بين نارين: أهلي وزوجي (ياريت تساعدوني بأفكاركم)
السلام عليكم و رحمة الله وبركاته،
أولا أرحب بنفسي في هذا المنتدى و أتمنى أفيد وأستفيد..
انا بصراحة مكسوفه ان تكون اول مشاركه ليا بمشكله واسفه اني معرفش أكتب باللغة الفصحى"عندي ضعيفة شوية".
مشكلتي هيا زوجي وأهلي انا اتعرفت على زوجي فبلدي وبعد فترة من التعارف جي واتزوجنا واهلي كانوا موافقين كان زوجي عامل مشروع (ومعاه انا واختي شركاء) فبلدي واتفقنا كلنا انو على منلاقي شقة والمشروع يبتدي يدخل ارباح ونجهز الشقة نقعد انا و هو عند أهلي فالاول كانت الامور كويسة بس حصل اللي حصل والمشروع خسر لظروف خارجة عن ارادتنا وراحت فلوسي انا وهو وحتى فلوس اختي يعني فلسنا احنا التلاتة.المهم زوجي مش عارف يلاقي شغل فبلدي و لا عارف يقف على رجليه من ثاني هنا لانه رأس المال راح فهو طلب مني انو يرجع بلده ويبتدي هناك من جديد واقعد انا مع أهلي سنه على ميوضب اموره و احصلو (يكون جهز الشقة هناك واستقر)فالاول كلنا كنا موافقين وقعد مع والدي واقنعو ه حصل من تقريبا 6شهور في الفترة دي الجو بقى مكهرب فالبيت وبقيت ظانا وهو بنتخانق كثييييييييير وزعيق واعصاب...هو حط فراسو فكرة الرجوع وبقا شايف انو قاع هنا فسجن نفسيته تعبت خالص ومبقاش بيصبر على اي حاجة شايف اننا بقلل منه و مش مقدراه ومحترماه كراجل عشان هو مش شغال انا كنت بصبر فالاول بص اعصابي تعبت من كثر نقيره و عناه وعصبيته.أهلي بقا لما شافه اللي بيحصل بنا هنا خافو عليا اروح أعيش معاه فباده ويعاملني باالطريقة دي وانا هناك هكون وحدي وغريبة.ناس كثير نصحوني اني مرحش أعيش فبله وقليل قلولي روحي..وانا بصراحة بقيت خايفه اولا لاني هنتقل من عالم لعالم ثاني خالص يمكن مقدرش أتأقلم معاه ثانيا خايفه من عناده و من عصبيته ومؤخرا بيحملني مسؤلية اللي احنا فيه بيقللي "ضيعتيني" وكمان عشان يروح طرحت عليه فكرة اني أبيع عربيتي واساعده بقر مالي يبقى يضيف عليه و يعمل مشروع هناك فبلده على اساس أشجعه بس قلتله بما انك هتدخل معاك شريك نكتب أنا وانت ورقة على اساس ان الفلوس اتخدت للمشروع (بحاول أضمن حقي مع اخواته و الشريك الله أعلم الشيطان شاطر فالحاجات دي)وفهمته ليه وانها مش مسأله انعدام الثقة بنا و الرد كان ايه:قاللي" مدام كده نكتب انه الخساره مش محسوبه عليا يعني لو الفلوس راحت متطالبنيش بيها." انا انصدمت بالرد ده ومعرفش مين على حق ومين لا.
فأنا دلوقتي تايهه ومش عارفه آخذ قرار أشجعه انو يروح ولا اسمع كلام اهلي وغالبا هيكون فيها فراق بيني وبين زوجي،أآمن له ولا أعمل ايه؟ عشان كده كتبت فمنتدى اللاسرة والمجتمع بدور على رأي محايد وشايف الموضوع من نظرة ثانية..ياريت تساعدوني وتفدوني فأقرب فرصة لان بجد الحياة بقت لا تطاق بسبب المشكلة دي.وجزاكم الله ألف خير
25-10-2009, 07:29 PM
ضوابط المشاركة
العرض الشجري