زوجي من شهرين اخد دين من صديقه و قلي انه لازم نتقنت على حالنا بالمصروف كم شهر حتى نرد الدين ، و انا فعلا التزمت بالامر و وعدت زوجي اني لا اتسوق الا حاجتنا من الاكل و الشرب . البارحة مريت من امام قسم الملابس بالسوبر ماركت و شفت حقيبة كنت حابة اشتريها و نازلة بالتنزيلات لتلت سعرها الاصلي قلت لا يا بنت اتعاوذي من الشيطان ولا تشتريها رجعتها لمكانها و تفيت عن شمالي و تعاوذت من الشيطان الرجيم و كملت طبعا قررت اني ما اشتري ملابس عيد لا لنفسي ولا للاولاد. رجعت البيت وجدت زوحي ينهي مكالمته مع احدهم و يقول (لما توصلك المصاري ابعتلي ايميل) انا فرحت لاني ظنيت انه رد جزء من الدين . و كانت المفاجأة انه بيحكي مع اخوه و انه ارسل مبلغ (يساوي حوالي تلت راتبه ) صدقات نصه لوالدته و نصه معونات انسانية . انا يا ناس اول مرة بزعل لأنه زوجي يتصدق. قلتله بتتصدق و انا ما جبت تياب عيد ، وانا من اول الشهر بوفر بالاكل حتى بطلت اشتري جبن و تمر و حلويات. قالي ( حبيبتي النبي صلى الله عليه وسلم مات و درعه مرهونة عند يهودي ) انا سكتت طبعا بس والله ما بعرف انا مثوبة على صبري ولا انا ساذجة ولا شو تحديدا" ؟ رجع قالي ( اشتري ملابس عيد للولاد ما بدي وفي ديني هالشهر ) رحت على غرفتي و انا لسا بقلبي مية الف كلمة بس حابة اقصر الشر . انا عنجد ما بعرف متزوجة انسان عظيم ولا انسان عاطفي وساذج . يا ناس والله ما عنده زوجي الا حذاء واحد و فيه ثقب و مو راضي يشتري غيره لأنه بدو يوفر ! دلوني شو الحل ؟ اسكت ولا احكي ؟