مساء الخير
اولا
تزوجت من 3 سنين
ذقت الامرين من اول سنه من سهر وتجاهل
حرصت على كل شي يريح زوجي من الالف الي الياء
ما ينام الا وهو راضي عني
المهم سافرت قبل اسبوعين مع اهلي وزوجي ماقدر يسافر لان ماعنده اجازة المهم كان الاسبوع الي فات ذكرى زواجنا وكالعاده انا الي اتذكر لوحدي فرحت اجهز له هديه عبارة عن ساعه عليها القيمه وصورت بنوتتي وحطيتها باطار حلو وغلفتها ومن غير ما اقوله ارسلتها بالفيديكس وكانت مفاجءة مرة حلوه وعجبته كثير
المهم نجي لمربط الفرس
تخيلو من يوم تزوجت الى اللحظة الي اكتب فيها وانا احوال انه يترك شي محرم شي ادعي ربي ان ما ياخذني بذنبه الي هو القنوات الاباحيه والصور بالانترنت والله العظيم اني ابكي ليل نهار وادعي ان ربي اما يهديه او ياخذ روحي وارتاح بس ارجع وافكر في هالبنت المسكينه وش بيكون مصيرها مع اب مثل كذا بدل ما يدعي لها بصلاته وانه يقدره على تربيتها ويهديها
حاولت وحاولت
لا والي مموتني قهر ان بيني وبينه 15سنه فرق تخيلوا والحمد لله كنت مضرب مثل عند اهلي وجيراني ويجي كل ما اكون مروقه يوريني صورة يقول ابغاك تكوني مثل كذا ابغاكي تسوين كذا مع اني وربي الي يشهد على كلامي اني ماخليت منتدى يختص بالامور الزوجية والالعاب والفرفشة والضحك الا وسويتها وهو بنفسه يقولي انه مرة مبسوط مني طيب بعد هذا كله تقارني بعاهرات نجسات
ناقشته وقلت ليه تقول لي هالكلام تدرون وش يقول والله انتي تجنني وكل شي فيك حلو بس انا الي طماع بالله عليكم احلفكم بالله هذا كيف اتفاهم معاه مع انه حريص على صلاته وما يغتاب احد وكريم وله وقفات انا اشهد له خصوصا مع امي
احيانا احس انه طفل صغير واحيانا احس انه اكبر من جدي واني ظلمت نفسي معاه صار عقلي يودي ويجيب
احيانا اجلس مع نفسي اقول لو اني متزوجه واحد قريب من عمري كان شفت كل هذا
احس اني غلطت بحق نفسي كثيييييييييير
تخيلوا انه ثالث يوم الزواج قالي انه تزوج مرتين قبلي اندونيسيه ومصريه
تخيلو قبل شهرين جاب مكتب صغير موجود عنده من زمان كان شايلة عند اخوه ويوم جابه للبيت فتحه ولقي صور قديمه له
قمت انا جيت وقلت اساعدك بشي قال اقعدي وجلس يوريني صور ما اقول الا حسبي الله ونعم الوكيل كلها مع حريم كان كثير السفر وبكل ديرة له ذكرى
طبعا اغلب الصور في اندونيسيا والمغرب
المهمقطعها كلها انا ماتحملت قمت ورحت غرفتي وقفل المكتب وشال المفتاح المهم قبل يومين جيت ابغى انقل المكتب الا اللوح الخلفي طايح وكل شي مكشوف قدامي ويوم افتها الا هي صور ومو اي صور شي بس الله يهديه
طيب الماضي ومالي اي شغل فيه ومو من حقي اناقشه طيب ليش محتفظ في الصور ذي
طبعا ماقلت شي اخذت الصور الي مالها داعي وحرقتها ومسكت شوي منها
والله العظيم اني صرت مثل المجنونه وش اسوي ياعالم دلوني وش اسوي وربي اعلم بحالي واذا ماعنكم حل ادعولي وربي محتاجه دعائكم الله يفرجك كربكم ولا يوريكم مكروه
14-08-2005, 11:45 AM
ضوابط المشاركة
العرض العادي
