السلام عليكم
واعذروني ان اتيت لكم كلما تضايقت من شيء
وجزاكم الله خيرا عن ردودكم ومساعدتكم للاخرين
بصراحه اعتبر ما يفعله بعض الاعضاء من افراد الوقت لتقديم النصح نوع من انواع العمل التطوعي

تذكرون لما قلت لكم ان شخصيتي نوعا ما تغيرت
لم يعد يهمني الناس كثيرا واصبحت مشغوله بنفسي
اصبحت اكثر هدوءا وصمتا
بالعاميه ساحبه ومطنشه
وان سمعت شي ضايقني اتبع اسلوب الحقران

تذكرون ههههه ياكثر شكاويي وابيكم تذكرونها
قروب الوتس اب لما استفزتني وحده ورديت عليها بحده
وصارت مشكله وتوتر بعالقروب
ماقصرتكم ارائكم جدا استفدت منها
بدرجه اراء كنت اقراءها يوميا حتى اذكر نفسي بها من كثر ماهي مفيده
البعض اقترح اطلع والبعض اقترح مااطلع من القروب واقنن مشاركاتي
فضلت مااطلع لان القروب نوعين فيه ناس غاليه على قلبي وعزيزه جدا
وناس الله يعينا عليهم
المهم صاحبه المشكله والاستفزاز الاول عادت الى عادتها
الي فرق اني مطنشتها نهائيا ومارديت على الي ترسله
واليوم كله ماخذته بهالنهج
اخر شي شاركت بضحك على فيديو ارسلته احد البنات
وبعدها فتحت حديث عادي مع وحده ثانيه
هل تصرفي صحيح
او كان لازم اطلع من القروب من البدايه
ولما عادت للاستفزاز مره اخرى
هل كان لازم اوقفها عن حدها
الحمدلله لم تؤثر في نفسيتي ولم اهتم لها
والله يكفينا شر خلقه