السلام عليكم ورحمة الله وبركاته

اول حاجه احمد الله انه سخرلي هذا المنتدى بمن فيه عشان يكونو لي عون في كثير من اموري مع خطيبي وزوجي المستقبلي

حدخول في الموضوع على طول بدون ما اطول عليكم وارجو من اصحاب الخبره والمعرفة افادتي في حيرتي

امممممم انا مخطوبة من 10 اشهر ومالكه من شهرين وكنا انا وخطيبي نتكلم بالتلفون من بعد الفاتحه يعني من 6 اشهر وزارني بعد الملكه مرتين بس ..
المشكله انه خطيبي هادء جدا جدا لدرجة انو ممكن مكالماتنا تكون لمده 10 دقايق ولما ما يلاقي كلام يقولو يسكر الخط جدا هادي ومهو من النوع الخلاق يعني من الاخر انا متاكده انه مالوو اي خبره او تجربه او حتى ما سمع ايش يعني خطبه
اللي شاغلي انو من 10 اشهر قلي احبك مره وحده و كل ما يجيني يجلس بعيد عني ويتكلم معايا بمنتهى الهدوء مع العلم اني حاولت اتزين له بطريقه تزيل الحرج وفي حدود الادب ولكن ما نفع والحمد لله انا على قدر من الجمال كافي على اعتقادي لتحريك زوجي ولكن مفيش فايده
الى الان ماقالي اي كلمة غزل ولو بسيطه ولا مدح شكلي ولا لبسي ابدا ابدا
والادهى والامر انه ما يعتقد بالمكالمات الهاتفيه يعني مكالمة كل اسبوع كافيه بالنسبه له ولو عبرت له عن استيائي ينتبه يوم وبعدها ترجع ريما لحالتها القديمة
ولكن لدحين ما اعرف ايش مشكلتو واتمنى من الله انه ما يكون البرود هوا اللي يعاني منه لانه انا متاكده لو غيره انفتحت له المجالات زي خطيبي كان بادر بحاجات لطيفة على عكسه يفضل متنح فيا من يوم يدخل الين يطلع بدون اي حركه .....
ايش مشكلته ؟؟؟ وكيف الحل معاه ؟؟؟
بليز لا تبخلو عليا وشورو عليا بالخير