سلام عليكم ورحمة الله وبركاته
أنافي أمس الحاجة إلى استشاراتكم في موضوعي وعن طريق عضوة عندكم اقترحت علي ان اكتب مشكلتي
ولا تردوني خائبة بطرح مشكلتي مع زوجي وأبي رايكم ...
انا متزوجة من سنه وتسع شهور هو ولد خالي وكان يحبني وكانت فترة الخطوبه ست سنوات وكان يكلمني ويحبني واعترف لي بكل شي في حياته وانا وقتها قلت له ماضيك انتهي ودايم كلمته لا تخافي انا اصونك بغيابك .. وكنت واثقه فيه مره
ولما تزوجنا تنازلت عن اشياء كثيره رغم كنت المدلعه عند اخواني واخواتي لانه انا اخر العنقود وبسبب وفات امي وابوي الله يرحمهم وكل شي ممنوع عنده واحترمت رغبته بس كان ممنوع عليا فقط اما هو لا مثلا في الوقت الحاضر يقول اشتري لي بلاك بيري وادخل الخدمه بس انتي لا حتي لوفكرت اشتري لك كان مقصر معاي كثير في مشاعره وفي المصروف حتي الاهتمام رغم انا لا امدح نفسي كان هو محور حياتي في كل شي والله ماقصرت معه بشي لدرجه اهله ملاحضين الاهتمام وإذا حصلت مشكلة بيننا انا اواجهه واجلس انقاشه وهو مستمع ..واذا كنت محتاجه لشي مايعطيني ولا يوديني السوق وصبرت وتحملت وهو مايحرم نفسه من شي
وفي الشهر الثاني اكتشفت محادثاته في النت مع بنات وكانت صدمتي فيه كبيره لدرجه جلست اسبوع كامل لا اطالع في وجهه ولا اكلمه وبعدها جيت واعتذرت له وقلت له انه زعلانه عشان انت ماتهتم فيني ولا قلت له انه شفت المحادثات وبعدها بفتره اعترفت له انه شفت كل شي بالماسنجر وهو اتهرب ويحسبني اكذب عليه في الاخير وضعت له المحادثه على صفحة المكتب واعترف انها علاقه قديمه وانه يحاول ينتهي العلاقه وحذف الايميل وقل خلينا نبدا صفحه جديده وصدقته..
وبعدها حملت وفرحت انه راح يهتم فيني وبرضو لم يهتم فيني لدرجه تركني وسافر مع اصحابه رضيت وسكت وقلت عشان حامل مااقدر اسافر
وفي نهايه حملي في الشهر الثامن لاحظت انه مره متغير معاي وطول الوقت سرحان حتى ملامح وجهه متغيره عرفت انه مسوي مصيبه وسالته وقال ولا شي وبصدفة اخذت جواله عشان اكلم اختي شفت مسجات مرسلها للبنت وعرفت انه على علاقه ببنت وطول شهري التاسع مااشوفه الا وقت الغدا وينام وبعدها يطلع لاصحابه اللين وقت الدوام ولا يسال عليا ويحط العشاء لي عند الباب ولا تكلمت معه ودايم دمعتي على خدي الا مره قلت له انه باخذ حقي منك انت والبنت اللي تكلمها لانه انا ماقصرت معاك بشي قال كيف قلت ماراح اقول لاهلك ولالاهلي بس باخذ حقي منك حتى لو بلغت عنك الهيئه وقتها قال ترضين علي البهذله وخاف وقتها وتغير يومين ورجع
اللي قاهرني ليه يعاملني كذا طول الوقت مايكلمني كاني مسويه شي
المهم بعد الولادة اعترفت له اني شايفه كل شي قال لي انه البنت لها علاقه بمشكله لاهله وبطريقه غير مباشره وانها بنت كبيره اشلون كبيره وانا شايفه مسج لها تقول ماتقدر تكلمه لانها مع اهلها ولو في مشكله ليه طول الوقت يكلمها واشوف وقت المكالمه الفجر أي مشكله تنحل الساعه 3 انا عارفه ومتاكده انه يكذب بس اشلون اتاكد مابي اكون شاكه ابي اكون متاكده عشان مااندم بعدين وللمعلومه مو راضي يقول لي المشكله لانه بنظره خاصه باهله ومستحيل يقولها لي قلت له طيب انحلت المشكله قال لا قلت اترك البنت قال مستحيل اتركها
وخيرته يازوجتك وولدك يالبنت قال مابيني وبينها شي وانا مو فاضي للحب والبنات
مر الحين اسبوع ولا رد عليا كانه بايعني انا نفسيتي تعبانه مره وكل مااشوفه اتذكر تعامله معاي بعز احتياجي له بشهر التاسع اصد عنه ولا اكلمه ومني عارفه اش اسوي معه مااقدر ارجع لبيتي كرامتي مااتسمحلي اشوفه يخوني واسكت وارجع للبيت وكانه ماصار شي افكر بالطلاق بس اش ذنب ولدي اللي ماكمل شهر ينحرم من حنان ابوه رغم هو مقصر معانا
الله يسعدكم اعتبروني اختكم .. وش اسوي وكيف اتصرف لانه تعبت واحس أني إنتهيت مني قادره افكر ..
10-03-2011, 04:57 AM
ضوابط المشاركة
العرض الشجري