السلام عليكم


ارجو ممن يدخل ويقرا مشكلتي ان يفكر لي بطريقة اتعامل بها مع زوجي فانا بصراحة وصلت الى حد الانفجار من سلبيته عند حدوث مشكلة او سوء تفاهم

واتمنى منكم النصيحة التي تساعدني في حل المشكلة وفي نفس الوقت تحفظ لي كياني امامه واتن يحترمني وينهي عادة الاهمال التي اواجهها معه

القصة هي انني وزوجي منذ فترة طويلة مشغولون وهو بالذات بحكم عمله ومن اول الشهر وهو يخبرني انه سياخذ يوم اجازة وانا في نفس اليوم اخذ ايضا اجازة لنقضيها معا من الصباح حتى المساء واتفقنا ان نبقي ابني عند امي لاننا منذ مدة طويلة لم يكن لنا يوم خاص بنا .


قدمنا الاجازة على ان تكون اليوم واتفقنا وطبعا الفرحة مو واسعتنا انا واياه اخيرا اجازة

والبارحة قبل ما نروح البيت كان يتصل فيه من عمله وانا في عملي وخططنا لما سنقوم به هذا اليوم


انهينا عملنا وقلوبنا طائرة الى المنزل من فرحة ان غدا (اليوم) سيكون اجازة وسنقوم بما خططنا له باذن الله

استقبلته وكان استقبالا سعيدا وفرحتنا انا واياه كانت كالطفل يوم العيد

واخذنا بالمزاح والضحك

واخبرني انه سيدخل الى الحمام لياخذ شور ثم ياتي لنتحدث سوية ويجلس بعدها على الانترنت وننام

وهنا وانا واياه نمزح قلت له يعني لازم حتى الليلة انترنت ؟؟؟؟

انت في العمل تستطيع ان تفتح النت وفتحته اليوم يعني هو انت بتحلم بالنت والكمبيوتر حلم!

قال لي لا كيف ؟؟ فانا سالته اليوم اي ساعة فتحت النت ؟ اخبرني انه من التاسعة صباحا ! قلت له ارايت انك تحلم به يعني من الصبح وانت فاتحه

بفصار يضحك ويقوللي انت تراقبيني ، لا بد ان زميلي بالعمل يطلعك على اخباري ( للعلم انا واياه نعمل في نفس الشركة ولكنني انا في المكتب الرئيسي وهو بموقع البناء بحكم انه مهندس) قلت له لا طبعا ما في احد يخبرني عنك بس انت اول ما تفوت النت انا اعرف !!!!! يعني بالله عليكم هذا كلام منطقي يعني انا مو هاكر عالانترنت ولا عندي البرامج التجسسية واصلا لو عندي فانا في عملي اغلب المواقع مغلقة كالياهو والماسنجر والفيس بوك ومن هذه الامور يعني حتى لو هوه كان شابك عليهم انا لن اعرف لاني لا استطيع ان ادخل عليهم من عملي !!!! وحتى هوه اكملها مزاح وصار يتخوت ويحكيلي اه يعني انتي تراقبيني مممممممممممم واشياء من هيك فصرت اضحك واحكيله اه شايف حبيبي ودير بالك عحالك لانو سلوكياتك هالفترة مو عاجباني كتير!!!!!

ووالله ثم والله كنت امزح وهو اكملها معي مزاح وضحك ولعب ،،

ويعني لو ان عنجد سلوكياته لا تعجبني كنت ساسكت او اكن مبسوطة معه وامزح يعني والله لو عنجد اشوف عليه غلط يعني الا اتضايق مو اكون امزح بهاي الطريقة


والي يقولي ليه مثل هيك مزحكم؟ اقوله انا وزوجي ماخدين على بعض كتير ونمزح دايما

يعني اكتر من مرة يكون طالع هوه واصدقائه يقولي انا طالع مع بنات وهيك وشو رايك وين اعزمهم ونتخوت انا واياه واقعد احكيلو لا هاد المطعم غالي ما يستاهلو او خليهم هم يحاسبوا وبعدين لازم يدفعولي ضريبة لاني مخلياك تطلع معهم وطبعا كله مزح بمزح يعني لا هو طالع مع بنات ولا انا كنت حكون هيك لو اني شاكة انو بيتكلم جد ( ومن يوم طالع رح ابطل امزح هيك مزح معه لانه باين ياخذ الي بده اياه مزح والي بدو اياه ياخذو جد)

وهون الحوار انتهى .......

دخل للحمام وغيرت انا ملابس وانا ناطراه عشان نسهر شوي وبعديها يقعد شوي عالنت وانا والله كنت ناوية اتركه يرتاح مع حاله وانا اروح اكمل تجهيزاتي للعيد في المنزل


المهم


طلع وهو مكشر ومعصب , وما عندو اي كلمه غير اطفي الضو بدي انام

وانا احكيلو واحاول معو حبيبي ايش مالك ايش صاير معك ؟ ليه هيك قلبت

وكاني بحكي مع حالي يعني ما عنده كلمه غير انه اطفي النور

قلتله اذا عالمزح الي مزحناه فانت عارف اني كنت امزح معك وانا مو امك عشان اراقبك ولاهمي بالحياة اربيك

انا كنت امزح وانت فتت عالحمام وانت كنت كويس وتمزح معي ليه هيك قلبت ؟؟

وبلاش الليلة واليوم الي صارلنا شهر بنخطط لهم يروحوا هيك وننكد على بعض

ارجوك خلاص بكفي وقعدت اترجاه

وكان جوابه بكفي زن اطفي الضو بدي انام

هون انا تركته ورحت

كنا متفقين اليوم نطلع من الفجر انا واياه فصليت الصبح وقعدت اوقظ فيه عشان يقوم ونطلع وهو كانو صنم ولا كلمه ولا راضي يحكي بس يتقلب من جهه لجهه كل مالف عشان اصحيه وطبعا انا عارفة انو صاحي بس مهملني ومطنشني

هون انا ما قدرت قلت له يعني انت من مبارح منكد على حكي فاضي وسالته طيب بس احكيلي بدك تطلع اليوم زي ما خططنا ولا لا ؟؟؟ عشان ما اضل اسالك واصحيك اذا ما بدك خلص بسيبك بحالك


وهو ولا كلمه بس يتافف بتمه !!!!

طيب انا بدي اعرف حالي شو لازم اعمل يعني بدك تطلع ولا لا انام ولا اروح عالشغل ولا شو ؟؟


وهو ولا شي اكتر من نصف ساعة وانا احاول معه وهو حتى كلمة خلص ما بدي او اه او لا مو مكلف حالو يجاويني يعني اهمال فظيع كاني ولا شيء ولا كاني انسانه

فانا قررت اجي عالشغل لاني لو ضليت حضل معصبه ومتضايقه منه ويمكن تكبر المشكلة اكتر

فحكيتله انا بدي البس واروح عالشغل ووقتها كلف خاطره وحرك براسه انه اه روحي يعني حتى عيونه ما فتحها ولا اي كلمة بس هز راسه

هاي مشكلتي معه

ومو عارفة شو اعمل انا كتير زعلانة منه ومتضايقة عشان اليوم كيف راح وكيف نكد علينا والاهم على طريقة اهماله الي وتطنيشي

وهاي طبعه دايما بس انا بدي اياه يتغير مو قادرة استحمل اكتر من هيك يعني ما كان حيضره شي لو جاوب بنعم او بلا عالاقل


وللعلم انا وياه صارلنا اكتر من
جمع ( يعني كل جمعة وخميس) نكون نخطط ننبسط ويصير في البيت نكد بسبب او بدون يعني حاسة في شيء غريب

يعني مو مكتوبلنا ناخذ اجازة وننبسط فيها والله صرت اكره يوم الجمعة لانه صارلنا شهر او اكثر واحنا على الموال هذا يعني الا يصير نكد ويتعكر مزاجنا ونتمنى لو انا مو معطلين


انا اسفة لاني اطلت عليكم بس بدي منكم المشورة واتمنى تردو علي الان واليوم بالذات حتى اعرف كيف اتعامل معه

نفسي اعرف كيف ازعل منه لاني انا من النوع الي ما يعرف يزعل وعارفة حالي لو هلا يتصل يوحكيلي كلمة حلوة رح انسى بس انا ناوية هالمرة اخذ موقف حازم علشان ما يتكرر هذا الاسلوب والنكد على حكي فاضي


وعلى اسباب ما بيرضى يناقشها يعني مستحيل هوه يحكي ليه هو زعلاغن

يعني يزعل وينكد وتصير مشكلة وانا خبر خير


اشيرو علي بما ينهي المشكلة وبنفس الوقت اخذ حقي

لاني هالمرة لازم احسسه اني انا زعلانه واني بعرف كيف ازعل وقت الجد يعني هالمرة حابة اخذ موقف لانو صار يستسهل يزعلني وبعرف اني برضى بس من لمسة ايده


( عشان ما اكون ظالمته زوجي حنون ويحبني ومعاملته لي تدل على ذلك وغير مقصر بي والحمد لله ولكن هذه مشكلتي الرئيسية معه وانا احبه واكتر زعلي الان لاني كنت استنى هذا اليوم من شهور ونكد علينا فيه بدون سبب مقنع وحتى لو في سبب مقنع بحكمه فهوه صامت جدا لا يريد حتى ان يناقش او يتكلم لاعلم ما المشكلة بالضبط ومن اسلوب جفائه معي وقت الزعل

ولا هوه والله روحي وبحبه كتير بس لازم يحس بقيمة زعلي لاني معوداه اني ما ازعل منه فصار زعلي عنده عادي حتى لو بكيت يعني بعد ما هوه يروق يجي مثلا ينكشني او يمسك ايدي او يحضني او اي حركة بسيطة ودون اي عتاب وهنا انا طبعا ارضى منه وانسى كل شيء )


افيدوني افادكم الله


واعذروني على الاطالة واتمنى منك الردود والتفاعل مع ما صار معي وعدم اهمالي فلقد شبعت من اهمال زوجي لي وقت زعلي منه

__________________
[CENTER]لئن سئلتني يا رب يوم القيامة عن ذنبي لاسالنك عن رحمتك
ولئن سالتني يا رب عن تقصيري لاسالنك عن عفوك
ولئن قذفتني في النار لاخبرن اهل النار اني احبك
كفاني عزا ان تكون لي ربا
وكفاني فخرا ان اكون لك عبد