السلام عليكم
بدخل بالموضوع على طول
شخصية زوجي تقهرني نفسي اعدلها بس من كثر ماأيست خلاص صرت ااقلم نفسي عليها
بذكرلكم عدت نقاط بشخصيته*
اولا عجول جدا اذا بغينا نطلع تقل ملحوقين نركض ركض ويعصب كثير ويزاعق ونلقونه يسرع بالسياره وبالاخير نوصل بيت اهلي او اهله او سوق يعني مكان عادي مايحتاج كل هاالتعصيب والسرعه
ثانيا دايم يطلب مني اسولف سولفي انتي ماتسولفين ثم اسولف عليه مثلا شفت فلانه نجحت وتخرجت ثم يرد بعصبيه انا وش دخلني باللي نجح وللي رسب وش علينا منها اسكتي بس
مثلا شفت فلانه اليوم سافرت يرد علي يقول انا وش دخلني فيهم يسافرون يحترقون*
مثلا اسولف بصديقتي اشتكي منها بسبب تصرف سوته خطاء يقلب علي انا ويقول انتي الغلطانه ويوقف ضدي ويوترني وماعمره وقف معاي دايم ضدي*
زي مره صارت سالفه عاديه جدا بس زوجي كبرها وقهرني بأسلوبه انا جايه يقالي ابيه يساندني قلب علي*
السالفه جاني لبس هديه البنتي بس طلع اللبس ولادي وعطيته اخت زوجي الولدها*
المهم اسولف البنت خالتي عن الهديه وانه طلع ولادي وعطيته اخت زوجي هديه الولدها قالت خالتي بعفويه ومو قصدها كان عطيتيه بنتي الولدها*
عاد زوجي قلتله السالفه وانا اضحك وبمزح وعادي الموضوع للفرفشه مو قصدها خالتي
المهم يوم قلتله قال زوجي بعصبيه انتي السبب غلطانه ليش تقولينلهم السالفه وعندهم ولد انتي غلطانه وماتفكرين انتي وانتي وانتي وانتي وقام سب بي انتي ماتعرفين تصرفين والسالفه اصلا ماتسوى وخالتي جابتها بمزح بس شوفو زوجي شلون كبرها براسي*
ولا مثلا اقوله شفت اخوي اعتمر يرد علي بعصبيه ونرفزه ازعجتينا اخوي سافر اعتمر تقل مااعتمر الا اخوك خلاص طفشتين
واصير ناسيه اني قلته له قبل وهو يكبرها ويخليني عايدة السالفه مليون مره رغم اني يمت هذي ثاني مره اقوله
تقهرني تصرفاته وخصوصا بالسواليف*
حطم ثقتي بنفسي اذا جيت اسولف اخاف يهاوشني ولا يسكتني ماعمري سولفت وسمع لازم انتقاد وهواش
اخرتها قبل شوي قلت شفت ماشاءالله جدتي نقلو قبل يومين للبيت قال تراك قايلتي انهم بينقلون قبل اسبوع ازعجتيني وش دخلني انا *عاد انا انحرجت واسكت وطلعت برى الغرفه وجالسه اكتب الموضوع احس مليت من اسلوبه يقهر ماانكر طيب حبوب بس اسلوبه بالسواليف جدا سيء وبس ينقد ويهاوش واذا اسكت قال. سولفي ليش ساكته احس متزوج صنم والله حرت فيه والعكس اذا سولفت عليه كل ماطالت السالفه خفت يهاوشني ويسكتني واحاول اختصر قد مقدر اخاف يفشلني*
حتى كلامه يحرج زي اذا قال ازعجتيني تراك عايده السالفه مليون مره وهو يكذب بس عشان يحرجني واسكت
انا طبعه العجل ممكن اتأقلم معاه بس لعبه بنفسيتي اذا جيت اسولف هو اللي يقهرني يرفع ضغطي

الله يهديه ويصلحه ويسخره لك

زوجك من النوع الحار والمتسرع ويبدو أنه طيب، ردود فعله تلقائية جداً ولا يحاسب على كلماته أو يدرسها قليلاً وينظر فحواها وآثارها، حاولي أن تحاوريه أن تتكلم معه أنه يجب أن يكون هناك شيء من الأحترام وأن يحاسب على مفرداته، يجب ألا تستلمي فأسلوبه يقتل، حاولي أن يكون لكِ شخصيتكِ، فأكثر الرجال إذا وجد أحداً تحته ضعيف ومستكين له يزداد في استبداده وفي ردودد فعله التي لايحسب لها حساب، لابد أن يكون بينكما الاحترام، فهو أهم شيء في العلاقة الزوجية، وفقكما الله وأصلحكما وأسعدكما.

__________________
ياصبحِ لاتِقبل !!
عط الليل من وقتك..

حبيبتي .. شوفي كم مرة قلت كلمة خايفة يفشلني أو ما يشابهها ...
زوجك راح يتغير في حالة واحدة فقط إذا ما خفت يفشلك .. سولفي متى ما تبين مش عشانه قالك سولفي !!!
وإذا قالك شئ زي كذا .. لا تزعلين .. طالعيه باستغراب ..يعني كأن هو الغلطان ..
وبعدين يا شطورة في إحدى المرات إنت الي قولي له انت ما تسولف أنا متزوجة صنم ..>>>> مرة وحدة بس سويها وبيعرف ..
ومرة ثانية إذا سولف أي سالفة قولي له وش دخلني بـــــ ..... شوفي عاد وش قاعد يقول وحطيها .. كل هذا سويه بدعابة مو بقوة.


جزء كبير من مشاكل النساء من ضعف شخصياتهم والجزء الثاني من تمردهم ...

__________________
{ اللهم صلي وسلم على محمد وآله وصحبه تسليما كثيرا }

مادري .. لا تزعلي مني ..

بس احس انه انت اللي لازم تتغيري، و باوضح لك ليش و فين الغلط ..

اول شي، كل سواليفك معاه .. سواليف حريم ..
شفت فلانة ؟ شفت علانة ؟ فلان راح .. علان كذا .. الخ

زوجك وقت يقول سولفي.. يعني تكلمي عن اخبار جديدة ..
عن مواضيع شيقة .. مو حكاوي الناس و اخبارهم ( و اغتيابهم )

فانت لازم تقري كثير .. عشان تكون عندك اخبار جديدة و مشوقة ..

اما من ناحية انه عجول جداً..
فخلاص المفترض انك عرفتي الصفة هذه فيه..

فمن قبل لا تخرجوا اي مكان ..
خلي كل شي جاهز قبلها بساعة او نص ساعة ..
او حتى لو قبلها بيوم

__________________

:*
مع هذا الرد
اتمنى أن تقرأيه جيداً
فأنا أرى أنك محتاجه للتغيير
وكثفي قرأتك وثقفي نفسك كثيراً ليكون كلامك وحديثك
مع زوجك ممتع وزيدي من ثقتك بذاتك

:*
وفقكِ الله

__________________

كلام روح الطير عين العقل وفي مكانه الله يجزاها خير

ولاهانوا الباقين واضيف عليها انك تهتمين بالأمور اللي يحبها زوجك والمواضيع اللي يحب يتناقش فيها

سولفي عن احلامكم في المستقبل كمان اتكلمي عن حياتك وعن ايام دراستك طبعا الكلام المفيد
واسأليه هو عن حياته وعن فترة مراهقته وكيف كان يقضي وقت فراغه

واسأل الله ان يوفقك في حياتك مع زوجك ويسعدك ويرزقكم الذرية الصالحة يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

نفسي تكتبي هذا الموضوع بس المخاطب فيه زوجك
وعطيه الرسالة وانتو رايحين عند أهلك ولا أهله في السيارة
بس ضيفي على الكلام في النهاية انك تحبيه وعلى أمل تغير عاداته
يمكن يعدل وضعه شويه

__________________

أختي الفاضلة بالنسبة لموضوع العجلة تكلم فيه الكل بإسهاب وذلك يكفي ولكن موضوع الانقلاب المفاجئ في شخصية زوجك هذا الامر يحتاج الى وقفة بعقلانية فمثلا هناك لحظات صفاء بين الزوج وزوجته فعليك استغلالها الاستغلال الامثل حتى تصنعي لنفسك صورة ناصعة داخله لايجرؤ مع الوقت على خدشها ويحاول مقاومة مزاجه المتقلب قدر الامكان فالثقة بالنفس تنبع من داخل الشخص نفسه ولايصنعها طرف آخر الا في حدود معينة فجددي ثقتك بنفسك ولا تلتفتي لماحدث واجعليه ماضيا منسيا واظهري عدم المبالاة بكلامه واستمري في حديثك حتى وان فضلتي السكوت فلا تظهري الخجل على وجهك حتى يشعر بأنك لاتلقين بالا لمايتلفظ به :::!:نسأل الله ان يصلح لزوجك الحال ويكتب لك العيش معه براحة بال*

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

روح الطير انا مومعاك بكلامك حتى لو كان صحيح
مهما كان مايحقله يستحقر ويتطنز ابكلامي ويصتصغر كلامي ممكن ينصحني بأسلوب حلو
مو يجلس يزاعق ويهاوش عيب عليه
وبعدين هو يحب سواليف الحريم كنت اسولف له سواليف عامه من النت مايعطيني وجه
الخلاصه قد يكون كلامك صحيح بس مهما كان يحترمني مو يزاعق علي ويتمسخر لو العكس كان هاوشتوني وطلعتوني اللي ماافهم بينما هو لازم احترمه وادور السواليف اللي تعجبه على حساب نفسيتي
مشكوره اختي ماقصرتي