السلام عليكم
زوجي العزيز شمالي شرقي حسب مالاحظت عليه من تصرفاته وصامت الا اذا فتحت معاه موضوع
مشكلتي معاه ابغا اكسبه اكثر كيف اكسبه واخليه يحبني اكثر
انا اسايسه مسايسه يزعل بسرعه اللي لاحظت عليه يحب الهدوء وهذا موفرته له لكن مايعلمني وش يعجبه او مايعجبه اذا لبست سكت لكن اذا مااعجبه يعلق وينتقد معناته اذا سكت يعجبه الشي
ثانيا ابغاه ينام معاي بالغرفه هو يحب ينام بالصاله وهذا تو طاب فيه ويقول لازم تنامين عندي مكيف الغرفه بارد طفشت انا استغرب اقول يتحجج لكن هو يطلب مني انام عنده وانا ابي بالغرفه
انا مااحب ابين اني احبه الاحظ يغتر
لي عوده ولدي جنني

__________________
استغفر الله واتوب اليه..دعواتكم لي

كم لك متزوجه ؟!
وماهي اهم ايجابيات زوجك وسلبياته ؟
وهل هو إنسان اجتماعي ؟
و اغلب نقاط حواره معك ؟

__________________

طيب معاي يهتم فيني يصرف ويوفر لي اللي ابي ماشاء الله لاقوة الا بالله لكن اذا زعلته يسحب علي وينساني احبه هذا اللي معلقني فيه
اجتماعي جدا
انسان يهمه المظهر انا احيان افتح االمواضيع يحب السياسه ويحب الاختصار بالحديث واذا لبست او حطيت مكياج يعلق لااكثر واذا مسك جواله اكون جالسه واناظر معاه بصمت يعلق ويسولف عن الرسائل وكذا مايحب الهذره الواجده

__________________
استغفر الله واتوب اليه..دعواتكم لي

انا ماافهم بالشخصيات الشمالي و و و و ولا اقتنع فيها.
باختصار زوجك اذا كشخ أو طالع امدحيه وبالغي بالمدح بيصير بعد فتره يمدحك من نفسه.
وبالنسبه للنوم شيلي باطنيتك ومخدتك ونامي معه أي مكان ينام فيه خليك جنبه هذا بيتكم ومن حق الإنسان ينام في أي مكان يرييحه

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

امدحه اذا كشخ لكن اذا لا اطنش مااعلق
شلت بطانيتي ونمت بالصاله وصحيت على السراميك والمكيف مو بارد مره مااعجبني المكان غير مريح وقمت زعلانه اتمتم ورحت لغرفتي ولما صحى قلت له ماارتاح نومه بالصاله مافيه

__________________
استغفر الله واتوب اليه..دعواتكم لي

متابعه معك

بعد أذنك يا صاحبة الموضوع

أحد يشرح لي هذي الشخصيات الجنوبي الشمالي .....

هل هي أنماط شخصيه وإلا كيف ؟

خووذي راحتك
بالنسبه لي ماافهم بالشخصيات

__________________
استغفر الله واتوب اليه..دعواتكم لي

حلا أعرف حساب في الأنستقرام رائع
يتكلم عن أنماط الشخصيات
أغلب البنات أستفادوا منه ما شاء الله
المشكله ماأقدر أكتبه هنا
بكتبه للإداره وإللي تبغاه تطلبه منهم
دعواتكم

__________________

اللهم أكفني ما أهمني بما شئت و كيفما شئت إنك على كل شيء قدير

المشكله ماعندي انستقرام زوجي يشوف ماله داعي

__________________
استغفر الله واتوب اليه..دعواتكم لي