السلام عليكم ..

اكيد العنوان غريب , بس الموقف اللي صار لي أغرب , موقف سخييف واسخف من السخيف ..

بس كان له عوااقب كبيرة جداً علي .. دمر علاقتي بزوجي وقبل كذا دمر نفسيتي كثيير ..؟!!!

اوضـــــــــــــــح : أنا اكررره الحشرات بأنواعها أكررره جدا , و اكرره " الصراصير " بشكل خاص ..

أحس بقشعريرة بجسمي من مجرد ما اشوفها , اتقـــزز منها جدا جدا .. وزوجي يعرف هالشي ..

واللي صـــــــــــــــــــــــار :

ان زوجي احياناً يروح للإستراحة , وهالإستراحة قذرة قذرة قذرة , فيها انواع الحشرات ..

وكل مرة يجي منها تطلع من اغرضة كم حشرة , فقلت له لا يدخل اغراضه البيت , يخليها بالحوش

والشغالة تنظفها بعدين تدخلها ..

وفي نهاية هذى الإجازة جاء زوجي من الإستراحة , لكن هالمرة دخل اغراضه البيت . فقلت له :

ليش تدخلها ..؟! قال : لان ما فيها شيء , تعالي شوفي , فقام يفتش فيها ..

وطلع منها صرصور , أنا خلاااص انهرت يوم شفته , فقام زوجي وشاله بيده ورماه جهتي ..!

جتني حالة هستيرية جلست اصااارخ , والصرصور يمشي بسررررعة ناحيتي ,, واحنا عندنا في البيت

بسه , جت تجري ورى الصرصور ويلفون حولي ..

وزوجي يمشي وراهم ويصور بالجوال ,, وطلع الصرصور على رجلي وانا من الرعب ما قدرت اتحرك ..

فقدت الوعي " اغمي علي " ...؟!!!

وما حسيت بنفسي إلا زوجي يصحيني ويعطيني مويا , ويقولي خلااص موته شوفيه ماات ..

من بعدها وانا تعبااانه ,, مو طايقة زوجي , ولا طايقة اتكلم معاه , ولا حتى اطالع فيه ..

ولاني قاادرة لا أكل ولا اشرب , وكل ما كلت شي رجعته على طوول ..!!!

زوجي اعتذر واتأسف وقال أنا مو قصدي وما كنت ادري انك بتخافين لهالدرجة ..

كل يوم زوجي موديني المستشفى , يعطوني محاليل ومضادرات غثيان بس ما فادتني ..!

من ارجع البيت ترجع حالتي واكرره كل شيء , وارجع المستشفى , أخر شيء الطبيب قال لزوجي

بعد الفحوصات : هي متضايقة نفسياً ..!!!!

صارلي خمس ايام , وانا مررهقة , وكااره زوجي حتى وقت انام اعطيه ظهري ..

بنتي مو قادرة اشيلها , طول الوقت يامع زوجي أو الشغالة ..!!!

...

أدري ان الموضوع ما يستاهل , بس مادري شو صار فيه ..؟!!

مو قادرة اتحكم بنفسي ولا مشاعري ..!!

صار لنا ثلاث سنوات متزوجين , تصير بينا احيانا مشادات بسيطة وعاادية جدا ..

لكن اول مرة يصير معي كذا ..!!

تعباانة ودي اجلس وحدي وما ابغي اتكلم مع اي حد ..!!

فيه غضب كبير على زوجي , ودي اسبه واشتمه واطلع كل اللي بنفسي ..

بس يمنعني انه اعتذر وعارف غلطه .. ! واني انا كمان مررهقة وما فيني حييل ..!

وعليكم السلام ورحمة الله وبركته,,
أسئل الله أن يجعل الصرصور اكبر همومك ,,,
احمدي الله , وقابلي زوجك بالصفح الجميل , هناك من عفت عن زوجها لخيانته مع صرصوره فمابالك بالصرصرور.

__________________
ياحي ياقيوم لاتجعل في قلبي سواك ولاتشغلني بغيرك ياارحم الرحمين

اختي مشكورة لكِ ..

انتِ ما فهمتيني ,, ادري أن الموضوع بسيط ,, وادري انه فيه اكبر ..

وشكرا لك مرة ثانية ..

تــــــــــــــــــــوت ضحكتيني من قلب... المشكلة كل ما ابي ارد لازم اضحك
ورد ساهر..ما ألومج ابدا على هالزعـــــــــــــــــل حاسة فيج لأني مثلج فيني فوبيا من هالحشرة البشعة
كل اللي تحتاجينه وقت علشان تنسين..وطبعاً زوجج عرف شدة الموقف عليــــــج وندم واكيد ماراح
يحاول انه يستخف دمه بهالطريقة البشــــعة..فخلااااص حاولي انج تتناسين الموقف وتطردينه كلياً من ذاكرتج

موفقــــــــــــــــة يارب

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

مشكووورة لك ..

ومع إحترامي لكل اللي ضحكوا على الموقف ..!!

ما يستدعي الضحك ابدا .. بالعكس موقف سخييف جدا جدا ..

وما يستدعي كل هالتعليقات المستخفة فيه ..!!

شكلج فاهمـــــــــة غلط..اللي يضحك كان تعليق الأخت توت وللتشبيه اللي شبهته..
مو موقفج انتي..موقفج كان صعب ومخــــــيف..ومافيه اي تسليه ومرح

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

اول شئ حمدالله على سلامتك ياأختي وبصراحه ما تنلامين في أسباب خوفك من الحشرات لأن سبحان الله أنا أعرف حريم عندها فوبيا وخوف غير طبيعي من الصراصير والوزغ والفئران والثعابين وحتى من أصوات الرعد والبرق و الأماكن العاليه والأماكن المظلمه تجدهم يرتعبون ويخافون بشكل غير طبيعي والسبب في هاذا الخوف إللي يصير مع الإنسان يحصل له بسبب موقف صار له وهو صغير وسبب له عقده مع الزمن أو إنه كان أهله يخوفونه بالشئ هاذا إللي كان يخاف منه فمع الوقت تأزمت نفسيته وتكونت لديه عقدة الخوف والهلع وتطورت على شكل مرض عنده من الأشياء هاذي وللأسف هناك بعض الأهالي يعتقدون بأن ترويع الشخص إللي يخاف بالشئ إللي يخاف منه علاج لحالته وقصدهم إنهم يحطونه قدام الأمر الواقع علشان عقدت الخوف ترو ح عنه ويواجه الأمر الصعب و يتصرف في الموقف يعني داويها بالتي هي كانت الدائو وهاذا أ كبر غلط لأنه يمكن لاقدر الله من شدة خوفه يرو ح فيها وتجيه سقطه قلبيه أو عقده نفسيه لايمكن علاجها بسهوله
وأنا عندي صديقه مقربه عندها خوف غير طبيعي من الوزغ حتى صورته ماتحب تناظرهاوماكانت كذا من قبل كان خوفها خفيف بس تطور بسبب إن أهلها تعبوامن سالفة خوفها وأشار عليهم واحد بأن يمسكو بالوزغ ولما تجي داخله للغرفه في البيت يشيله واحد من أهلها ويرميه عليها على أساس تشوفه وتكون لها ردة فعل عكسيه يعني تتشجع وتتصرف بطريقه تتخلص منه ولاكن للأسف البنت بغت ترو ح فيها وأغمي عليها وجلست طريحة الفراش حول شهر كامل حتى الكلام جلست حول أسبوع ماتنطق ولا بكلمه ولا عاد قدرت تنام وبعد جهد وعلاج مضني تحسنت حالتها والحين عقدت الخوف مازالت عندها لدرجة إنا لو طلعنا إستراحه تجلس معانا وعينها تفر بالإستراحه فر يمين يسار فوق تحت وترفع رجولها وعبايتها وملابسها كامله فوق على الكنب بالإستراحه وماتجلس إلا جنبي على أساس أوفر لها الحمايه من أي هجوم مباغت بالإستراحه سوى صرصور أو وز غ أنا الحمدالله ما أخاف من الحشرات أبد ولاكن عندي أخوي الكبير عنده عقده من الثعابين بشكل فضيع وقدام فتره كسر جوال إبنه آيفون والسبب شاف مقطع فديو فيه لثعبان ضخم والسبب واحد ثاني من إخواني شال الجوال وأعطاه يشوفه يمز ح معاه وهو مايدري بالمقطع وماسمعنا إلا صيحته و شال الجوال وصقع به بالجدار إلين كل قطعه راحت لزاويه وبعدها تعال شوف كيف البيت إنعفس وزعل على أخوي الثاني وطق ولده ليش يحط هالمقاطع بالجوال فبصراحه أحيانا يا أختي الواحد يكون قصده يمز ح
ويشوف ردة الفعل والظاهر أنتي شكلك لما رماه عليك ماهربتي يمكن من الصدمه وقفتي في مكانك و ماعرفتي تتصرفي وزوجك كان منتظر منك ياتهربي يا إنك تقتلين الصرصور وصدقيني إن زوجك ماتوقع إنه بيصير فيك كذا ولا كان ماسواها فيك وكان يمز ح معك ولايقصد أذيتك فمهما كان هاذا زوجك وحبيبك وأبو بنتك ياوروده ولاتخلين صرصور يعوفك من زوجك هاذا حبيب قلبك وتلاقينه الحين الندم والحسره ماكله قلبه عليك ونفسه ترجعين له مثل أول فحاولي تتناسين الموقف حتى لو كان صعب عليك حاولي تطرقين جميع أبواب العلاج لوضعك النفسي حتى حياتك تسير وترجع طبيعيه وأخيرا أسأل الله أن ينزل الهدوء والسكينة على قلبك ونفسك وأن يشفيك ويعافيك من ما أصابك ويحفظك لبنتك وزوجك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

حصل خير .. !!

والأخت توت مو متخيله وضعي ,, سواء خيانة او غيرها النتيجة وحده ..!

رومانسية ال .......يرمي على زوجته صرصور..!!

هو غلطان ما فيها كلام .. بس العذر إنه قصده يمزح لا أكثر..
أنا بعد عندي فوبيا حقيقة من الصرصور أفقد السيطرة على نفسي تماماً..
الله يجيرنا منه
المهم استهدي بالله واذكري الأذكار .. وغيري جو بعمره أو سفر كم يوم..

بس بنتك وش دخلها بالقصة..؟

اختي اقولكِ تعباانة ما ني طالعة لأي مكان ولا ابغى اشوف اي شخص ..

وما فيني حيل لأي مشواار ..!

بنتي ما لها دخل بالقصة ..

بس انا كااارهة كل شيء, حتى بنتي , ومو متحمله اي شيء ..!!!!