اا
السلام عليكم
مشكلتي الحمدلله انتهت لكن قولوا كيف تصرفي فيها صح والا غلط
وكيف المره الجايه اتعامل لو انعادت


انا حامل زوجي كان بالدوام مادريت.الا دخل علي وانا نايمه
وانا ماسويت الغداء قمت مفجوعه واعتذرت قلت معليش راحت نومه
طيب انتظر نص ساعه ويصير جاهز.. قال لا جهزيه والعصر اتغدا
قمت وجهزته يوم اذن صحيته وتغدينا عادي الرجال مافيه شي..
طلع ويوم جاء المغرب تخيل مايكلمني واتكلم مايرد بالعربي
سااااافهني.. انا ضاق صدري وش سويت معقوله الغداء بس اعتذرت واول مره تبدر مني من يوم تزوجنا..
المهم قلت وش فيك وترجيته يقول مررره مارضى يتكلم يلعب مع ولده وانا حاطني مثل الجدار حتى مايناظر فيني..
تقهوى وطلع
ارسلت له رساله قلت مايجيني نوم وانت زعلان اهدأ وقلي وش فيك
ولك اللي تراضيك ومن هالكلام..
سففففهني تخيلوا ومارد.. اتصل عقب ساعتين وسلم وكان جامد نوعا ما
وقال تبون شي قلت سلامتك
وكان صوتي واضح اني كنت ابكي..

المهم جاء من بكرا تجاهله اخف ولكن لازال متجااااهل
زاروني اهلي وسوا نفسه قدامهم اوكي
وانا للحين ماني داريه اشفيه..

سافرت مع اهلي يومين ورجعت عادي كان يكلمني
ولما رجعت بين لي انه مشتاق
وانا مستغربه وين الزعل ..
انا عديت الموضوع وبادرت وسولفت وكل شي مني تمام


المهم بعد اياااام لما هدأت الامور سالته بيوم كان رايق
قلت بالله وش زعلك ذاك اليوم
زعلت وهجرت ورضيت من نفسك
قال هذي المصيبه انك ماانتي عارفه خطاك
قلت سالتك وماتجاوبني كيف اعرف خطاي
المهم قال عشان النومه اللي نمتيها!!!
تخيلوااا هذا سبب!!!!
قلت انا بلحظتها اعتذرت واصلا انا تعبانه وحمل ممكن يصدر مني هذا الخطا
وارسلت ومطنش كمان.. وزياده اول مره تصير مني..
تخيلوا سكتتتتتت وبدا يلعب ولده ولا عطاني رد..



ياناس قسم خاطري عتبان عليه مع اني مسويه نفسي عادي لان الموضوع له وقت اصلا بس قاهرني يعني واضح حريصه عليه ليش تطول الزعل
المفروض يحمد ربه اني اتحاشا زعله


(((((لذلك انا استشيركم مثل هذي الشخصيه كيف
اتصرف مع زعله المبهم مره ثانيه))) ؟؟؟

ع فكرةلما نكون رايقين يحكي عن نفسه يقول انا لما ازعل
عادي اصكها شهر زعلان ولا ابالي
بس الحمدلله ماقد صارت معاي لان اصلا انا اتحاشا زعله. احاول اكبر عقلي دايم

بصراحه دامك اعتذرتي المره الاولى يكفي....

تكرار الاعتذار في شي عادي او فوق طاقتك يجعل الاخر يتمادى ويكون في راسه انه الخطأ كبير ويستحق اكثر.....

للامانه هذي نصيحه أبويه حبيبي قبل زواجي( قالي لاتكثري من الاعتذار في كل شي لانه يجعله مايتقبل منك شي فكيف لو حصل شي كبير رح يستمتع بذلك ) ...

مشكورة متفائله والله يخلي لك ابوك
كلامه حكمه فعلا..

بس انا اللي خلاني اكرر اني ماني عارفه وش فيه
وانا ببالي اني بسافر من بكرا مع اهلي
يعني مو وقت الزعل ..


الله يصلح حاله ويلين قلبه
يرايك مره ثانيه اساله اشفيك اتلطف مره وحده
اذا مارد وسفهني خلاص استنى يرجع من حاله ؟

مرحباً أختي
بعض الأحيان النفس تكون قافلة والإنسان يزعل من أبسط شئ ولو كان مايستحق... بل وربما يكبرها ويعظمها في نفسه... ولكن إذا هدء... رجع كل شئ كما كان.

والإعتذار بين الزوجين ترى عادي ومافيه إنتقاص... ولا يحتاج أن نحلل ونسأل عن كل مسألة... ولكن الذكي واللماح... من يفهم أن هذا الفعل يضايق الطرف الآخر... فلا يفعله مرة أخرى وهذا يكفي لإنجاح الحياة الزوجية.

بارك الله فيك

جزاك الله خير اخوي
بس انا خاطري يزعل منه افكر اقول عشان اتحاشا
زعله يضطر يزعل بدون سبب

والله حيرني ذاك المره واللي قاهرني الحين مسوي
انه عشان هجرني انا اتادبت طيب من الاساس انا ماخطيت
يعني انا لو مكانه بشوفها نايمه واول مره يصدر منها الخطا
بخاف عليها
واول شي بسالها ليش نمتي عسى مافيك شي

انا لو منك اتبع هالنصحيه ،،، وابعدي عن سالفة يمكن يتعود انا الي اراضيه ويمكن يكبر راسه مره ثانيه واخليه يرضي من حاله ،، مافيها شي تراضي زوجك حبيبك مره واثنين والف بعد،، وتخضعي له مو معناها مسح لشخصيتك او ضعف بالعكس معناها حكمه وكبر عقل ،،،وتري الرجال احيان عقله صغير زي عقل الاطفال،،،شوفي اتصل عليكي وقال ناقصكم شي انا بالنسبه لي اعتبر هالشي اعتذار غير صريح،،ويمكن يبي يتدلع عليكي ويشوف غلاه ويحبك تراضيه ،، انتي سوي الي عليكي اعتذري وقومي بواجباتك واضحكي معه وهو بيتشرب هالاسلوب منك شوي شوي،،،ولاتشيلي بنفسك يابنت الحلال الحياه معقده مانبي نعقدها زياده بردات افعالنا،،،حبيبتي مافي احد كامل والرجال تصرفاتهم تختلف عنا احنا الإناث وردات افعالهم كذلك،،،،يمكن كان مضغوط بالعمل او سمع كلمه كدرته او موقف وجاء البيت المدام نايمه ومافي غداء ونام جيعان ،،،،يالطيف الرجال لم يجوع ،،،،،وهاذا علي هاذا وصار هالموقف
الله يهدي بالك حبيبتي

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

كلامك يبرد الخاطر..
احس اني هدأت اكثر
الله يعطيك العافيه ماقصرتي اختي
الله لايحرمك اجر ماكتبتي يالغاليه ويجعله في موازين حسناتك.

سأضيف لكلام متفائلة لموافقتي له
سؤالي هل يتأثر زوجك بالجانب الديني
لو كنتوا رائعين و بجلسة هادئة
ان العفو من شيم الكرام ، و كيف لو كان الخطأ سهل
وأنت كريم و احنا نستاهل ، و هذا الأمر يخلق فجوة بينكما
يعني تكلمي بالعموم ، لا تأتي بطاري احد المواقف و تحلليها
فقد يضيق الحوار، فهو عارف ان الزعل مطول و مكابر
و يتحدى نفسه بالعندليب،،فخليت أعقل منه

__________________

ماشاء الله من ناحية الدين تمام..
والله كلامك جميل وفكرة اني اجيبها من بعيد
مش على موقف معين هذي بياخذ ويعطي معي..
ماجت على بالي .. جزاك الله خير
والله لايحرمك اجر ماكتبتيه

مااقول تسفهييه قومي بحقوقه بدون زياده ...

زي ماتقدمي القهوه كل يوم مثلاً بعد العصر قدميها له

تعودتي تسوي له مساج سوي له ...

تكلمي معاه بكلام عادي خارج المشكله اذا رفض خليه براحته لاتتضايقي اضحكي مع ولدك واهتمي ببيتك ارجعي بعد ساعات تحدثي معاه بدون ماتجيبي طاري الموضوع الي مزعله شوي شوي بيهدأ بعد ماياخذ وقته ...

دام اعتذرتي في البدايه وتقبل منك خلاص انتهى قفلي عليه

لو هو حامل لسى في قلبه خليه ياخذ جوه ولا تضغطي ع نفسيتك مرده يرضى اهم شي لاتكشري

ابتسمي له اذا تلاقت نظراتكم ولا تضعفي وترجعي تعتذري

لو فتح الموضوع هونيه قولي لو سويت معاي كذا ترضى ازعل الفتره هذي كلها ...