السلام عليكم
انا طالبه الطلاق وام لثلاث اولاد اكبرهم 8 سنوات.. رجعت لبيت اهلي بعد 10 سنين زواج فاشل وبهذله.. اهلي قالوا ارتاحي وغرفتك موجوده.. طبعا مستحيل 4 اشخاص بغرفة.. قالوا بنفتح لك غرفة ثانيه قدام غرفتك.. وانا رافضة طبعا وابغى استقلاليتي ببيت لحالي مع اطفالي.. لاني تعودت عالاستقلاليه وقادره ماديا افتح بيت.. بس هم رافضين بحجة كلام الناس وان ماعندي رجال!! الغريب لي اخت مبتعثه بامريكا ساكنه لحالها هناك وهي اصغر مني ب12 سنه وعادي اهلي ماعندهم مشكله.. وانا كبيرة وام عيال وحابه اخذ بيت عندهم بالحارة ورافضين!!!
انا صراحة ماشديت معهم لاني لسى جايتهم واموري ملخبطه هالفترة ولكن صارحتهم برغبتي وعارضوا بشدة.. واطفالي اذا احد قال لهم اجلسوا اتركوا الشي الفلاني الخ قالوا لي ماما نبغى نروح بيتنا!! احس خاطرهم مكسور وما الومهم حقهم يتربون ببيت مستقل لامهم او لابوهم.. اهلي مو متفهمين هالنقطه ويحسبون القصه دلع... عندكم طريقة اقنعهم فيها استقل مع اولادي ببيت لحالي؟؟؟