السلام عليكم ..

اعذروني اذا كان كلامي مو مرتب بس لأن افكاري ومشاعري وكل شي بحياتي متلخبط

تعبت من الشك في زوجي .. تعبت من كثر ما أحس انه خاين ..

واللي قاهرني اكثر اني ما اقدر اقطع الشك باليقين

زوجي فتحت جواله قبل أكثر من سنة وفي بداية زواجنا لقيت اشياء مقززة من مقاطع وصور

لقيت محادثة له مع واحد ويطلب زوجي منه صورة............... بس قلت يمكن مزح وطلبت الاستشارة بخصوص هذا الموضوع و المستشارة قالت لي ان بين الرجال ممكن يكون فيه مزح بهالاسلوب خصوصا ان صديقه ما ارسل له اي صور وما فيه في جواله اي شي من هالنوع

اكتشفت بطريقة من الطرق ان عنده جوال ثاني وراقبت جواله الثاني على الواتساب لمدة 6 شهور وانا احاول القى الدليل القاطع واتمنى ف نفس الوقت ان ربي يخيب ظني لحد ما غير صورة العرض وحطها صورته الشخصية واغتنمت الفرصة وواجهته وحلف لي ان الرقم ما يستخدمه وانه لصديقه .. صدقته لاني احبه ولا بداخلي ما صدقت

طبعا كل هالكلام قبل سنة وبعد كل المشاكل اللي صارت زوجي قفل جواله بباسوورد ويغيره كل اسبوع بعد !
قلت خيرة ارتاح من التفتيش والتجسس اللي ما جاب لي الا التعب النفسي
وفعلا عشت مرتااحه ارضي زوجي وأعفه من جميع النواحي وأحاول أسعاده

المشكلة اني احس ان كل القصص اللي صارت سببت لي تراكمات وانا شخصية قلقة اساسا فصرت دائما أحس انه خاين .. احس اني فاقدة الثقة فيه وفي جميع الرجال
وصلت مرحلة أني اتمنى لو اني ما حبيته عشان ما اخاف من خيانته

المشكلة اللي زادت علي انه له علاقة بزميل له ف العمل أكبر منه ب 30 سنة تقريبا
انا شفت صور له سبحاان الله سيماهم في وجههم ابدا ما ارتحت له مو لأنه عليه شي ظاهر من مظاهر الفسوق لا بس ما ارتحت له
خصوصا اني اعتمد على حدسي بنسبة 90٪ يعني ممكن احس ان زوجي عنده شي ومو طبيعي ف أصدق احساسي حتى لو ما عندي اي دليل غير حدسي وهذا الشي متعبني زيادة وعيشني في قلق نفسي لا يعلم به الا الله
المهم نرجع لصديقه اللي ما ارتحت له .. يحكي لي زوجي عنه كلام يخليني أشك ان مو سوي مثلا يرسل لزوجي غزل .. يبغى زوجي يكلمه 24 ساعة
يقول لزوجي انا ما حبيت انسان مثلك
لما سافر جاب لزوجي هدية وبس لزوجي ما جاب لباقي زملائه
يزعل على زوجي لما يطول ما برسل له او يشوفه
ومره كلم زوجي ع الواتساب وزوجي عندي واشوف زوجي وهو يكلمه تعابير وجهه غريبة وأبدا ما حسيته معي ولاحظت انه بعدها قاعد يحذف المحادثة
والمشكلة الأعظم اني احس زوجي بدا يغيضني بعلاقته في زميله هذا لما شاف كرهي له
تخيلوا اني صرت اقوم الليل اصلي وادعي على زميله هذا بالاسم خصوصا بعد ما قال لزوجي لازم اسافر معك سفرة ضروري !!
الحمدلله الفترة اللي راحت بعد عن زوجي بس احس العلاقة رح ترجع لان زوجي يقول انه شافه اليوم في الدوام وسلم عليه !

صارحوني يا اخواني واخواتي هل انا ابالغ ؟؟ هل انا شكاكة بزيادة او ان معي حق والوضع مشكوك فيه ؟ هل هي بسبب تراكمات مشاكلنا السابقة خصوصا انها ما انحلت حاولنا فقط نتناساها فمثلا مشكلة الجوال حلف لي انه مو هو اللي يستخدمه واجبرت نفسي أصدقه عشان تمشي الحياة مع اني للحين مو مصدقة
وسالفة الاشياء اللي شفتها في جواله الى يومكم هذا ما يدري اني شفتها ولا حسسته ولا عاتبته فبقت السالفة محفورة بقلبي لاني ما صارحته

تعبانه والله تعبانة
اتمنى يجي اليوم اللي اتأكد فيه من ان زوجي محل ثقة فعلا وارتاح نفسيا