مشكله و أبحث عن حلها معكم
الموضوووووع طوييييييل يصعب شرحه بالتفصيل الممل لكن راح أحاول اني أختصر عشان أقربلكم الموقف
وتعطونا رايكم + الحل
شاكره لكم ردودكم مسبقا
ايش رايكم ــــ في واحد دايما يقول انه يحب خطيبته((زوجته)) يحبها موت يخاف عليها من كل شي حتى من من أقرب الناس و أول ما خطبها وبعد عقد القرآن صاروا يتكلموا مع بعض وكان داااااااااائما يحمد ربه عليها ويقول لها الحمدلله أنك مليتي عيني
ولــــــــــــــــــــــــــــــــــــــــــــــكن !!
كل بعد فتره يحكي لها انه قبل مايعرفها تعبوا أهلوا يدوروا له على بنت الحلال لمدة سنتين وبعدها خطبها وصار النصيب والحمدلله إنه مرتاح معاها
المشكـــــــــــــــــــــــــــــــــله !!!
دايما يذكرها إنه كان نفسسسسه يخطب بنت حضريه يعني >> ليست قبليه
ولكن أبوه رااااااافض تماما انه اي واحد من عياله يتزوج بنت غير قبليه والسبب العادات والتقاليد
ومن كلام هذا الخطيب وتكراره لنفس الموضوع تقريبا ثلاث مرات أو أربع
هذا شي ياخذ بخاطر خطيبته لأنه يحسسها إنها مو نفس ماكان يتمنى يعني أقل من المستوى وانه النصيب جمعهم وإنه صح هو يحبها ومرتاااااح لكن برضوه مونفس البنت اللي كان يطمح لزواج بها
يا جمــــــــــــــــاعه ........ البنت آآآخذ بخاطرها رغم إنها جمييييله وتمتلك أروع الصفات والكل يتمناها اتقدموا لها كثيييييير بس سبحان الله النصيب ربي كاتبه مع هذا الإنسان اتقدملها وحتى هو ماكان نفس الانسان اللي تتمناه لكنها استخارت ربها ورضيت بنصيبها واللي أسعدها انه انسان يصلي فرضه ويخاف ربه ورجال ماعليه كلام قالت الحمدلله أنا إيش أبغا أكثر من كذا وبس
لو كنتوا مكانها // إيش التصرف المناسب اللي تتخذه هذي الخطيبه عشان توقف خطيبها عند حده
قبل مايصير الكلام هذا يجرحها؟؟
13-08-2010, 09:07 AM
ضوابط المشاركة
العرض الشجري