دجاج مشوي بالأعشاب - منتدى عالم الأسرة والمجتمع

15-01-2010, 02:11 PM

ميــس

عضو الهيئة الطبيبة -طبيبة تشخيص مخبري

تاريخ التسجيل: Jan 2010

المشاركات: 621

دجاج مشوي بالأعشاب

هي الأكلة أكلتها في مطعم في دمشق و حبيت نفذا و طلعت كتير طيبة

هي طبق رئيسي بس وضعته في هذا القسم لأنو فعلا مناسب للي بدو يخفف وزنه أو متبع حمية خالية من الدسم الحيوانية و الحريرات الزائدة

الأكلة اسمها
جاج مشوي بالأعشاب

مكوناتها

صدور دجاج على شكل شرائح بسماكة 1 او 1.5 سم
و العدد حسب الكمية الي حابين تعملوها

الأعشاب ، الزعتر الأخضر أو الأوريغانو أساس فيها

أعشاب أخرى ، متل ما بتحبوا ممكن تضيفوا أي شي بيخطر ع بالكن
بقدونس، شبت ، جرجير .. الخ

عصير ليمون

شوية زيت زيتون او زيت نباتي

خل (ممكن يلزم لتطرية الجاج) قبل طهيه

ملح و فلفل

خضار (بطاطا جزر ذرة فليفلة .. الخ)

طريقة العمل

1. الجاج أنا بنقعه بشوية خل مشان يطرى شوي

2. شوي الخضار: بهالوقت بقشر البطاطا و بقطعها كما في الصورة ، و الجزر و الفليفلة و الذرة و ممكن فطر اذا حبيتي .. الخ
بتملحيها و ممكن تضيفي ليمون و رشة فلفل للبطاطا بس
بتصبي عليهن شوية صغيرة زيت و بتغلفي الصينية بورق الأمنيوم و بتحطيها بالفرن على نار هادئة على الرف بارتفاع حوالي 15- 25 سم يعني المهم ما لازم يكون قريب كتير من النار

3.مرحلة الشوي الأولى : رشي الملح و الفلفل عالصدور، بعدها اذا عندك شواية خاصة بكون كتير منيح اذا ما عندك ضعيه في صينية تيفال بالفرن و اشويه

4. المرحلة التانية للشوي: أضيفي الليمون و الزيت و الأعشاب و ضعيه في الشواية و اضغطي حتى يعلم عليه أثر الشوي ، بصير خطوط محمرة شوي شكلها كتير حلو

هون كل شي صار جاهز رتبيها في الطبق و زينيه و قدميها

ملاحظة : للي بحسها ناشفة و ما حابب يعمل ريجيم، ممكن تضيفي معها صحن تحطي فيه صوص
كريم فريش و جواتها بقدونس مفروم فرم ناعم
و هون يلي بدو ممكن بحط بصحنه فوق الدجاج

و صحتين و عافية

التعديل الأخير تم بواسطة ماريا ; 23-01-2010 الساعة 10:01 PM

مواقع النشر

« الموضوع السابق | الموضوع التالي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:22 PM.

روابط سريعه