السلام عليكم ورحمة الله وبركاتة
انا عندى مشكلة ومشكلة كبيرة جدا وهى ان جوزى خانى وسمع كلام اهلو ورمانى انا وولادى التوأم ( بنت وولد ) فالشارع طردنى طبعا امة وابوة واخواته الرجال والبنات 7 اخواتة حسبى الله ونعم الوكيل فيهم وكلتك يارب فيهم عليك خلاص الحق يارب انا متزوجة بقالى 6 سنين ومعاية بنت وولد وبحب جوزى جدا وجوزى كان بيحبنى بس كان ضعيف الشخصية وبيخاف من اهلو وعامل حساب جامد ليهم فى كل حاجة ومافيش سر بينى ومابينة وكل حاجة يعملها اهلو يقولو له اعمل كذا وسوى كذا المهم كترت المشاكل من اول شهر جواز وضربنى وقعدت فى بيت اهلى شهور وبعدين جة صالحنى واعتذر وطبعا رجعت معاه واهلو كانو بيكرهونى وبيغيرو منى جدا وعاملونى بطريقة وحشة جدا ليه مش عرفة انا وهو لو كونا لوحدنا بعيد عنهم كان زمانى دلوقتى مرتاحة ومبسوطة مع جوزى بس حسبى الله ونعم الوكيل فيهم وفى كل واحد من اهلو ظلمنى وخرب بيتى المهم المشاكل كترت وعرفت انة يعرف واحدة عليه وانا واثقة 99% ان كان بينهم علاقة غير شرعيةالمهم لما عرفت حلفتو بالطلاق انة ماخنيش مرضاش يحلف انا اعتبرتها نزوة بس اهلو حسبى الله ونعم الوكيل فيهم كبروا الموضوع وشحنوه عليه وضربنى وكنت عبارةعن كدمات حمرة وزرقة زى بتوع المصارعة بالظبط المهم جوزى طردنى من البيت انا وولادى وحلف بالطلاق عليه روحت الشرطة وقدمت بلاغ ضدة ورفعت عليه قضايا مسالش علية لحد اليوم بقالى 4 سنين فى بيت اهلى والشك اتزرع فى قلبى من نحيتو ومعتش اقدر اثق فية زى الاول بعد خيانتة ليه صحيح لسة بحبو بس ده انسان غدار وانانى وسلبى ورجعى وكمان الاسبوع دة المحامى هيرفع قضية طلاق ومش عرفة اعمل ايه