السلام عليكم ..
اولا انا متزوجه من سنه ومن بداية زواجنا متفاهمين ولله الحمد وتصير بعض المشاكل والخلافات بس نتجاوزها ومن كم شهر ماصار ولا خلاف الحمدلله .. المهم انا حاليا حامل وبنهاية الشهر الثامن وصايره تجيني افكار غريبه بدت تجي من الشهر السابع .. اتخيل زوجي يخونني اتخيل انه يكلم بنات .. مع العلم ان من اول ماتزوجنا ماعمري فتشت جواله وهو نفس الشي مايفتش جوالي ومن زمان صارت مواقف وانقلبت علي يعني مثلا مره لقيته يراسل بالواتساب والشخص بدون اسم بس قلب وانا كنت اشتغل وطاحت عيني عليه وهو مانتبه سكر وانتقل لسناب قلت من كنت تكلم بالواتس ؟ قال ليه قلت انا شفت الاسم قلب لاتعصبني وقول لي من .. قال صديقتي وقتها عصبت قال ابوي قلت افتح اشوف قال بس ماتحاسبيني ولا تزعلين وتتحملين النتيجه قلت ايه ولما فتح و انه جد رقم عمي انا سكتتتت ماقدرت انطق وقال ابوي الله يصلحك انتي وتفكيرك .. ومره كنا طالعين و دق عليه صاحبه و رد بسبيكر وانه صوت بنت وينك حبيبي من اليوم اتصل عليك ماترد .. هو ارتبك و حط الجوال ع اذنه وقال تبي تسويلي مشكله مع اهلي وهذاك مستمر بالتمثيل ولما سكر انا كان دمي يفور وقلت الحين بنزل وماني طالعه معاك ودني لاهلي قال والله صديقي فلان دايم يسويها فيني واقوله انا لحالي وهالمره رفضت اطلع معاهم قلت بطلع مع اهلي عشان كذا حب يخرب ويمزح .. المهم ماصدقته وبنفس الوقت اثبت لي دق ع نفس الرقم وقال له عدل صوتك ترى سببت لي مشكله ووالخ وهذاك ع طول عدل صوته و انه جد صاحبه .. المهم مواقف كثيره وكل مره اطلع غلطانه وبعدها قلت ماعاد اشك وماعاد احقق معاه .. بس مع الحمل وخاصه بالشهور الاخيره انا تغيرت غصب عني من الحمل وجسمي تغير وبشرتي وصرت ماعاد اقدر اهتم بنفسي مثل قبل واعذروني على هالكلام حتى اثناء العلاقه صرت مقدر اسوي شي مثل قبل يعني كله عليه وانا بس ابي اخلص لان تعب وتجيني اوجاع وحيل ثقيله مقدر اتحرك براحتي ولما اعتذر له يقول عاذرك ولا يهمك و الخ .. بس صايره اشك لما اشوف ماسك جواله او شي اخاف ان من الحمل تغيرت وصار يدور غيري لان بصراحه انا كارهه نفسي كيف هو .. لان اعرف اغلب الازواج من تتغير زوجته مايقول فتره وتعدي لا على طول يدور غيرها وانا اخاف ان زوجي منهم .. الحين حتى اثناء العلاقه افكر اكيييد جالس يتخيلني اللي يكلمها .. ولما يجي تنبيه وهو نايم ع طول ودي اشوف ومرات ودي افتش جواله والله الشك بيذبحني مادري كيف اتخلص منه بس يمكن يكون بمحله و يكون زوجي جد يكلم احد .. مرات لما اشوفه يراسل احد ويضحك ع طول اطل معاه والقاه يا مع قروب اخوانه او اصحابه ويطالعني ويقوللي السالفه اللي ضحك عليها يقول اكيد جاك فضول وش ضحكني مايدري ان جاني شك مع منو يضحك والله التفكير ذبحني