هذه اول مشاركه لي بالمنتدى واتمنى تساعدوني
انا متزوجه من 8 اشهر وكل بداية زواجي غلط بغلط ... انا ما حدا جبرني على الزواج ... وزوجي ابن ناس ومحترم ... لكن مشكلتي معاه كبيره .. انا وافقت على الزواج منو لانو كان بالنسبه لي فرصه لا تعوض انا كان حلمي اكمل تعليمي بره .. يعني مش ببلادي ولما اجا خطبني" زوجي " انا وافقت بعد ما صليت استخاره ... وطبعا هو ما يقدر يعلمني ولا حتى يصرف علي لانو كمان هو يتعلم ... وقلت انا بنفسي مش مهم خصوصا انو ابوي الله يخليلي اياه ويحفظه من كل شر قالو ولا تهتم يا عمي المصاريف والتعليم انت لا تهكل همو الحمدلله انو ابوي حالته الماديه بخير... انا ما اهتميت انو يصرف علي ولا ما يصرف مش هاي مشكلتي ":
مشكلتي مع زوجي بديت من اول يوم بزواجنا على طول بيني وبينو مشاكل وكل مشكله تحصل بينتنا لازم اهلو يعرفو ما علينا.. انا اول الزواج كنت اتمادى واطول لساني شوي بس بالاخير ارجع اتأسفلو بس كل طوله لساني كانت بسبو انا تعودت اني اكون بجو كلو حب وحنان لكن هو عاش بين اهلو وابوه وامه كل واحد بوادي يعني بالموت تيطرحوا السلام على بعض وزوجي تربى بجو انو المرأه ما الها كلمه وانو هو الأمر الناهي يعني لو قال انو الحليب اسود لازم يكون اسود وانا تربيت عكسو تماام وانا دايما كنت اشوف التفاهم بين ابوي وامي يعني زواج حقيقي ... وزوجي قالي واحنا مخطوبين لازم يكون حب وحنان وتفاهم .... بس وينو ولا بين شي بعد الزواج حتى شهر عسل ما كان من اول يوم بصل ببصل .... المهم انا حاولت اتفاهم معاه كثير .. وطلب مني اغير اشياء كثيره .. وغيرتها على اساس كمان الاقي منو رده فعل ..وتغير لكن كل شهر تتطلع مشكله خصوصا انو كثير الانتقدات وما في شي يعجبو ...بس قلت مش مهم ايا اثنين ببدايه زواجهم يكون في مشاكل... هو دايما يروح على الجامعه من الصبح لليل وانا كمان اتعلم بس وقت اقل منو المهم بس يرجع على البيت يضلو ماسك هلكتاب للنص الليل وبعدين يروح ينام مع اني حاولت الفت انتباه بكل الاشكال بس بدون فايده وانا اقول بنفسي مش مهم حراااااااااااام دروسو والجامعه اعذري ... وهو بس يغلط بحقي يرجع زي الاطفال يعتذر وانا اسامحه دغري وما كنت اوقف على اخطاءه ... بس مره فتت على النت وكانت صدمه وما كنت اتوقع منو هذا الشي كان تارك ايملو شغال وكان يحكي مع اختو وانا شفت كل المحادثه .. كان كاتب فيها انو مش طايقني ولو كان بالبلاد كان طلقني وانو هو تعبان ....لا ول امر انو اختو تقول مش مهم جاي الايام... مع اني والله... مش مقصره احلى لبس البسلو واحلى طبيخ اطبخلو وما ازعجو ابدا لما يكون يدرس.... يعني كمان يهين كرامتي .. شو مفكر انو راميه حالي عليه .. وانا مخطوبه لي .. كانت الناس تيجي تتطلبني وتقول لابوي حرااام تغربها ..بس انا الي انعمى على قلبي ... استغفر الله ...ووافقت قلت بعقلي اكمل حلمي واستر حالى لانو مالي حدا بالغربه .... وقلت رح يكرمني بس هان كرامتي وجرحني ويا ريتني ما عرفت .... لاني كرهتو .. ومش قادره اتصوروو ونزل من عيني .... وانا ما قلتلو اني قرأت شو كتب عني سبحان الله انا حسيت بهذا اليوم انو في شي مش طبيعي الله يهديه .. ويهديني ..لا ويا ريت توقف على هالصدمه بس اطلب منو يقول كلمه حلوه يقولي ما اقدر مش بايدي"" برجلو""" انا ما احبك .... قلتلو حدا جبرك تيجي تتزوجني ولا انا ركضت وراك و الله القطار راح يفوتني .. بس رح اسألك سوأل هو انت ترضى انو اختك زوجها يعاملها زي ما تعاملني ؟... جاوبني ...ذبحتني انا اسف انا احبك والله اسف وما بعرف شو بس انا ما عدت اقدر اصدقو انا احسو كذاب وعندو حاله نفسيه ... بس انا سويت حالي مصدقتوا علشان اعرف لوين هو رح يوصلني انا كل الي تمنتو اني اعيش انا وياه بسعاده واحقق حلمي ... مع اني قبل ما اتزوج كان واحد رح يموت علي واقول انا موافقه عليه بس كلو قضاء وقدر وابتلاء من عند الله ... انا اسفه لاني طولت .بحديثي

ضغط الدراسه يا قلبي

طالما انو يعرف غلطو ويتأسف خلاص

يعني عندو امل بالتغير والاصلاح


انتي باخلاقك العاليه وما تعلمتيه من اهلك امك كيف تعامل ابوكي وتستوعب غضبه

لان والدك حفظه الله مش من اول يوم هو هيك اكيد اخذ من طباع امك وامك اخذت من طباع ابوكي وفهمو بعض



انتي ابحثي عن الاكلات والمشروبات التي تريح الاعصاااااااااااب

وهناك عطور ايضا مثل اللافندير وغيرو


حاولي تضعيها في البيت


ووقت تحسي انو تعبان او انه يراضيكي تعملي له مساج على راسه وجبينه وقولي له :هذل حتى ترتاح من ضغط الدراسه


وتجدد نشاطك



الله يهنيكم ويبعد عنكم الشر

__________________
http://live.gph.gov.sa/
اللهم اني استودعك اولادي

__________________

الله يسعدك يا اختي كلامك جواهر بس انا مشكلتي اني مش قادره انسى وايا شي يعملوا معاي حتى لو كان شي منيح ... مش قادره اتقبلو ... لاني احس انو عم يكذب علي لانو ابدا ما بيتصرف بحب الا لما يكون بدو ينفذ رغبتو الجنسيه وانا الله ما خلقني علشان هذا الشي بس..... وفكره الحمل انا ما بفكر فيها ابدا لاني ما برضى انو يجي ولد ويعيش بينتنا وهو شايف انو ما في حب

انا حاولت معاه بالبدايه علشان كان عندي امل انو ممكن يحبني وانو هو بس يتصرف بهاي الطريقه من ضغط الدراسه ...لكن انا انصدمت لما شفت شو كاتب عني لانو هو ابدا ما يذكرني بخير امام اهلو متصوريني وحش .... من كلامو ؟؟؟ كيف بدي اقدر احسسو بحب وهو مش معطيني اياه ... فاقد الشيء لا يعطيه

اقترح تتكلمي معه عن الموضوع
لكن بطرقة غير مباشرة
يعني ماتجيبي سيرة عن المحادثة
انما تتكلمي انو اسرار البيت ماتطلع لاحد
بكرة الناس يشمتوا فينا
وما راح احد ينفعنا اذا احتجناهم
وان الزم ماعلى الواحد سمعته
وخاصة عند الحمولة
ضروري تكون صورتي حلوة عندهم
في المستقبل مع الاولاد راح نكون عايلة كبيرة

صدقيني مافي مثل المصارحة والشفافية بين الزوجين
وحاولي تكون هاااااااادية
لان اشعر انك مخنوقة من كلماتك
وانت لساتك عروس
فبدري على الهم
وضروري تحكوا مع بعض كثير
حتى تتاقلموا وتنسجموا وتفهموا بعض
موفقين

يارب يسخرلك زوجك ويرزقهه حبك

__________________
لا اله الا الله

8 شهور تعبر مرحله مبدئيه وصعب جدا تحكمي علي نجاح أو فشل العلاقه خاصه أنه ملتهي بالدراسه ومن الصبح الي الليل يعني فعلا مضغوط وما في وقت كافي تفهموا علي بعض وتاخذوا وتعطوا .

وشئ طبيعي من التنافر والتجاذب يا أختي تحصل حتي بين الاخوان اللي هم من بطن واحده
وكل شخص له حسنات وسيئات ومافي أنسان كامل والكمال لله
ولا تذكرين الماضي ورضي بنصيبك وكيفي نفسك معاه احيانا الاقتناع والرضى بالنصيب رغم مساوئه الا أنه مفتاح الفرج

شوفي اللي حوليك ما في احد الا وشتكى سواء من ناحية المرأه أو الرجل
وبالأخير نصيببك راح يصيبك ودام انك عزمتي وتوكلتي علي الله فهو خير المعينين
وما تدرين بكره كيف بتكون حياتك يمكن تكون أفضل من أي قصه حب عاشها اي شخص

ملك شاادي ماخليت لي شي اقوله كلامك عين العقل

ماادري وش اقووول غير الله يسخر لك زووووجك