السلام عليكم ...نفسيتي بصراحه صايرة زفت وكثيير اوقات بدون اي مشاكل أحس داخلي بركان يغلي ...أصير أصلي وأبكي بصوت عالي يتاثرون عيالي احيانا


تم زواج الولد وماحضرت وجلست عند اهلي قرابة اسبوع لبعد الزواج طبعا ماارتحت لانه لما يتصل يحاول يتهمني بالتقصير والإهمال

الحين زوجته عندها ظرف احد من اهلها تعبان انا عارفة بالظروف العادية انه ممكن اشيل العيال عنها بس بوضعي وانا اصلا ماعاد اتفق انا وياه وجالسة عشان عيالي فقط واذا خرج من عندنا مانتواصل مع بعض وبما انه حاول يطلع العيب مني وانه زواجه بسببي اني مااقدر امسك عياله فهمته من البداية انا موجودة لعيالي فقط ولو عندها ظرف اهلك يشيلوا العيال ...انا ممكن اشيلهم اذا كان نيتي لوجه الله او عشانه لو كانت علاقتنا كويسة ...وحقيقة مو حاسة انه وحده من الحالات موجودة حاليا عندي لا عشانه ولا حاسة اني محتسبة الاجر

طبعا الاتفاق بيننا اني اجلس يومين عند اهلي سوينا مبيد للبيت وبعد ماتخف الريحه ارجع

اتصل امس وقال بشوف الريحه خفت وهي لها 24 ساعه واجيكم والله سكت مع اني ماابغى ارجع تفاجئت جايب واحد من عياله معاه بدون مايعطيني حتى خبر والريحه كانت موجودة بس خلاص يبغاني ترجع انظف واخلي الولد عندي انا زعلت وماكلمته وهو ملاحظ مسوي نفسه عادي

واليوم تخاصمنا على شيء ثاني وقام لبس ثوبه وطالع قلت والولد
قال ايش براسك قلت انت اللي ايش براسك انت عارف اني مو مسؤولة عنه واذا زوجتك معاها ظرف تشيله امه زي ماشالت اخوه(عمتي ماتحبه لانه تربى 5سنوات عند امه بس اخوه ربته وتحبه وتشيله عندها عادي)قام يتكلم وطنشني ومشى وناوي يخليه عندي كم يوم لحد ماترجع زوجته ....انا اصلا مو متقبله زوجي كيف اتقبل ابنه

وكارهه اسلوبه انه يحط الناس تحت الامر الواقع ويمشي مايعطي خبر مايستشير مايمهد حتى كذا جابه معاه وطالع وتاركه عندي قال عادي حتى لو اروح بيتي خليه مع اخوانه هذا بيتي وهذاك بيتي اروح وين ماابغى وعيالي اخليهم براحتي


قلت البيت بيتك واحنا الطالعين وانت الداخل كان خليتني ببيت اهلي واجلس انت وابنك براحتكم

قال دايما وانتي عندهم مو مشكلة


هو يستفزني وانا كارهه اسلوبه ...انا اتصبر عشان عيالي ومتحمله الخنقة وهو يبغى يعيش ماله دخل باحد

أحس اني غلطانه باستمراري معاه وابكي على نفسي وعلى عيالي وعلى الطفل اللي جاي بالطريق .....ولو كانت ظروف اهلي كويسة كان انسحبت من زمان لكن الشكوى لله كل سنة تزداد صعوبة ...