السلام عليكم ورحمة الله وبركاته

7
صلــــــوا على نبينا وحبيبنا محمد



طبعا زوجي من النوع الكتوم مايعبرلي عن مشاعره ولايسولف معي نادرا جدا جدا يسولف

مرةاعطيته قلم وقلت اكتتب في يدي وش اعني لك
كتب لي..(.كتلة الجسم..).وسألته ليش وجاوبني وفرحت كثيييييييير

سألته وش يعني لك الحب ؟
رده احبطني كثيرا قال ان يكون هناك اثنين يحبون بعض وتحصل مشاكل ويتزوجون ؟؟
طبعا انا هنا فقدت الثقه انه يحبني قلت له واحنا ايش ؟؟

رد عليه رد مااتذكره بس احبطني تندمت اني سألته
معنى الحب بالنسبه له انه مايطلع الا في الشدائد يقولي لو لاقدر الله مرضتي او كذا تشوفين كيف احبك
يمكن تعبيره خانه !! وماعرف يوصله لي
وقلت له انه الانسان اللي عايش معاك حسسه بالمحبه مو تستنيه لين يمرض عشان توضح له محبتك يمكن يموت وبعدين تندم وماينفع الندم

واصلا كل ماقلت له ليش انت ماتقولي كلام حلو .....يجاوبني بمزح ويقول لازم الرجل يثقل

كلمته اثرت فيني احنا زواجنا تقليدي ومن الاقارب بس كان بختياره لانه ارتاح كثيرا لأبوي واخوتي؟؟؟
واكثر الزواجات في مجتمعنا السعودي تقليدي!!! يمكن هو تأثر من ولد عمه لانه تزوج عن حب وماحصل هذا الزواج الا بعد مشاكل

قلبي يقولي انه يحبني مع انه مايظهر لي هذه المحبه؟؟


فأنا ابغى اسأل الازواج الكتومين اللي مايعبرون عن مشاعرهم
ايش هي التصرفات اللي يقوم بها الزوج وتكون نابعه من محبه ؟؟؟
كيف اعرف انه يحبني ؟؟؟

__________________
صــــــــــــــــلــوا علـــــــــــــــى من بكــى شــــــــــوقـــــــا لرؤيـــــــتــــــــــــــــنـــا