السلام عليكم .....
انا كتبت مره مشكلتي لان زوجي مدمن أفلام جنسيه وذكرت اني ما اكلمها لأن صار صدام بينى وبينه لأن ابني كان يسرق النظر على ابوه وهو يطالع الدش وعصبت ورفع زوجي ايده علي وضربني امام الأولاد وانا ما غفرت له هذا الشي صارلنا الأن شهرين ما نتكلم ولا نقعد مع بعض وكل من ينام بغرفه
وصار عصبي اذا طلبوا منه الأولاد شئ عصب عليهم انا أعرف انه متضايق اني ما أكلمه وهو فيه طبع العناد يعنى ما يحب يعترف انه أخطأ أو عمل شي غلط وانا اعرف انه يبيني انا الي ابادر بالمصالحه .
لكني والله زهقت من كثر ما أنا اللي أنهي المشاكل وأصالحه وأنا عندي 5 أطفال وأنا متغربه عن أهلي
شنو الحل الي أقدر فيه أغير طبع العناد اللي فيه مع اني والله كل ليله ادعيله بصلاتي ان الله يهديه واحط بالبيت القران لكن يطلب انا نغلق القرأن ويقول دوخني صوت الشيخ هذا مع انه ايصلي ما أعرف هل هذا الشي طبيعي ..هل ممكن الزوج يصبر انه زوجته معاه في بيت واحد وما يكلمها......وهذي اول مره نقعد متخاصمين بهالشكل ولكن انا ادري بطبع زوجي بالعناد ويمكن ا يسوي اكثر من جذي علشان ايبين انه رجال ما تكسره وحده ولا اتنفذ كلامها عليه وهو صعب جدا بالمعامله من اخذته باس والله صبرت عليه كثير لدرجة انه صارت فينى حاله عصبيه اذا تكلمت معاه ومره اعترف لي انه حالته النفسيه مؤثره علي وعلى الأولاد يعني هو عارف انه تعبان باس ما يحب اني اناقشه بهذي المسؤله يعنى حتى لو يعرف نفسه غلطان ما يعترف ولا ا يحب ايصلح من نفسه.
اسفه انى طولت عليكم لكن الحين انا تعبانه من هالوضع هذا ومو عارفه شنو اسوي والرجاء من اهل الخبره انهم ايساعدوني خصوصا الي فاهمين او اللي دارسين النفسيات.