بسم الله الرحمن الرحيم
السلام عليكم ورحمة الله وبركاته إلى جميع الأخوه والأخوات
عندي مشكله ونفسي تعطوني أرائكم
عندي أختي أصغر مني بسنتين أنا متزوجه من سنتين وعندي بنت بس مشكلتي مع أختي عسوله طيوبه كل الأطفال يحبونها محبوبه من الناس قلبها طيب لأدرجه ماتصدقون وهي أقرب وحده الى قلبي بحكم مابينا فارق سن
المهم المشكله أختي طاحت بالمعاكاسات عن طريق الهاتف ماأدري وش المشكله مع أنه قبل زواجي بفتره أكتشفتها
وحذرتها طبعا مافضحتها عند أمي وأخواني بس وعدتني أنها ماتكررهاالمهم أختي ماعندها موبايل بس قبل أر بع شهور طلبت من أخي بحكم أنها في الجامعه وتبي تصير زي البنات وكفلها عند الوالد وطلبها أنها ماتخذله لكن
قالت له ثق فيني هالمره
أكتشف بالصدفه أنها متعرفه على شاب على الجوال أخذه منها وحرمها منه بكت وطلبته يجدد الثقه فيها رفض
أو قال بحطها في فتره تجربه
المهم أخوي هذا أصفر منها بثلاث سنين المهم أكتشف البارحه أنها تكلم نفس الشخص على الهاتف الثابت طبعا أنا تكلمت
معها وقالت لها ليه وش المشكله ساكته ماترد على أي أحد بس تبكي وماأدري أحس أنها تمثل قسيت عليها بس لمصلحتها وحاولت أفهمها الشاب وش يدور من البنت بس هي ماهي صفيره
في نفس الوقت وأنا أتكلم معها دخل عليها أخوي وضربها وهو ندمان بس ماأدر ي وش الحل أختي هذه عمرها 24 سنه يعني ماهي صغيره تعرف الغلط والصح أرجوكم عطوني حل وأذا كان في مستشارين في هالمواضيع أبي رأيهم
المشكله أحنا مجتمعنا مايرحم