السلام عليكم

قصتي متعبه نفسيتي ماني قادره اكون طبيعيه
لما كنت صغيره (6سنوات)كان واحد من قرايبي يعني من محارمي ياخذني يلعبني مثل اي رجل واعي كبير كان عمره 24 الله ياخذه ’المهم بدا يتحرش بجسمي وانا صغيره مو فاهمه التحرشات كانت خارجيه لما كبرت بعمر 11 وبغلت فهمت شنو كان يصير معاي
ظليت تعبانه نفسيا مو لان فيني شي الحمد لله كنت متاكده من عذريتي بس هالشعور مو حلو مايعرفه الا الي جربه لما شخص قريب واثقين فيه اهلي ينتهك كرامتك وطفولتك وتحس انه مافيه احد يدافع عنك
باختصار كرهني بالرجال كلهم وخصوصا لما يكون من محارمك القراب الحين انا متزوجه عمري 22 وعندي ولدين وللحين مو متقبله زوجي
تجيني حالات اصارخ وابجي وزوجي مسكين ماله ذنب يتحملني لدرجه انه اهلي يقولوله طلقها هذي مجنونه صرت اكره تجيني بنت كل يوم ادعي انه ماتجيني بنت علشان مايصير فيها مثلي
انا الحمد لله متفوقه بدراستي رغم نفسيتي التعبانه يمكن لاني افرغ همي بالدراسه
بعدين عيالي مااخليهم بروحهم لما يقعدون مع ابوهم اجي اسالهم شنو سوا ابوكم معاكم
المهم صار فيني وسواس
واخاف من ابوي واخواني واشك فيهم

والي قاهرني الشخص الي كان يتحرش فيني عايش حياته ولاهمه
مرات اقول يارب يشوف الي شفته بوحده من بناته بعدين ارجع اتندم اقول البنات مالهم ذنب بس انا ابي اشوف حقي بالدنيا قبل الاخره الله لايسامحه وموكله رب العالمين ياخذلي حقي منه


وسامحوني بس محتاجه احد ينصحني