خلاص يكفي
بسم الله الرحمن الرحيم
السلام عليكم ورحمة الله وبركاته
ذلك العنوان الماثل أمامكم هو عنوان قصيدة نظمتها بنفسي تمثل رسالة لكل العرب والمسلمين بعد مجزرة أطفال الحولة التي ارتكبها ذلك السفاح في براءتهم دون رادع
وين دم العروبة ياعرب وين نخوة الجار
وين الشهامة والكرامة وين العقول الفطينة
وين الحمية والفزعة اللي تكشف العار
وين البقايا من رجولة بهالزمن صارت دفينة
الحولة يسفكها فعل ذاك السفاح بشار
والعرب نامت ليلتها باطمئنان وسكينة
وش هالتخاذل ياعرب ولاكن شي صار
وش هالتكاسل اللي له نفوس رهينة
ياعرب وين العروبة وين دم الأحرار
وين الرجال اللي كانت معادنهم ثمينة
ماني مصدق أمة تعجز عن قتل فار
وليه تسكت عن فعل شريعتها تدينه
يكفي الصمت يامسلمين يا أمة المليار
خلاص يكفي كم من قلوب الثكالى حزينة
يا أمة الأسلام يكفي من شربة الذل تكرار
والله إن الحر ما يقبل الضيم ولاشي يهينه
واشلون عاد لو إخوانه طاحوا بيدين جزار
أظن قلبه يتفطر وكل البشر يسمع أنينه
الحر لافز مثل الصقر كله مصدر أخطار
الحر مايقبل العيش والعار كاسي جبينه
بس ياحسافة مابه دخان لأجل شوفة النار
الوضع صامت ومن تكلم مانسمع رنينه
ياعرب ماهو أسد والله إنه مجرد حمار
والأسد يخجل من أفعاله ومايبارح عرينه
لكن ياحسافة العرب كلها بلدان وأقطار
تسكت عن المجازر وبالسكوت صارت تعينه
لاجل درة الشام هل الدمع مثل مزن الامطار
والقلب يشكي الهم على رب دايم يعينه
وكفوف الضراعة تنرفع ذليلة بوقت الاسحار
تطلب النصرة من اللي مايخيب ظن طالبينه
ألا يالله يالمعبود ياخالق سماوات وأمصار
فرج كربة الشام وآمنها من ريف ومدينة
وانصرمظاليم على شرذمة طغاة الأشرار
واقتل الطاغوت واقطع يساره تالي يمينه
التعديل الأخير تم بواسطة مارد الجنوب ; 24-01-2013 الساعة 02:21 PM
01-06-2012, 07:34 AM
ضوابط المشاركة
العرض الشجري