السلام عليكم و رحمة الله و بركاته

مع انشغالي الدائم مع النونو و ولدي، و كل يوم تطلع لي حكاية جديدة .. فما بأفضى أبداً ..
و لاني مضغوطة جدا من جميع الجهات، فأكبر هم أعاني منه حالياً .. هو مرض أمي ..

و لإنه حالتها بتزيد سوء كل يوم و الثاني، و أنا اللي معاها اغلب الأوقات .. و باكتم كل شوي
ماأبغى ابين لاخواتي انه امي مرضها مامنه امل بالشفاء، و حابة اكون متماسكة امام الجميع
و نفس الوقت مابغى اتكلم عن امي قدام احد او زوجي ..

امي صايرة تعصبني كثير و تستفزني، و كنت قبل مرضها ( البنت المفضلة عندها ) على قولة
اخواتي و اخواني .. هي قلبها حنون بس ماتبين أبدا و تكاااااااااابر و تظهر لنا بس قسوتها

اخترت خالة جرين، لاني محتاجة لقلب ( الام ) و محتاجة انها تعلمني و تدلني كيف أتصرف
بالمواقف اللي أعجز فيها بالتعامل مع امي و خاصة بالفترة هذه ؟؟؟ امي طول عمرها تكره انها
تظهر ضعفها امام احد و خاصة نحن بناتها ؟ و دحين احس نفسي مرات ابغى اقدم لها اي شي
بس اقف عاجزة .. و بنفس الوقت تحصل مواقف اخاف افقد أعصابي فيها .. لانه امي فيها طبع
كثرة الانتقاد و التجريح .. و مع حالتها المرضية، زادت عصبيتها اكثر .. و انا باتحمل و اصبر و ابلع
لانها مريضة و بحاجة الى التنفيس..

خالة جرين ، ممكن تكوني معاي ؟؟؟.
امي مابين الحياة ووالموت ..
*