..

السلام عليكم

قبل 4 شهور اخبرتكم انه خطبني 4 اشخاص ، استخرت الله ورفضت من تم رفضه
لأني مضطرة أن اختار واحد فقط .
المهم اكتشفت ان خطبة من الخُطب ماكانت رسمية يعني مجرد حجز، أمي ما وضحت لي
إلآ متأخر.
الشخص اللي اخته حجزتني له هذا ، هو الشخص اللي ارتحت له فعلاً بعد الاستخارة .
أتكلم عنه وعن عائلته ، أهله جيرانا من قبل لا لا ننولد اثنينا ، علاقتنا
كجيران أكثر من ممتازة ، طبعا أنا شخصيا ا مالي علاقة فيهم لأن مافيه عندهم احد بعمري
اخته قريبة من امي بالعمر ، وأمه بسن جدتي تقريبا ، هو أصغر اخوانه
أنا أكبر اخواني
انا جامعية هو ثانوي
عمري 24 عمره تقريبا 27
من 6 سنوات يعمل بقطاع عسكري ، في منطقة تبعد عنا حوالي 1000 كم!!
يعني ما يجي محافظتنا الا مرات قليلة جدا
شكله صادفته مرة واحدة فقط وما عرفته إلآ من بنت اخته الصغيرة ، يعتبر وسيم .

العبارة اللي قالتها اخته امي : احنا نبغاها لكن مو الآن ؟!
وانتهى الموضوع ولا عاد تكلموا ،
احنا نعرف ظروفهم مافيه سبب مادي ولا عائلي يمنع لو مجرد الخطببة فقط .

اش السبب اللي يخلي شاب مقتدر على الزواج ما يتزوج ؟ ما يخطب على الاقل بشكل وااضح ؟
الزواج عندنا تكاليفه تعتبر بسيطة بالنسبة للمناطق الثانية يعني المهر للبكر المعتاد 30 الف
اغلى قاعة عندنا ماتتجاوز 15 الف وقيسوا عليها .

اش السبب اللي يخلي شاب يرضى بالوحدة والعزوبية على الزواج والاستقرار ؟
معقول كل هذي السنين ماحتاج يتزوج ؟
كيف اخلاقه هناك ؟ كيف اقدر (أتاكد ) انه انسان مستقيم ما يسلك طرق الحرام ؟
ما يتحمل المسؤولية ؟ يحب حياة الانفلات ؟
يعني كل سنين البعد هذي ما تخلينا نقدر نعرف شخصيته بالضبط .
الصراحة من الققص اللي اسمعها واقراها ، صرت أخاااااف ، وبنفس الوقت
ما ابغى قراري يكون متأ ثر بمواقف غيري وقصصهم .

شوروا علي ابغى اتخذ قرار صحيح قبل لا اكون امام الامر الواقع ، لأنه بصراحة
اول شخص بحياتي افكر فيه بشكل جدي !
.

.

تم تعديل العنوان ليتناسب مع مضمون الموضوع
.