السلام عليكم ورحمة الله وبركاته ،

شلونك أخوي ؟ اتمنى إنك تكون في تمام الصحة والعافية
طبعاً سبب إختياري لك شخصياً لأن ردودك تعجبني وألمس فيها رجاحة عقلك..

أعرفك بنفسي ، عمري : 22 سنة
- حاصلة على بكالوريوس في القانون
( حالياً في طور إتمام إجراءاتيي عشان أكون محامية رسمياً )
تزوجت سنة : 2009
تطلقت سنة : 2010

منحدرة من عائلة مشهورة بالجمال ، والجمال الشغل الشاغل للعائلة
دايماً يهتمون بالشكل الجميل ، وشوفي فلانه بيضاء ، وفلانه رشيقة ، وفلانه غمازاتها حلوين
وفوق شهرة عائلتي بالجمال مشهورين بالثقة في النفس..
يعني كل وحده منهم اتقدر ذاتها بشكل مو طبيعي .. مثلاً عماتي كل وحده تقول عن نفسها : آنه جميييييلة

آنه عندي مشاكل معينة :
1 ) إن أفتقد الثقة بالنفس ودايماً شاكة في نفسي! هل آنه حلوه ؟ هل الناس بتعجب فيني ؟ يمكن محد بيخطبني لأن يمكن مايشوفوني حلوه ؟ لا آنه حلوه بس يمكن جسمي مابيعجبه!
دايماً عندي هالهاجس! دايماً هالشي مخوفين ، مع إني ما أقل عن بنات عائلتي شكلياً ..

2) دايماً أخاف إن آنه ما اتزوج! وإن أظل وحيدة ، وإن في يوم من الأيام ما اصير أم ! ، مع إن مجتمعي منفتح جداً جداً ، وفرصة المطلقة في الزواج لا تقل عن فرصة البكر ..

3) إذا وحده من صديقاتي أو معارفي تزوجت أو احملت أقعد ابجي ، واتضايق مع إني دايماً ادعيلهم إن يتزوجون وتكون عندهم ذرية ، بس حزة اللي يتزوجون أحس نفسي متضايقة.. - استغفر الله - دايماً اقول ليش مو آنه اللي متزوجة ؟

أعااااااااااااااااني من وحدة فضيعة! فضيعة جداً!
مع إني أقدر اطلع واروح واجي متى مابغيت لأني الحمدلله اسوق وعندي سيارة ، بس ماعندي أحد اطلع معاه
صديقاتي لاهيين ، ناس في الجامعات ، وناس متزوجات ومادري شنو

أحس نفسي وحيده
في الفترة الأخيرة احس نفسي لاهيه شوية ، وأحاول إن ما افكر..
ووطدت علاقتي في الله "