السلام عليكم ورحمة الله وبركاته ..

اليوم سبحان الله ضايق صدري من الظهر ...وكملتها علي الوالدة الله يسامحها بكلامها وأدري أنها ماتقصد ..

قعدنا أنا وهي نسولف ..وجا طاري الزواج ..

قلت لها :مو مشكلة ..يعني إذ ماتزوجت بموت ..شسوي إذا الله ماكاتب لي نصيب ..ماأقدر أسوي شي ..

والزواج شبيسوي لي يعني ؟؟..

قالت : لا ..أنتي عارفة ..المتزوجة قدرها عند الناس غير ..انتي جربتي وعرفتي ..

لما كنتي مالجة كان الوضع غير ..الحين الكل ابتعد عنج ..

أنا عارفة هي تقصد من بكلمة ( الكل ) ..

هي تقصد وحدة من قريباتي ..

انا وهي صداقتنا كانت جدا قوية ..وصار انها ملجت قبلي ..فحسيت انها ابعدت عني كثير ..

ولما جيت أنا ملجت ..رجعت قربت مني أكثر من قبل ..

حتى انها قالت لي بصريح العبارة : ألحين أحس صرنا مثل بعض ..

ولما دارت الأيام وتزوجت هي وانفصلت أنا ..

رجعت ابتعدت عني أكثر من أول ..!!

مضايقني هالموضوع كثير ..ومضايق أمي لأنها لاحظت هالشي ..

وهذا كان قصدها لما قالت ..مالج قدر ألحين ..

قريبتي هذي ماتهمني مبرراتها ..

نهائياً ..

لكن معقولة في ناس تفكر بهالطريقة ..سبحان الله ..

والله عندي صديقات متزوجات وعندهم عيال ..عمري ماحسيت انهم يعاملوني اني اقل منهم ..

الزواج هذا أرزاق ياعالم ..ليش منتوا راضيين تفهمون ؟؟..

لا ..وتقول لي أشكره ..ألحين أحس صرنا مثل بعض ..

معقولة ؟؟

أصير مثلج وتقربين مني إذا تزوجت مثلج ..وإذا ماتزوجت أنا أقل منج ..

يالله ..شكثر هالكلمة معورة قلبي ..

ياررب .تكتب لي ولكل من مرت بمثل هالموقف ..يوم ..ماأقول ننقم فيه ..حاشا لله ..

بس أقول يوم ..

يعرفون فيه هالبشر ..إن الرزق بيد رب العالمين ..وإنه سبحانه كريم ..وقااااااااادر يعطينا أحسن مما عطاهم ..
لاحول ولاقوة إلا بالله ..صج ضايق صدري ..

الله يصبرنا بس ..الله يصبرنا ..

عسى الله يعوضج ان شاءالله ويرزقج باللي يستاهلج ويعرف قيمتج

قولي آمين

عروس بالاسم ..

امين حبيبتي ..,وياج يارب ..

أعذروها


يالحبيبة

...

وحشتني أخبارك

واللي أشوفه

صايرة حساسة ومتغلية


...

على أي حال

ليست من تكتب بأحسن منك حالاً

لكن هل تعلمين
؟!!!

والله
والله

آخذها بثقة في النفس
وبضحكه مسموعة


إذا ماتغار مني وتخاف


بالله من مين تخاف



يسوا لها تخاف مني
إلا وتترعب بعد


عاد تصدقين

...

لو عندها ثقة بنفسها ماتبعد وتقترب منك
لهالأسباب


بس ربي بيوضح لك معدنها


فلاتكثري بالتندم عليها


...


سبحان الله
هذا يزيدك ثقة بنفسك وليس بمن لايستحقونك

...

لكن بصدق من يستحقونك سيبقون

أما باقي الحسبة فأضنهم

بقية عدد

لايهمك أصلاً وجودهم فلهم صوت مثلك لايسمعه

أو ربما لايفهمه

...

هل تسمعين طنين النحل
؟؟؟
إنه صوت
مزعج

لذا لانفهمه

أصواتهم أيضاً كأشياء ُأخرى لذا


ثقي بنفسك
وفكري والدتك إغتاضت من كلمتك
لذا من حقها أن تعبر


...

يارب أفرح فيك


وسأعود للقياك ولو بسطور
دمتي ياحبيبة

__________________

حبيبتي تعب ..

والله انتي اللي واحشتني ..

كلمتج هذي وقفت عندها ..


لو عندها ثقة بنفسها ماتبعد وتقترب منك
لهالأسباب

صاجة والله ..خليها ..ماني محتاجة لها بإذن الله ..

وتدرين عارفة لو ربي كتب لي نصيب ..تبحاول تقرب مني مرة ثانية ..

بس ماراح أعطيها مجال ..

اللي يحبني ..يحبني أياً كان وضعي ..

الحمد لله على النعمة ..

الله يحفظج يالغالية ويجزاج خير على كلامج الموزون اللي كله عقل ..

ويجعل دعاؤج مستجاب ..اللهم ااااامين

اختي الفاضله

اسأل الله العظيم ان ييسر لكي ما فيه الخير فى الدنيا والاخره

لاشك اختي ان كل مايجري على العبد مكتوب لاياخذ الانسان الى ما كتب له

اتمنى ان ترتقي فوق جروحك وتعرفي ان ما اصبك لم يكن ليخطئكي وكل هذا مكتوب

القادم باذن الله احلى واجمل من الماضي وسوف تعيشين احلى ايام عمرك فى الايام القادمه

أخي الفارس :

جزاك الله خير على كلامك الطيب ودعواتك ..وربي يسمع منك ..اللهم امين

عزيزتي الغالية اعذروها

القدر الإنسان ليس بالزواج وعدمه

بل صديقتكِ من فقدت قدرها بسوء تصرفها وعدم ثقتها بنفسها

غاليتي

كوني واثقة من نفسكِ ولا تهتمي بها أبدا ولا بكل من يهمز لكِ ويلمز

كم وكم أسمع وأطنش

هذا مبدئي طنشي ولا تشيلين هم

صح أحيانا الكلمة تحرق القلب

لكن لو فكرتي بأنهم هم من يستحقون الشفقه لتفكيرهم السيء لرتاح قلبكِ

لأنكِ الأفضل عند مولاكِ فقد إختاركِ عنها ليبتليكِ بهذا الشيء

فطنشي واصبري

وأكثري من الدعاااااء

والإستغفااااار

وتفاااااءلي

وانتظري الفرج القريب برحمة رب العالمين


أسأل ربي الكريم الرحيم ان يرزقكِ وإياما بالأزواج الصالحون في القريب العالجل



ملاحظة :

اعذروها الغالية تدرين لما ليلى قالت في موضوع الخ كاره الرياضيات
إن إسلوبي وإسلوبج يتشابه وإنها ما تقدر تفرق بينا فرحت وااايد وإستانست لأنها شبهتني فيج

__________________


سبحان الله وبحمده عدد خلقه
ورضا نفسه وزنة عرشه ومداد كلماته

الذئبة حبيبتي ..

تسلمين على كلامج يالغالية ..وفعلا ..يمكن أكون عند ربي افضل منها ..الحمدلله ..والله قاعدة أطنش قد ماأقدر ..س تدرين أحيانا الطاقة تنضب ..

وعلى فكرة والله انا بعد فرحت بكلام ليلى واستانست لما شبهت أسلوبي بأسلوبج الراقي اللي كله ثقل وعقل وتفاؤل ..

الله يجمعنا وياج في جنات النعيم ..اللهم امين

__________________