السلام عليكم انا بنت اعيش مثل البنات افكر بشخص يعشقني ويعطيني الامان لاني في بيت اهلي احس مااخذت حناني كفايه من كل اخوتي كنت ادعي ربي دايم بسجودي ان يجيني شخص قمه بالاخلاق ويحبني ويعزني ويعطيني حنان اللي فقدته بسنيني مرت الايام وانخطبت وتزوجت وفعلا زوجي لو امدحه من هنا لبكره مااوفي بحقه كانت فتره الملكه سنه ونصف وتعرضت لمرض خفيف استمر 4 شهور وكان خطيبي نعم الزوج ساندني يسهر معي الليالي عشان يخفف حزني ويولسيني كانت ايام حلوه رغم قسا وه المرض لاني حسيت اني فعلا مهمه بحياته كنت اقوله طلقني انا تعبانه مو قادره اسعدك يرد علي لا سعادتي ماشوفها الا فيك كان يقولي لاوعيتي من الليل وانتي ضايقه اتصلي بي وانا نايم اقعد وكنت اصحا وابكي من الالم والضيق وعلطول ادق عليه ويخخف حزني ويسليني عشششقته عشقته كل جوارحي حبيته صرت كني طفلته كان يضرب مسافات الاميال عشان يشوفني كان بديرر ه جدا بعيده وتم الزواج وانا تجاااوزت الوعكه اللي جتني وصرنا من اجمل مايكون عشت معه احلا ايام عمري اه ياحلات ذيك الايام مر ست شهور انتظر حملي خايفه يتاخر لاني اسمع ناس تاخرو زوجاتهم ماحملواوافترقوا مااخفت من عدم حملي لا والله خفت علا حبنا لايندثر ويضيع عقب ماحصلته بعد تعب كان يصبرني يقولي بابا انا مابي عيال مو مستعجل حنا الحين مبسوطين وكنت متوتره واصريت عليه اكشف وقال الدكتور انتي سليمه وجينا للبيت وحضني وقال خلاص تطمني ومرت شههههور انتظرر ماصارحمل لين رجعت للدكتور قال زوجك يحلل وحلل حبيبي وطلع الحيوانات المنويه صفرر مانسى ذاك اليوم بكيت لين دخت وابتدينا مرحله العلاج . صبرت زوجي وكان لماصحا من العمليه يقول انا مابي عيال ابيك انتي بس سويت العمليه عشانك كنت ابي احقق لك منيتك وتحملين بكيت وقلتله والله احببك مابي غير حبك والحين عايشين حياتنا طبيعي سلمنا امرنا لله مدبر الكون لكن بدت المشاكل تكثر مني مسكين هو مو مقصر معي طلباتي اوامر بس انا صايره كتي ادور مشاكل عشان افرغ طاقتي انا اخبه ياعالم وخايفه نفترق وبنفس الوقت خايفه من الوحده بعديين ارجوكم كبدي فيها نيران من الحزن زوجي رجل صالح طيب كريم حنون لكنه عقيم انا تعبت خايفه تفترق علا هوشه صرت اتلفظ عليه لاتهاوشناوهو يعصب ويصرخ ويرجع يسامحني لاتاسفت له اتلفظ عليه غصب ولاطلعت لكلمه مني اطيح عليه واتسامح منه والله ياهو تحمل الفاظ مني يقول انا تحملت لاني احبك مو عشاني عقيم اقدر ادور زوجه غيرك لو ماحبيتك لكني ابيك انا احبه يابشر وبنفس الوقت خايفه اتندم بكرا ارشدوني بخصوص موقفي والفاظي عليه هل انا زوجه سيئه؟ ارشدوني هل اطلب الطلاق ! واتركه مجروح قلبه ينزف وقلبي ينزف اكثر مستخيل انساه ابي زوجي تكفون ادعولي ربي يفرج علا زوجي الغالي اللهم اجبر بخواطرنا. تخيلوا زوجي من كثر ماهو جدا طيب امي بكت عليه ضعف مابكيت انا ونصحتني ابقا معه للاخر لكن المجتمع اه حسبي الله