السلام عليكم

عدت لكم بعد فترة انقطاع نتيجة لظروف خاصه المت بي ..

زوجي رجل متدين ويدرس بالمعهد الديني وبيتوتي وطول وقته بالبيت وما يطلع الى لما يروح المعهد في الصباح وما يأذن الظهر الا وهو بالبيت .. والمشكلة انه بيتوتي له معارف كثيرة واعيال عم واعيال خال بس مو اجتماعي ومحد يتصل فيه يسولف معاه او يطلع معاه ..

وصار ممل والمشاكل زادت بينا على اقل حاجه يحط باله ويسوي منها مشكلة على ما رتبتي هذا وعلى ما سويتي هذا والاكل مالح وفوق هذا سليط لسانه يعني ما على لسانه الا اقذر الالفاظ مع ان قلبه طيب الا ان لسانه سليط لدرجة يغلط علي وعلى اهلي وهذا الشي صار ينفرني منه ومن علاقتنه الخاصه لانه كلامه يجرح وهو يقول وينسى ولما اناقشه يقول هذا لساني وتعودي عليه .. ومن ضمن الكلام اللي يقوله يقول لي مو عاجبك خذي ثيابك وروحي بيت اهلك وانا اسكت عنه وهو كل مرة ويقول لي هالكلام احس اني انذليت معاه .. صعبه اطلب الطلاق وخصوصا في العائلة ..

كيف اجعله اجتماعي .. اذا اقول له اطلع روح لفلان مايرضى ويقول انتي تبين الفكه مني ويبدأ يعصب ويشتم ..

صرت اكره تواجده بالبيت بسبب هذا الشي واصبح تواجده بس تلفزيون واكل وعلاقه خاصه وما يسولف او بالاحرى ما يعرف يسولف معاي الا اذا صارت مشكلة بينا بدأ لسانه بالكلام الغلط ..


ادعوا لي تعبت معاه جدا .. وانصحوني ..

__________________

	ادعوا لي ان الله يرزقني بالذرية الصالحة

اصلح الله حالكم

زوجك شكلة انطوائي ... ومن تعامله معك ... يتضح انه ضعيف الشخصية

لذا... لابد ان تبدئي معه... بتعويده على زيارة وصلة الارحام

ابدئي باهلك ومحارمك... وتوسعي حتى يختلط بالاقارب ويكون علاقات مع الغير...

يسر الله امورك

مكوث الزوج في البيت ممل للغاية خاصة إذا كان من النوع الذي يتدخل في طريقة إدارتك لشؤون البيت

وفي المقابل فإن خروج الزوج خارج المنزل لساعات طويلة أيضا ممل لذلك فإن الوسطية هي الحل الأمثل

حتى يتسنى لك إدارة شؤون بيتك والإهتمام بنفسك دون تدخل منه وبكل راحة وحرية ولكي يتجدد الشوق لذا أقترح عليك:



إن كان لك إخوة في نفس مدينتكم فإطلبي منهم دون أن يعلم زوجك أن يصطحبوه معهم

ولو لمرة في الإسبوع ليعتاد على الخروج من المنزل ومن ثم يوسع دائرة معارفه


ممكن ايضا أن تقترحي عليه أن يشترك في نادي خاصة لو زوجك سمين لتدخلي عليه من مدخل السمنة وليس

مجرد الخروج من البيت

ابحثي عن أي شيء تشغلين به زوجك لكن إحذري أن تشعريه أن هدفك إخراجه من المنزل لكنك لو فعلتي

فلن تجدي محاولاتك نفعاً وسيلزم البيت ويتشبث به عناداً فيك !!

موفقة

__________________

[استغفرالله وأتوب اليه.]

..... اذا متزوووجه قررريب يمكن يكوون طبيعي لان حديثي الزواج يلزقووون بالبيت فتررره ويملووون ... اما اذا كان غير كذا .. حاولي فيه يدوور له عمل عقب العصر يشغلووه عنك ... ومن خلال هالعمل يمكن يقدر يكووون صداقات .... يعني خليييه يشغل نفسووه اقل شئ عنك وطبقي راي اخووي واثق الخطووه ..


وفقك الله ... ورزقك الذريه الصالحه عاجلاً غير اجل ...

__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....

صحيح كلامك هو انطوائي وضعيف شخصيته وما يطلع قوته الا علي

حاولت بس يمل بسرعه لانه طبيعته ما يحب يطلع ويرجع مثل ما كان ..


اشكرك اخي الكريم

__________________

	ادعوا لي ان الله يرزقني بالذرية الصالحة

صحيح هو ممل جدا جدا .. كم مرة طلبت منه يشترك في نادي وما يوافق مع انه سمين بسبب انه انطوائي ..

اخواني اصغر منه بالعمر كثير ..

بالاضافة اني اشجعه كثير بس هو يمل بسرعه لدرجة صارت العلاقة الخاصه بشكل يومي وهالشي انا بديت امل منه بس انا عارفه انه بسبب الفراغ اللي عنده يسوي هالشي ..

عنده كتب كثيرة بس ما يفكر يقراها يقول يحس بالملل في القراءة


الله يكون بالعون اختي

__________________

	ادعوا لي ان الله يرزقني بالذرية الصالحة

صار لنا متزوجين قرابة الثلاث سنوات وبعدين حاولت انه يجد عمل بس حاليا ما يفكر يشغل نفسه حاولت اخليه يقرا كتب من الكتب اللي عنده بس يفتحهم شوي ويمل ويخليهم ...

__________________

	ادعوا لي ان الله يرزقني بالذرية الصالحة

السلام عليكم
والله حبيبتي عن نفسي اتمنى ان زوجي يكون بيتوتي ومن شغله للمسجد للبيت
مو العيب بان زوجك بيتوتي لكن العيب انه يتلفظ عليك باللفاظ مو كويسة الي مستغربة منه اشلون هو متدين ويسب ويطلع منه كلام بديئ
حبيبتي ذكري زوجك بالله وذكريه بوصية الحبيب محمد قبل موته
اتقواالله في النساء، اتقوا الله في النساء، اوصيكم بالنساء خيرا

الله يعينك اناكمان كذا زوجى اتخيلى انااخرج وهو قاعد فى البيت ومايطفش ولايمل من العمل للبيت ويروح يصلى ويرجع ولايخرج ولايودى ولامكان هذا الحال له15سنه سرت اخرج مع اولادى يعنى اصبرى مشوارك طويل

حينما تحرمين من هذه النعمة , بتعرفي قيمة كون زوجك يكون معك ..

وخوفي غدا تولولي في المنتدى زوجي ما أشوفه الا يوم في الأسبوع ..