السلام عليكم اهلا اخواتي
انا ام لبنات واريد انجاب ذكر بمشيئة الله
فاذا فيه طريقه ياليت تقولونها لي غير متابعة التبويض والغسول مانفعت معي
وايش رايكم بالحقن المجهري؟ لأن افكر فيه بس محتاره بأفضل مستشفى
كلامي مو اعتراض فالحمدلله على نعمة البنات بس ابي ولد ينفعنا ومانحتاج لأحد

حسب علمي فيه بعض العيادات تقدرين من خلالها تحددين جنس الجنين

__________________

حاجة الناس إليكم من نعم الله عليكم ، فـ لا تملوا النِعم ☁✨

اختي هذا كله بيد الله ولكن نحن نعمل الاسباب بالطرق المتاحة المباحة طبعا .
اذكر طبيبة قالتلي انه من الطرق اللي ترشح مولود ذكر باذن الله
انه ابدا ما يحصل جماع ابدا ابدا ولا باي طريقة اليى يوم التبويض (اذا كانت دورتك طولها 28 يوم اطرحي منها 14 هذا يوم التبويض) فيه كثير حريم تغلط وتعمل جماع بالعزل على بالها كذا عادي وهو خطأ
لانه الفكرة انه الزوج يجمع حيوانات منوية كثير ونضمن انه مافي حيوان منوي انثوي يسبح في الرحم بالغلط من لقاء سابق بالعزل ويسبق ويلقح البويضة .

__________________

بالعيادة ياخذون عينة الزوج ويفصلون الحيوانات المذكرة عن المؤنثة ويرجعون النوع اللي تختارينه برحمج عن طريق التلقيح الصناعي ..

الله يرزق ما تمنيتي

ربي يرزقك بالذرية الصالحة و يقر عينك
و كل من يترجى كرم الرحمن

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

اشكركم على التفاعل بالنصيحه او الدعاء
انا سبق تابعت التبويض عند دكتورة و ماضبط معي جبت بنت ولا اعتراض بكلامي لكن مابي اعيد التجربه

طيب بخصوص التلقيح المجهري ابي نصيحه بأفضل مستشفى

عليكم السلام ورحمة الله

هلا اختي
انتي عندك لبس في الموضوع بين التلقيح الصناعي وبين الحمل المجهري هذا شي وهذا شي
مافيه تلقيح مجهري


التلقيح الصناعي بسييييط وتافه وماياخذ خمس دقايق وماتحسين بشي
لكن المجهري او الأنابيب عملية بنجكلمل وتخدير وكذا


انتي في حالة تحديد الجنس ماتحتاجين مجهري يكفيك تلقيح صناعي لأني أنا اذا جيت اسوي تلقيح صناعي وخذوا العينه منزوجي يسألون اذا نبي نحدد الجنس بس لأن ظروفي صعبه ماكنت احدد راضيه بأي جنس اللهم لك الحمد على كل حال


يعني بس سوي تلقيح صناعي رخيص حده 2500 واطلبي تحديد جنس وراجعي مع دكتور من ثاني يوم الدوره بيعطيك منشط وبعدين ابرة تفجير وبعدين يوم التلقيح ياخذون عينه ويعالجونها بالمختبر ويتم التلقيح والحمدلله

نصيحة مني سوي التلقيح وارتاحي لاتضيعين وقت في متابعة تبويض وحلول غير مضمونه والحمدلله الطب تطور والعلم تطور

يارب يفرح قلبك هالسنه بولد
ويفرح قلبي بتوأم يجبرون خاطري المكسور
ويرزق كل محروم ياااارب

أبله دلال انا قريت بالنت كثيير عن التلقيح الصناعي والحقن المجهري

التلقيح الصناعي تحديد الجنس مو مضمون بعكس الحقن المجهري بس كلامك مختلف هل نسبة تحديد الجنس مضمونه بالتلقيح الصناعي ؟ وهل كلامك من دكتور ؟

والله يرزقك يا دلال بالتوأم الصالح السليم عاجلا غير اجل