السلام عليكم ورحمة الله وبركاته
مشكلتي حماتي تزوج عليه ريلهااا وقعدت عندي هي وعيالها
ماااكملت شهرين اللي هواشات هي ولدي الصغير
سبحان الله هالانسانه فرق السماا عن الأرض وين هي ووين خواتهااا عكسهم تماما
ولدي حلو ولسانه حلو ماشاءالله وهي لها ولد كبر ولدي بس ولدي يحبونه يده ويدته
الكل طاير فيه وهي كارهته عشان ماخذ الجو عن عيالهاااااا
حماتي يدها طويله علي اليهال وتحرش عيالها على ولدي تقولهم طقوه وركبو فوق ظهره
ومره صك عليه أيده الباب يمين بالله احسبه يموت من الصياح وزغ قلبي
ومره فاتح السخاان ويجر ايد ولدي علي المويه الحاره بغى ولدي يحترق طيب الولد جاهل بس المشكلة
في الحرمه العودة ماتهدي اليهال تحرش بعضهم علي بعض
امس انفجرت عليها وطردتهااا من البيت انا طيبه والله وحشمتهاا بس هي ماهي كفؤ لان مره جبيره وقدرتها والله ماني راعيت مشاكل بس هي طلعتني من طوري بس اتقي شر الحلم اذا غضب المهم طقيت ولدها طراق
ووقامت تلاسن قلت من يوم جيتوني وان خدامه لكم ولأحمد والشكر خلاص القطوه المغمظه فتحت المهم منها كلمه ومني كلمه قالت نذرر بالله تمدين أيدج علي عيالي ماايخليج أخوي فى بيته
دقيقه قلت طسي بيت زوجج هذا بيتي المهم وأخذ ولدي من الحوش وادخل واللي اسمع امها وخواتها يقولون لهااا انتي ملاحظينج انج حاطه دوبج ودوب هاالياهل خفي عليه فضحتينا فى اخوج كل يوم تطقين انتي وعيالج وامه محشمتج هي جبانه ولا وحده تسوي هذي السوايا الله لايلوم ريلهااا يوم أعرس عليها لسانه يكافئ المهم جاء ولدي
قال لولدها انا احب خالي وأموت بخالي اخوي ساكن عندي يدرس جان تقول من زين خالك والله والتراب انت وخالك جان أقولها يملي فمج ياقليلة الخاتمة احسها تعاملنا مثل الحيوانات عندهااا المشكلة هي طالبه الطلاق
وانااا اللي ابي اروح فيهااا اليوم ولدي معه
كاكاو وأكل وحده وخش وحده قال هذي لولد عمتي كسر خاطري ولدي طيب مثل الخبله امه حسبي الله عليها كرهت اليهال ببعض
ماااتستهل الكاكاو هي ولدهاااا
تعبت منهاا وجودهاا مسببلي ازمه فى البيت احس عقلها ناقص احسه فيهاا مرض نفسي تعبت نفسيتي من هاالادميه ابي حل لمشكلتي

__________________