السلام عليكم و اسعد الله صباحنا و صباحكم بطاعة الرحمن
اخواتي في عالم الاسرة ابغى افتح معكم هذا الموضوع من فترة ..
بس انشغلت والحين جا وقته
ضايق خلقي بسبب وضع عيالي ودي و اتمنى و اطمح انهم
ينشئون نشأة صالحة ابغى استثمرهم للآخرة ، و اتوقع
انه همي و هم اغلب الأمهات
الاطفال في سن ما قبل المراهقة يكونو سريعي التأثر و يقلدون بشكل كبير
و أيضاً يكتسبون صفات من الام و الاب
لكن المؤثرات الخارجية تخرب كل مخططاتك لتربيتهم تربية سليمة
حتى بعض الأشياء الموجودة في البيت زي التلفزيون و الأجهزة
قبل فترة تحاورت مع الخالة الحنونة بيتا
عن الوازع الديني عند الاطفال .. تتذكرين بيتا ؟
بصراحة ما قدرت في ولدي 
ابغى اعوده على الصلاة مو قادرة
يصلي خوف من خواله فقط او رغبة بشيئ مني ، و يصلي بوضوء
*ناقص بسرعة بسرعة قدامي بس
بعد العزا لاحظت أسئلته كثيرة عن المتوفية الله يرحمها و عن حالها بعد الموت*
عن الموت و البعث و الجنة

استغليت هالشي لصالحي و جاوبته
حكيته عن الجنة كثير قال لي متى أموت عشان اروح الجنة يا ليت احد يموتني*عشان الاستاذ في*المدرسة قال اللي يموت نفسه يروح النار قلت انت خاييف من النار
قال ايوه قلت خلاص لازم تصلي لان اللي يصلي ما يروح النار قال*انا اصلي بس بعض الصلوات مو كلها اتعب منها كلها
جاوبته إجابة دلت على غبائي ندمت
بصراحة*قلت له تدري ايش عذاب اللي ما يصلي فز*الولد و
خاف قال رجولي تعورني منك احس النار فيا خلاص اسكتي
نسيت ان الاطفال يبغالهم ترغيب مو ترهيب
أنا الحين يهمني اعوده يصلي من نفسه بدون تذكير مني
*بس يسمع الأذان يطلع المسجد*ابغا اعلقه بربنا اكثر
فيدوني من تجاربكم يا امهات
انصحوني بطرق استعملها مع أطفالي
و لكم جزيل الدعوات
كتبت بشكل سريع و كلام مشتت
لأني بالاصل مشتتة والله
حتى مو عارفة اذا هذا مكانه المناسب او لا*
انتظركم

__________________

‏
الوعي هو الملاذ ..

أستغفر الله العظيم ؛
( الفردوس غايتي )