ممكن مساعدة أو بالأحرى استشارة؟!! - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

 
قديم 15-12-2004, 09:12 PM
  #1
عيــ الكون ــون
عضو جديد
تاريخ التسجيل: Jun 2004
المشاركات: 12
عيــ الكون ــون غير متصل  
Unhappy ممكن مساعدة أو بالأحرى استشارة؟!!

مساء الخير

علشان مأطول عليكم راح أدخل في الموضوع على طول

مشكلة تواجهني وحيرانه في حلها وابغيكم تساعدوني وتشورون علي


أنا فتاة عمري 19 سنة طالبة في الجامعة.. متزوجة من شخص قريب لي وهو عمره 28 سنة..متزوجين من سنة ونص والله ما رزقنا بأطفال ..تم زواجنه بطريقة تقليدية زواج عن طريق الأهل..

بعد فترة من زواج وتأخر الحمل زوجي راح يكشف ومن التحاليل اكتشف إن التأخير منه (( نقص في الحيوانات المنوية مع عدم وجود حركة))...ورضيت بنصيبي وقلت يمكن فيها خيرة لي علشان أكمل دراستي بدون مسؤلية..

وكان زوجي كل ماسمع عن دكتور راح له علشان العلاج..وكان ياخذ العلاج اللي يوصفه له الدكتور بس بدون فايدة..وكل الدكاترة اجمعوا إنه مافي حل غير طفل الأنابيب((تلقيح خارج الرحم))..وكان في هالفترة مر على زواجنا 6شهور..

طبعاً في البداية رفضت الموضوع وقتله احنا تونا في بداية حياتنا الزوجين يلجأون حق هالحل بعد 4أو 8 سنين.وانا ماراح اسوي التلقيح إلا بعد التخرج..اقتنع ووافق على كلامي..

وقبل فترة وبالتحديد في بداية شهر 11 صارت في مشاكل بينه مالها خص بموضوع طفل الأنابيب..ووصلت لدرجة انه احنا ننفصل عن بعض وصارت طلقة أولى بينه...

بعدها باسبوع رجع واعتذر مني وطلب مني ارجع له ورجعت له ووعدني انه مايصير الا الخير ..وكل شي يكون بالتفاهم..ورحت المستشفى واخذت موعد علشان طفل الانابيب اللي هو بتاريخ 15/1/2005 وبعدها قالي حطي في بالج بعد الطفل الأول إن شاء الله في أي لحظة راح أقولج اخذي موعد علشان الثاني وبعده الثالث وهلم جرة...

تفاجأة وقتله أنا ماراح اسوي الثاني إلا بعد 4أو5 سنين من الأول... فعصب علي وقالي أنا صبرت وايد كل مرة اتقولين لي اصبر لين متى..وقلب السالفة علي كأني أنا اللي حارمته مش هو اللي حارمني من الأساس..

قالي فكري في الموضوع خلال يومين واذا انتي مش مستعدة بنرجع لموضوعنا الاولي اللي هو الطلاق..

انا اللي قاهرني في الموضوع أنه مش مفتكر وحاس فيني..مش هامه اللي راح يصير فيني من تعب بسبب الابر والمنشطات اللي بيعطوني اياها..اللي هامه العيال وبس..
وانا مأجله الموضوع لين بعد امتحانات الجامعو اللي بتكون في شهر واحد...

أنا محتارة مش عارفة اتخذ قرار ..قلت حق أمي وقالت لي اشتري راحتج..وانفصلي عنه والله بعوضج باحسن منه..

اسفه اذا طولت عليكم بس علشان تعرفون تفاصيل المشكلة

انتوا شرايكم في الموضوع
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:01 PM.


images