مدري يقولون اخر العلاج الكي وانا قررت ان تكون خيانتي له اخر الحلول
تعبني .. جرحني .. احزن قلبي .. بكاني.. افقدني الثقه بنفسي .. ايام كثير انام ودمعتي على خدي وهو مو حاااس وارجع ابتسم ولاكأني شفت شي عشان اطفالي .. صح احيان اقول باشتري راحة راسي وكأني ماأشوف شي
بس اللي يقول كذا يغالط نفسه .. ياناس خيانه ..
المهم احنا نستخدم نفس الكمبيوتر جيت بافتح ايميلي فتح ايميله هو مدري كيف المهم اشتغلت اللقافه والفضول
شفته مرسل رساله لواحده حقيقه احزنتني كلمات هذه الرساله بكيت وبكيت وبكيت ولكن ....
قررت ان يشرب من نفس كأس الخيانه قررت ان يجرب ويشعر ماأشعر به .. قررت ان احزن قلبه مثل ماأحزن قلبي .. فلا يشعر بالالم الا من يكابده .. قلت هذا اخر حل اذا حس بالخيانه وحس قد ايش كنت اعاني يمكن يحرم .. يمكن اذا حس انه دين رجع في زوجته يعيد التفكير ويبطل
قررت ان العب بالنار يمكن تحرقني ادري بس يمكن تكوي قلبه ويتعالج
المهم
فتحت ايميل ثاني باسم رجل وبدأت ارسل لايميلي وارد عليه بكلمات قريبه مما وجدته في رسالته وكتبت بعض مما يجول في خاطري وناقصني
جيت لقيته فاتح ايميلي بس ولااااااتعليق لما راجعت ايميلي لقيته مرسل كل الرسايل لايميله وهو عالصاااااامت مسوي نفسه ماشاف شي
مدري هو كاشفني اني امثل عليه لانه وااااااااثق فيني جدا .. مدري يدرس الموضوع .. مدري ..
من خوفي لايصدق قررت اقوله السالفه واعطيه الايميل وايميلي بس احيان اقول خليه شوي يجرب النار اللي في قلبي
ارشدوني دلوني علموني هل استمر ولا خلااااص اقوله كل شي وارتاح

صراحه الموضوع غريب
ماكان منو اي رد فعل ابدا ؟؟؟؟
اخاف يتهور ويقرر قرار مو بصالحك اختي !!!!!!!
انا من رايي تواجهيه باللي انتي شوفتيه عندو باسلوب هادي ولاتتعصبي ابدا اصلا فكرة انك تذوقيه من نفس الكاس ماجابت نتيجه
فانتي عليكي بالمواجهه قوليلو بايش انا مقصره تعاليلو باسلوب رااااااقي
وان شاء الله ربي يهديه ليكي
وطمنينا يالغاليه

أختنا الكريمة/
ما هكذا تعالج الأخطاء بالأخطاء.
لقد لعبت بالنار وأخشى أن تحرقك.
وأخشى من ثوران الشك في قلبه وتحوله لقرار عاصف.
:::
أرى أن تسكتي الليلة، وتعاملي معه بلطف وهدوء، واحذري أن تشعريه بأية تغير.
ثم ليلة الغد أو بعد الغد قومي بتجهيز سهرة جميلة معه+استخدمي أنوثتك في عتب بسيط عليه من بعيد لبعيد+وجهي له هذا السؤال: هل أنا قصرت معك في شيء؟+ثم وضحي له حقيقة البريد الالكتروني وما فعلته تماماً حتى تغسلي الشكوك والحيرة في قلبه+ثم استخدمي اللطف والأنوثة مرة أخرى فيما وجدتيه في بريده الالكتروني.
:::
ادع الله تعالى أن يمضي الأمر على خير.

جزاك الله خير
اتمنى ان تطلع على موضوعي قبل يومين يمكن وتعطيني رايك
انا ماسويت هالشي الا واثقه ان زوجي ماراح يعصب او يسوي شي وفعلا صار
مدري احساس بالثقه المفرطه مدري ايش اسميه
انا فكرت اني ارسل له ايميل وابين له كل شي مع كلمات حب وعتب واعطيه الايميل يفتحه
لاني سبق وسويت اللي قلت عليه ولااااافاد عادي يقول ماقصرتي او يتحجج انها مو له .. تمنيت انه يفتح معي الموضوع ويناقشني بس عاااادي !!!!

مشكوره اختي
انا مالجات لهالحل الا بعد مااستنفذت جميع الطرق ابتداء من الهدوء والمصارحه الى الزعل وبيت اهلي ولااااا نتيجه

والله اهل العقول في راحه
يعني اذا طقت في راسه وطلقك وفضحك عند اهلك قولي انا ارسلتها وكنت ابغى اقهره واذوقو من نفس الكاس
وشوفي من بيصدقك وذا صدقوك راح يبقى في نفسهم شك
و اذا هو خانك كلميه ولاتسكتي وحاولي معاه واذا ماتاب كلمي اهلو بس لاتشوهي سمعتك
وترى سكوته مو معناها انو واثق فيك يمكن مصدوم ولا ليه ارسلها على ايميله
والله يعينك عليه ويعينك على نفسك

رجاء لاترد على موضوعي انت واهل والردود المريضه واللي مايعرفون كيف ينصحون
تعلمو من الرسول كيف نصح من جاء يستأذنه بالزنى .. الكلمه الطيبه صدقه .. اللي يبي ينصح ينصح بطيب
وهنا احيي اخي البليغ والله انه رجل حكيم واتابع ردوده وطرحت مشكلتي على امل انه ينصحني بالحل الحكيم مو زيك يجي يتريق برده اعوذ بالله منك

الله يهديك يا اختي ..

عمر الغلط ما يتعالج بالغلط ..

ما قمت به غلط و عليك ان تتحملي نتيجة تصرفك ...

افترضي ان زوجك صدق ان من ترسلي له هو فعلا رجل وقرر معاقبتك بعقاب اقوى من خيانتك الوهميه كيف راح

تثبتي له ان ما قمت به تمثيليه ؟؟

ولو زوجك صدق ان ما قمت به تمثيليه قد تكون ردة فعله ايضا قويه لانك خدعتيه فكيف راح يثق فيك مره اخرى ...

من رأي ان تتوقفي فورا عما تقومي به قبل ما تكبر المسأله و تفقدي السيطره عليها و تندمي حيث لا ينفع الندم ..

في بعض الامور مثل خيانة زوجك اللي ما نفع معها اي نوع من العلاج يكون الزمن هو الكفيل بحلها او انك اذا لا

تستطيعي الاستمرار مع خيانتة و التفتيش خلفه ان تطلبي الطلاق و ترتاحي اوانك تتغاضي عن تصرفاته و تعيشي مع

معه من اجل اولادك خاصه اذا لم تصل خيانتة الي الخيانه الجسديه التي قد تنقل لك الامراض ..

توقفي فورا عما تقومي به و انتظري ردة فعله بعد صمته ..... وبعدها لكل حادث حديث ...

__________________

أخصائية التجميل : HANDEA

سبحانك اللهم وبحمدك ..

اذا جازتيه بالخيانة وش استفدتي؟
احرقي قلبه بالايمان بالدعاء ولا تجعلي مكان للشيطان بقلبك ..خيانة المراة تهد الحيل
ولكن انتي قبل لا تفكري باي انتقام حطي خوف الله بقلبك..زوجك واثق فيك عشان كذا ماتكلم
انتي تقدري تخليه ينحرق بدون ماتخونيه يكفي تمثلي عليه انك مو جايبة خبره..زوجك مايخون الا نفسه ودينه وامانة ربه
اذا فيك قصور او تحسين انك تقدري تحسني من نفسك لا تبخلي..صلحي مانكسر وعلى الله اجرك..بس انتبهي يلعب بك الشيطان وتخوني..انتي جوهرة ثمينة صوني نفسك وعزيها..لا تذليها بخيانته لانه مايستاهل انك تخوني وتغضبي ربك
واجهيه وصارحيه بكل شي..قولي انا اعلم ماتفعل ولكن بعطيك اخر فرصة يكفي ان تقولي له هذا وخليه يعيش عذاب الضمير..ارسلي له رسائل على ايميله بدل التجسس تخوفه بالله وبغضب الله..لو كل من خانا خناه لا اصبح العالم كله خونة
قوي ايمانك بالله عز وجل وهو حسيبك

__________________