حلو العنوان، متعوبن عليه ها

اليوم بنوجه كلمة للشباب المقبلين على الزواج، يعني هالمرة نبي نريح الحريم منا خصوصا الجيل الجديد، أما الجيل الماضي اللي أعمارهن من الثلاثين وفوق ........ والله من السنع والشهامة، ولا يهون بعض أخواتنا اللي بالعشرينات خصوصاً أواخر العشرينات، أما مادون العشرينات فأكتب عليهن السلام

أخي الشاب أوعى تقودك عاطفتك الحنونية أو الجنسية أو النزاوية لاتخاذ قرار الزواج، فيبدو أن الكثير من الشباب الشهم الهمام فجأة يرتفع عنده هرمون الزواج ويبي زوجة، أهم شي أبي اتزوج، وتظل الفكرة هذي مسيطرة على ذهنه، وكأن الزواج جنة الدنيا وخلاصه، ثم ما أن يتزوج وتستمر الأيام ويجد الحياة الزوجية فيها الرتابة والمسؤولية الشيء الكثير ويصير عند أي شي يطلع عيونه على زوجته زي كذا ، ياحبيبي من قالك تزوج ياسيد زمانه ، على كلٍ حين تريد أن تتزوج أضرب بريك، وأدرس الموضوع من كل جوانبه سواء الاستعداد النفسي أو المالي أو الاقتناع الكامل، ودراسة الذات بمدى قيامها بالواجبات التي عليها حين الزواج على المدى القصير والطوووويل بعدم الغياب الكثير عنها والسهر والسفر وعدم البخل عليها بالعاطفة والرومانسية والحنان والاحتواء، مو تدرعم أول ست شهور وبعدها تنهار كل قواك المعنوية والمسؤولية وغيرها من أمور يجب على الرجل المتزوج أن يبقى ملتزماً بها، الزواج أكبر وأهم خطوة بالحياة فلا يكون قرارك عاطفي أو بدافع جنسي ، أيضاً هالوقت لازم تتأكد زين وتتفحص البنية من فوق لتحت ( لايروح فهمك بعيد ) أقصد تشيك على عقليتها وتفكيرها ومبادئها وشخصيتها واهتماماتها، هل هي من النوع اللي ثلاثة أرباع عمره بالواتس والانستقرام والسناب وتويتر وهالنت والقنوات أو لا هناك موازنة ومعقولية ترى هالجيل التالي لك عليه مع كامل الاحترام للناس الكويسة، امممم وشو بعد، أو تدرون؟ خلون ساكت

يالله





تم تغيير العنوان ليتناسب مع المضمون

__________________
ياصبحِ لاتِقبل !!
عط الليل من وقتك..

السلام عليكم ورحمة الله وبركاته.
مرحبا بالأستاذ الأنيق..
للأسف من المشاكل الواقعة بشدة الآن هو اختيار الرجل للفتاة التي عمرها في 18 لاحظنا هذا في قسم المتزوجين..
المفروض الإختيار يكون صحيح والأهم الاقتناع الكامل بين الطرفين وهذه نقطة مهمة دون ضغط من الأهل أو غيره من احتياجاته..
والعقبى لك بأن تتزوج ونفرح بك والله يسعدك..

احس كل جنس من جيل يناسب الجنس اللي من نفس جيله.
والنَّاس كل مالها تستتفه اكثر عموما الله يعينهم على انفسهم

المشكلة شهواتهم و وغبتهم الجنسية ماذا يفعلوا بها
ان استطاعوا التحكم دون التعدي على أعراض خلق الله. فلا بأس
اما ان يضرب عن الزواج ويعتدي فالله لا يحب المعتديين

__________________

يريدها صغيرة حتى يشكلها كما يريد
ولا يدري ان الصغيرة فيها من العناد ما الله به عليم وليست عجينة كما يتوقع ،،

الكل ينتقد فترة اطالة الخطوبة(كتب الكتاب)
بحجة
الملل
يمكن تصير مشاكل
الكلام يخلص

وكلها حجج ضعيفة فاإن اتينا للملل و قلة الكلام. فعليه لا تستمروا للزواج و الا سيكون الصمت هو السائد
وهي عيشة تقصر العمر اجلا ام عاجلا

تصير مشاكل. طيب أحسن عشان تعرفوا اذا أنتم مناسبين لبعض و اذا هذا أولها ينعاف تاليها

__________________

كتبت رد وطار 😂

اتفق مع كل حرف هنا

موضوعا وردودا

التعدد بين الواقع والمفروض كان أفضل عنوان لموضوعك علشان نقدر نشارك

كلهم حالمين و الواقع آخر

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

اول شيء اي واجبات تتكلم عليها ؟؟

النظافة + شغل البيت
هذي واجباتي يعني !!
بأي حق تقول واجب ؟؟

وانت وش واجباتك ؟ تحط رجل ع رجل وتجلس تطقطق بالجوال وتكتب مواضييع بالمنتديات
وانا اكرف عشان سواد عيونك =)

لا هزلت ..

هههههه فاهمة الموضوع غلط وداخلة بعنف

الهرجة ومافيها انو الزواج عشرة عمر ولا ليش لنا قرون نتكلم عن الزواج ومشاكله وواجباته وانه مسؤولية وتعب .. عشان تكونو في الصورة الزواج مافيه اسمو فرض رأي على الاخر ومافيه اسمو شخصيتي وامشي على كيفي وامشي كلمتي على الطرف الاخر .. الزواج مافيه شخص منتصر وشخص خاسر .. ان كان فيه خسارة فالخسارة على الجميع والفوز الفوز للجميع .. لانه هذا بيت الزوجية يعني لكل طرف له حقوق وعليه واجبات ... الزواج حياة تكافلية كلو يعيش عشان يرضي الطرف الاخر ... الزواج جنة للي يعرف ويفهم كيف يدير حياته ... الزواج جحيم للي يفكر بأنانية ويفكر في رغباته فقط.