته ثم تحجره بالبيت لوحده مشكلة

وأنا اوديه عند الوالدة يلعب مع خواتي الصغار
لكن أنا أبي احط له شي بالبيت يلهيه ما أبي يتعود على الطلعات بشكل يومي

ولا فيه مراكز رياضية خاصة بالاطفال عندنا

والله فكره حلوه
بعض المرات احطه له باليوتوب توم جيري ينبسط ينسى روحه من المشاهدة
بجرب احط له العاب فلاشيه ولا اجيب له بلاستيشن
شكرا لك