السلام عليكم ورحمة الله وبركاته



مرحبا يااخواني ابطرح عليكم موضوع كثير منا يعاني منه....

يمكن نقدر نطلع حلول تعيننا على اهل الزوج وغيرتهم وضعف الزوج امام اهله...

الحين ليش الازواج يشجعون اهلهم على اهانة زوجته...يعني لو مره تكلمت اخته او امه عليها
مايحاول يرد اعتبار زوجته او يحد من تجريحهم لها؟؟

بينما الزوجه لو تسوي شي بسيط او على الاقل لو تدافع عن نفسها امامهم..غضب عليها وثارة بطولاته؟؟ الى هذا الحد ضعيف عند اهله؟؟ قوي شجاع جبار امام زوجته المسكينه؟؟

لماذا يحتفظ الازواج باسرار اهلهم واسرار بيته يلخصها في (اذن امه وخواته)
لو يغيرون قطعة اثاث راح يشاورهم عشان مايزعلون( ولدنا يتصرف ولايعلمنا)؟؟

اليس من حق الزوجان ان يعيشا حياتهم مستقله وفي حريه تامه؟؟؟

ليش اذا لبست الزوجه لبس جديد او ساعه فخمه..قالو(ايه من خير ولدنا المسكين ماتجلس الفلوس عنده من كثر طلباتها))

اليس من حق الزوجه ان يهديها زوجها ويعيشها على قدرته المعيشيه؟؟

ليش اذا ما رزقهم الله بأولاد قاموا يشبون عليه يتزوج لو كان العقم من الزوج؟؟على قولهم
(جرب وش يضرك ماتدري يمكن البلى منها)؟؟

ليش الزوج يجبر زوجته على زيارة اهله اذا تعاملهم سيئ معها..رغم ان الحكم الاسلامي
لايوجب عليها زيارتهم .....وزيارتها لهم تعبر عن حبها لزوجها وحبها له يجعلها تحب اهله...
ولكن اذا وجدت اسائه بالتعامل لايجب عليها زيارتها وليس عليها حرج....

ولا اذا بغوا يرفعون ضغط الزوجه قاموا يمدحون في الحريم الي شافوهم بالزواج الفلاني..رغم ان الزوجه تفووق الموصوفه بالجمال..ولكن بس عشان تنقهر..


لا اقول لك ايتها الزوجه تعاملي معهم بسوء بالعكس(زيدي طيبه وتقرب لهم لان ذالك يسعد زوجك فتنقلب حياتكم سعاده..
امه وابوه تحمليهم فلكبر سنهم احترام
وعلى ولدهم حق لهم فساعديه على اداء واجباته تجاههم .. تجاهلي عباراتهم اللاذعه الموجه لك..احترام لسنهم


ولكن اعاتب الازواج الذين يعلمون بتطاول اخواتهم على زوجاتهم...ولا يعملون اي شي في فرض احترامه واحترام زوجته المسكينه...التي قد يكون سبب تطاولهم عليها ساعه جديده شافوها عليها..(وغارو)


وكم من زوجات كثيرات صبرت على اهله ومشاكلهم في مسكن وواحد...وامضت عمرها صبر

على الالم والمر والحرمان..مايبونها تطلع او تدخل.. يبونها تطبخ وتستقبل وتنظف؟؟؟ولا

طلعت مره بالعمر للسوق لازم تاخذ البيت كله معها.؟؟؟ مافيه حريه؟؟ :

وبالاخير زادت فلوس الرجال وراح تزوج عليها؟؟؟ تكافئ بضره؟؟
الصبوره المسكينه المكافحه
تنتظر الوعود ببيت مستقل لها ولاولاده..ويصير البيت المستقله للزوجه الجديده...؟؟




لا اكتب هذا الموضوع عن تجربه شخصيه.. ولكن عن المجتمع المحيط والزميلات
ولا انفي مروري ببعض المعكرات من اهل زوجي ولكن انا(( كعودٍ زاده الاحراق طيبااا))
واهون من غيرهم الحمدلله...




تحياتي للجمممممممممممممميع

__________________

أنا أشوف ان الوحد تحسن التعامل مهما واجهت...

وتحتسب الاجر حتى تحس بقيمة اللي هي تسوية ...

واذا كانت تسوي خير حتى تنتظر الشكر..والله ماراح يجيها الاالتراب...

فتحسن وتحتسب اقل شي رضا الزوج ...لانه عايش بين نارين

فلاتزيد عليه هي بعد...وتخسره "فلامرضيته ولا مرضية اهله"

تنطش وتعيش حياتها...

قــــــاعـــــدة(عيشي" صمــــــاء "مع اهل الزوج "تسلمي")

نصيحة من جدة سمر

اهم حاجة زوجك...هو اللي بيدوم والباقين عاشريهم بالمعروف...

والله يسخرهم لك...

وصدقيني وقت مايحسون بطيبتك ..بيخجلون"ولو بعد حين"

بالتوفيق..ومشكورة من كل قلبي على الموضوع الحسسسساس.

سمر..

__________________

الرجل بطبيعته لا يرضى على اهله والدته واخواته وان كانوا على غلط ويجب ان تتفهم
الامر
ولا تقطعهم تزورهم اكراما لزوجها لكن بوضعها لا يجب ان تطول فتره الزياره
وان تكون رسميه بعض الشىء فلا تشاركهم الكلام باى موضوع
وازواج كثر مع الوقت اعترفوا باخطاء اهاليهم لكنها مسئله وقت

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

السلام عليكم
والله يا اختي توته انا مأيدة كلامك بالكامل لاني من الناس الي تعاني من اهل الزوج لكن الحمدالله زوجي عارف انا شنو فدايما ادافع عني وان شاء الله دوم بس تدرين لانه ادافع عني قالو وبطريق غير مباشر اني ساحرتة و اني انا تارسه راسه فقراري كان مقاطعتهم طبعابعد ما ناقشت زوجي بالموضوع و أمنته انه ازورهم كل اسبوع مع ولدي لانهم اهله صلة رحم بالنسبة له
اما بالنسبة للأخت سمورة والله انه في ناس اذا عاملتيهم زين يستغلونج اولا وما يحسبون لك احساب و كثر ما تسوين ماكو فايدة و في اي يوم اصيرلج ظرف و ما تقدرين اتسوين لهم شغلة يطلبونها منج اتصيرين موزينة بنظرهم !
من رأيي أن كل مرأة ألزم عليها بيتهاو زوجها و عيالها وصلة رحمها والباقي مو مهم كثرهم

11سمورة11

اكيد هذا شي مطلوب...وانا في نصي ذكرت ذالك....

ولكن لا عطيتيهم وجه ماسلمتي

وان سفهتيهم ماسلمتي

يعني اذا شافوك طيبه صارو يبونك ريموت كنترول بيديهم..ويحرمونك من الحريه..

وان صرتي معهم شديده..ورسميه..قلبوا عليك ..وشبوا ولدهم عليك؟؟؟

رضاهم لايدرك ابدا لو تضعينهم على كفوف الراحه...


mona777

طيب لو خفف على زوجته وواساها وحاول يحد من تجريحات اهله باسلوب مهذب مايكون افضل؟؟؟لكن الازواج مايملكون الشجاعه ولو بمواساة الزوجه باسلوب لطيف..
ماذنب المسكينه التي تكون ضحية غيرة وحسد؟؟؟

مانقول يغلط على اهله او يهاوشهم

بس بطريقته الخاصه يحد من ذالك... ويطمن زوجته ويخفف عليهاا هذا المطلوب..
ولكن يتهرب من تصرفات اهله معها.. عشان مايقولون مسيطره عليه ايه قويه؟؟؟

معالم

تحيتي الخاصه لك ولكل الي فقدوني

ولعيونك راح اضع قول الشافعي رحمه الله ..

يخاطبني السفيه بكل قبح ٍ **** فأرفض أن أكون له مجيبا
يزيد سفاهةً فأزيد حلما **** كعودٍ زاده الاحراق طيبا

توقيع لي

مانقول يتدخل تدخل مباشر ولكن يلاحظ تصرفاتهم ...ويحاول يحد من ذالك ...او على الاقل يهون على زوجته ويواسيها..على الاقل يكون على بينه...ولايحاول يرغمها بكثرة الاختلاط بهم..؟؟


DalalR

لايهمونك عيشي حياتك ولاتعكرين صفو حياتك والله يديم عليك انتي وزوجك التفاهم..الله لايغير عليك
وحذاري تقطعينهم او تحاولين تبدين انتي بالمشاكل ..بالعكس اعزميهم وروحي لهم لو مره بالاسبوع..مدام ان مافيه شي يصل درجة انك تقطعينهم؟؟؟
لانهم ممكن يغيرون زوجك عليك مهما كان اهله..وعنده القوه والقدره على استعطافه اكثر منك
وهو يمكن يسمع من زملائه ان زوجاتهم سعيدات مع اهلهم ولافيه مشاكل..بعدين يظن الغلط منك..خليك صبوره وقويه
واهم شي تجي من الزوج يكون متفاهم ومرن ..ويقدر شعور زوجته....



تحياتي للجممممممممممممميع

__________________

السلام عليكم.....

ووالله رضى اهل الزوج غاية لا تدرك....

في مثل يقول (((((( الحقران يقطع المصران)))))))

انا مشيت عليه لين بطلو يتكلمو لي بكلام ماحبه





يمكن يقولون بانفسهم هذي ماتحسسس ههههههههه

وانتبهي لا يوقعونك بينك وبين ازواج اخوان زوجك
انا اشوف ان كل الي يسووونه ماله فايده غير زيادة الاحقااااااااد

بهجة الروح


جبتيهااااااااااااااااااااااااااا



الحقران يقطع المصــــــــــــران





اشكرك على مرورك






تحياتي للجمييييييييييييييع

__________________

هذا تجمع نسائي على أهل الزوج ؟؟؟

تذكرن يانساء ستصبحن أمهات وتزوجن أبناءكم,

فياويل من لم تتق لله في أهل زوجها, والجزاء من جنس العمل


تروه بعيدا ونراه قريبا, فلاإله إلا الله,

إتقوا الله يانساء فإن أكثر أهل النار النساء

llp00na

الرجاء قراة النص جيدا


حنا نقوول

ولكن حنا نعرض ماتواجهه الزوجه والزوج امامها صامد خائف لايعرف كيف يهدئ الامور على الاقل

__________________