السلام عليكم يا اغلى خوات ..

بصراحة..موضوعي مش عارفة اسميه فضفضة و لا استفسار

اغلب الامهات اذا مو كلهم..يمروا باوقات ضيق و ضغظ بسبب
البيت و الروتين و الاطفال و غلبتهم

انا طبعا مش استثناء ..بامر كثييييييييير باوقات احس نفسي مظغوطة
فزوجي دوامه صعب الله يعينه و يسهل عليه
ومايعرف من الاطفال ولا عنهم الا ملاعبتهم باليوم نص ساعة و لا سااعة
وخلاص
الباقي كله علي من طبخ و شغل بيت (ماابيخلص ) وجرى ورى الاطفال
الله يحفظهم وخاصة الصغيرة ام سنة وشوي
اذا ماانتبهت عليها بلاقيها عاملة بلوة ..الله يحميها ياارب و رضاعتها طول الليل
مابتخليني اشبع نوم..
واضيفوا الغربة وطفشها .. لا اهل و لا صاحبات و لا جيران
ولا حد يساعدني فيهم ..

المهم الخلاصة..اني بشتكي من اطفالي
هم عاديين زي اي اطفال ..فديتهم يعني مومغلبيني كثثثثثثثير
عادي ممكن يلخبطوا ينطنطو..و الصغيرة زي ماذكرت و عمايلها
بس مع فترات الضيق الي بمر فيها باضخم الامور ..
وبقعد اكلم صاحبتي و اشكتي...نفضفض لبعض وكل وحدة تشكي للثانية
_بحكم انه مايعجبني اشتكي لزوجي _ فماعندي الا صاحبتي

المهم بعد مااسكر السماعة ..تجيني غصة .. ليش اني اشكتي منهم
وانهم حبوبين و اطفال و اذا انا مو قد الاطفال ليش احمل و انجب و اشتكي
واقعد الوم نفسي و اخااااااااااااااف والله اخاف ربي يعاقبني على شكوتي
و ياخذهم مني بعيد الشر بعيد الشر ياااربي لاتوريني فيهم مكروه و لا تفجعني فيهم ياارحم الراحمين
وانددددددم و اقعد ادعي ربي يحميهم ويخليهم

بس تمر يومين و لا 3 و ترجع نفس الحالة .. يضطرووووووووني
واشتكي و اندم و هلم جرى

الحين ..في حد يمر بمشاعري هذه ؟؟ولا انا مزوداها ؟؟
هل حرام اني اشتكي منهم احيانا ..وهذا يعتبر كفر بالنعمة ولالا ؟
كيف امسك نفسي من الشكوى ؟؟

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله