مشكلتي هي اني للان كملنا سنه و نص وكنت أحب زوجي في البداية لكن هالحب بدا يخف و يخف الى حد اني الحين أفكر بالطلاق. زوجي ما مقصر علي من الناحيه المادية و الترفيهية ( سفر و طلعات). بس من الناحيه العاطفية ما أحس انها موجوده. زوجي في كل مره نتكلم و نسولف لازم يعيب علي و يركزعلى عيوبي و يقارن بني و بين أي بنت في الشاشه.
لحد صرت اللحين اكره نفسي. و أحس انه مرتبط فيني فقط لاشباع رغبته . هو قبل الزواج كانت له علاقه مع بنت بس من الجنسيه الاسيويه و أحسه يقارن بينا. أنا طبعا ما عرفت عن علاقته هذي الا بعد الزواج. قبل الزواج لما أهلي سالوا عنه قالوا انه يحافظ على صلاته و من البيت للشغل و من الشغل للبيت. طلع هالكلام كله كذب و العكس صحيح. المشكله اني حملت بسرعه و لو ما كانت عندي بنت كنت طلبت الطلاق. اللحين أنا محتاره و تعبانه نفسيا ما عرفه شو أسوي و شو الحل؟