السلام عليكم ورحمة الله وبركاته

مشكلتي عويصة مع واحد نششششششبة 7 سنوات والين اللحين ناشب

تضاربت معه تهاوشت معه تلاقطنا وصلت قسم شرطة والين اللحين ناشب فيني ابقولكم القصة من اولها

انا شاب عمري 20 سنه خاطب ادرس فالجامعة

قصتي مع هالنشبة بدت وانا بأولا متوسط كان عمري 12 كنت اجتماعي وراعي فرفشة

يعني كنت معروف بالمدرسة ,,,,

المهم يوم من الايام كنت رايح للوكيل عشان عندي اختبار ماختبرته

كان فيه واحد جالس فالمكتب كبير شوي كان اكبر مني بسنتين هو بثالث متوسط وانا بولا متوسط

المهم قالي وش عندك هنا قلت عندي اختبار عند استاذ حسن ماختبرته

قال بس كذا هههه امش اخليك تختبر عنده اتوسطلك انا موب لازم تكلم الوكيل

المهم انا استانست وقلت امششش يالسنايدي كلمة

ويروح يكلمه واختبرت ومشت اوضاعي

المهم هالولد ذا صار صديقي صرت ازحف واحد فالعالم صديقي بثالث متوسط

حسيت اني قوي وزاحف وفله وكل شي فالعالم

المهم صرت اقعد معه بالفسحة دايم انكت وهو يضحك ويعطيني جوي يضحك على اي شي

حسيت اني مستر بن يوم خاويته ههههههههه عطاني ثقه في نفسي

خاويته سنه بعدها صار يتكلم كلام شاذ ووصخ يعني مثلا يقولي اذا صرنا بلحالنا عطني بوسة

انا من بعدها صرت اكره اني اقعد معه حسيت انه مخاويني مصلحة مدري وشلون

سحبت عليه سيفون ونقلت من المدرسة المهم صار كلللللل يوم يتصل على الثابت 3 مرات فطور عشا غدا
كل شوي متصل زهقني حتى ابوي قال صرف خويك ذا ترا انشب ابو ابونا

وعطيته رقم جوالي وصار يتصل 9 مرات كل شوي متصل وانا ماودي اقوله ضف خشتك مستحي او خايف

مدري كان كبير وشراني وانا توني بزر

المهم مرت الايام وكبرت وبلغت وحسيت اني اقوى واحد فالعالم خشن صوتي وصرت احس اني قوي

اي واحد يتحرش اتهاوش معه احاول اسمع الناس صوتي هههههههه اذا دق التلفون ارد عشان يسمعون صوتي

قلت ياولد مدام انك اللحين بلغت وصرت قوي ياخي ليش ماتقولة ضفففففف وجهك اطلع من حياتي

واتخذت القرار وقلت لازم اسدحها بوجهه هالنشبه علما بأني كنت ارد عليه تسليييييييك يعني بشين نفس

ودق وقلتله يابو فلان انت انسان نشبة وتدق عشرين مره فالليوم وداشر وراعي دخاخين وانا منيب راعي هالسوالف

عشان كذا اطلع من حياتي قال هاه وهو منصدم

قلت اللي سمعته عاد قال لا ياشيخ قلت عاد اللي سمعته

ويبدا يصيح ههههههههههه قسم بالله يصيح وانا منصدم

قلتله يابو فلان وش فيك قال ياخي لاتتركني والله احبك ومدري وشلون انا قلت لاااااا ذا مجنون رسمي

قلت لعد تدق وسكرت بوجهه

ويدق يدق يدق وانا مارد لين آخر شي ارسلي رسالة مخيفة شوي

قال رد لا اجيك بيتكم والعن خامسك انا خفت لانه شراني وراعي مطاقات وفزعات وسكاكين

قلت الله يكفينا شره وصرت ارد عليه من الخوف كان عمري يمكن 16 بس ماقابله اصرفه

المهم صابني تحطيم نفسي ليش ماقدر ادافع عن نفسي............

قلت ابتضارب معه واللي فيها فيها يوم دق قلتله ابو فلان لعد تدق تراك اقلقت حياتي ياخي

اطلع من مخي ياااااااخي ماصارت ذي والله لو انك زوجتي ماسويت كذا حرام عليك 10 مرات تدق فالليوم

ياخي والله لو انك زوجتي كان طلقتك بالثلاث ياااااااااخي

المهم انجرح وقام يصيح وقال كلام مدري وشلون زوجتي لو تقوله طلقتها ههههههههه

قال احبك وانت عمري وحياتي ومدري وشلون

ومن القهر سبيته حسيت بقهر اللحين ليش ولد اللي يحبني ليش مو بنت

قال اسمع تبي تكلمني كل يوم وترد ولا بلعن خامسك وانا مراهق مندفع قلتله اعلاااااا مافي خيلك اركبه

المهم يوم من الايام كنت طالع بروح للمدرسة جايني بجمس ههههههه معه ثلاثة

ديناصورات ههههههه وانا جسمي صغير مايمديني عليهم ومعي اخوي

نزلو علينا كسرونا تكسير هههههههههههه اقسم بالله انطقيت طق موب طبيعي انا واخوي

انطقيت طقه على راسي وطحت واخوي انطق انا تقطع قلبي على اخوي حقدت

قمت فالمستشفى وابوي يهاوش ومنقهر مننننننننن اللي سوى فيكم كذا وانا خااااايف

قلتله ابو فلان سوى فيني كذا قال وين بيتهم قلت ماعرف بيتهم << خايف

قال قلي وين بيتهم لا امصطك بالعقال وعلمته وين بيتهم

وراح للشرطة واشتكى عليه وتلوه على اذنه وجابوه للقسم وجا ابوه قام يترجى ابوي

وابوي مطير عيونه قال خلاص بنسامحة هالمره بس مايتعرض لعيالي مره ثانية

وكتبوه تعهد


المهم طلعت من المستشفى سليم قعدت 2 مرتاااااااااااااح مايدق ولا شي حسيت اني سجين واطلق سراحي

الله وش هالحياه اخيرا عشت فلللللللللللله ابو فلان مايدق علي

بعد سنتين جاني اتصال رديت بصوتي الخشن الرجولي نعم

قال ماعرفتني قلت لا قال انا ابو فلان عاد انا قلت وش تبي ؟؟

قال ياخي اشتقتلك قلت تشتاقلك الطواعين لبطنك وش تبي قال الله الله يعني جا ابوك بتسوي قوي علينا

قلت ايه بس اتركني بحالي يرحم ابوك ياخي تزوج وفكني تبي ازوجك ههههههه المهر علي بس فكني من بثارتك ياشيخ

قال وينك بقابلك قلت همانا تهاوشنا ياخي وش تبي قال اسمع تبي تقابلني ولا بيصيرلك زي ذيك المره

قلت هاه قال اللي سمعته

قلت يابو فلان وش دعوة انت عارف اننا اخويا من ايام المتوسطة جيت بعلم ابوي بس خفت تصير مشاكل لبوي

المهم رحت قابلته بلحالنا وانا حاااااااااااااااقد ودي اربطة واجيب العقال وامصطه

وهو يسولف وانا اهوجس قلت ياولد ليش ماتصفقه اللحين مامعه احد وهو في نص السواليف

طبيت عليه كالاسد طق طق طق طق طق وجو عيال الحارة فكونا

بردت حرتي يوم انه يطق اخوي

المهم ازداد حبه لي وصار يدق 12 مره فالليوم اقسم بالله ياعيال 12 مره يدق يقول وش اخبارك ويسكر

واللحين عمري 20 وعلى وجه زواج بيقعد يبثرني كذا ماصارت ذي والله موب حالة ذي

اقولة لاتدق يدق مدري وش اسوي ازوجة ظنكم ؟؟؟ شكلي بدبرله مهر وافتك

المشكلة رقمي مااقدر اغيره وحتى لو غيرته بيجيبه لان رقمي مسجل عند الجامعة

يدق في كل وقت لييييييين اللحين ويجيبلي هدايا ملييييييييييت سويت معه كل شي


وش اسوي بظنكم ؟؟؟؟؟؟؟؟

ما فهمت إشي

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

متاكد ان هذا اللي صار بس

وشلون متأكد ؟؟

يعني انا نصاب مثلا هههههههه

اقسم بالله ان هذا اللي صار وفيه اشياء ماقلتها اعظم واعظم خلها على ربك بس

اقصد متاكد انه مصار بينكم شي
يعني لما طلب منك بوسه ماتجاوبت معه
خلك صريح
مع احترامي للجميع على هذه العبارات

لا والله ماصار شي بس كان يلمح

طيب انت كيف ترضى بهالكلام والله عيب
ليش ماوريته الادب واخبرت ابوك مباشرة بكلامه هذا
استغفرالله هذا شخص لوطي وعقابه عند الله شديد

عموما الشباب دايم يفهمون بعض
اذا لك عم او خال او قريب منك اكبر منك يعني يكون بسنه او اكبر
فهمه السالفه
وخله يقابله معك ويقوله وش المطلوب بالظبط الرجال بيتزوج

اشبك لوطي الرجال الي يكلمك شاذ وش تنتظر بفهم!!!!!!!!
انت اش تتوقع يبغى منك!!!!!! بصمتك وقبولك يعني موافق هالشئ (ممكن يكون هالشئ براسو)
استغرب مجاراتك لو بالكلام..لاترد عليه وريح راسك.واظن في خدمه للجوال استخدمها وريح راسك
لرقم الي ماتبغاه رقم غريب لاترد وانتهى.

دي قصه

المهم فعلا اتصرف في الرقم بلاك لست اي شي

واضح انو شاذ وناوي على شي لازم تطنش وتبعد

__________________
ياررب ارح قلبي وعوضني خير

ياناس اقولكم تضاربت معه رحت للشرطة

وبعدين هو شرااااااااااااااني راعي مشاكل يعني عادي عنده يقتل

اكلم خالي اخاف ينشب بخالي ههههههههههه

وغير كذا اذا مارديت عليه يدق من رقم ثاني

وانا اللحين مارد عليه بس نشب فيني لو مثلا زوجتي شافته يدق كل شوي بتفكرني اغازل ولا شي

وهذا اللي انا خايف منه

وغير كذا انا ماجاريته بالكلام بس هو نشبة نششششششبة ماعنده كرامة سبيته سكرت بوجهه ويدق