صباح الورررد

اختي عندها ولد عمره تقريبا اربع سنوات الله يحفظه

بس المشكله هالولد نكبه بكل ما تعني الكلمه مفشلها ولسانه متبري منه ومافي احترام لاحد
مثال مره كانوا باستراحه ومتجمعين ومعهم ناس من خارج العايله ودخل الاخ مجلس الرجال وشاف عمه وروح اوقف قدامه
قال يا ملعون تخلي لحد ما نروح نصلي وتدق على امي تكلمها ويسب يسب لو فيك خير تدق وانا فيه عمه يرقع يمين يسار مره ذا ناشب بحلقه ليييه
لان قبلها باسبوع دقت زوجت عمه وطلبت تكلمه وما كان فيه وقالت لها امه انو مو فيه قالت خلاص قولي له عمه يسلم عليه وراحت قالت له بعد ما رجع عمك يسلم عليك تقول ناظرني باستحقاار وراح وما قال شي ولما شافه نشب فيه

شي ثاني عناد مو طبيعي
واذا ضربته او شي ما عاد يسمع كلامها نهائي واذا قالت روح سو كذا يقول ما بسوي شي لحد ما تسامحيني وتقول له سامحتك يقول لا حبي على راسي >>يبي يقول اعتذري بس مو عارف شلون
وتسحب عليه ما تعطيه وجه

اتبعت معه اسلوب مت ضحك على نتيجته وحده من جاراتها تقول اذا سوا شي غلط قولي له لا الولد الشاطر والعاقل ما يسوي كذا
واستمرت معه كل ما بغته يسوي شي قالت الولد الشاطر
اخر شي قال لها اقول الله يلعن الولد الشاطر تريك ذبحتينا الولد الشاطر والولد الشاطر هي فكينا

غير كذا ما يشكر احد ابدا يعني احد يجيب له شي ما يقول شكرا الا بحاله وحده اذا عجبه اذا ما عجبه يقول والله لو ارتحت كان احسن
وتقعد تعلمه امه عيب حتى لو ما عجبك تقول شكرا يقول والله ما اقول شكرا وهو ما عجبني

الولد ماخذ مقلب بنفسه بشكل ومسوي نفسه رجال ولحد يكلمني ويتقرف من اي شي
والمواااقف كثير امه خلاااص تضربه يدق على امي شفتي بنتك والله ياهي فقعت وجهي تفقيع !!!!

وش الحل مع هالنوعيه لاني قايله لاختي هذاا الكائن اذا كبر على ذا الحال لا تزوجونه ابد والله يجلطها

جربت كل الطرق بالتعامل ومره ما نفع معه

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..