هل هناك ادوية او كريمات لزيادة اللحية
وتعبئة امكنة الفراغات
يا ريت تدلوني على شيء سهل لأني متغرب
وهنا لازم وصفات من الدكتور وهذا مستحيل
وجزاكم الله خيرا

اخوي ابعد عن اي شي يخص الوجه من كريمات استثنائيه
مثل كريمات ظهور الشعر او ازالة الشعر

لان بشرة الوجه حساسه جدا من اي شي ما يناسبها
الافضل انك تروح عن دكتور وهو يشوف بشرة وجهك بحيث يعطيك كريم ما يسبب لك حساسيه في وجه
والحساسية في الوجه متعبه احمرار في الوجه وحكه وحروح وحبوب وحراره نار في الوجع تستمر معك لمدة ايام
تصدق ان فيه ناس يتحسسون من الليمون او الملح فما بالك بالكيماويات

شكرا لك اخ اللامع

جرب المينوكسيدل للرجال بنسبة 5% بتلقاه في الصيدليه ..هو يستخدم لإنبات الشعر للصلع او التساقط الكثير ....بصراحه بعض الأخوات يستخدمنه لتكثيف حواجبهن بدون اضرار.......

جرب الصبار الطازج مره كل يوم وان شاء الله تظبط معك



...................

اخوي انا نفس مشكلتك عندي اماكن بوجهي مافيها شعر ورحت دكتور جلديه

وعطاني بخاخ تحطه بالمكان اللي تبي يطلع فيه الشعر

REGAINE 5%

ههههههههه انا ضحكني العنوان الطريف ( تعبئة الفراغات )

لا تلومني حبيبي

بالنسبة لمشكلتك فأنصحك أن تبتعد عن المواد الكميائية فأعرف واحد قريب أصابه حساسية شديدة بسب الكريمات فانتبه ولا تأخذ شيء إلا بعد استشارة طبيب الحساسية والجلدية

شكراً لك

عليك بزيت الجرجير -وعليك بالخضار والفواكهه الطازجة

حبيبي يمكن تشوف هذي الوصفه غريبه

بس انا ماخذها من الحكيم (( السيوطي )) في كتابه اللي اسمه

الرحمه في الطب

انا مشكلتي احب افيد الناس

بس دائما يستبعدون الافكار مالتي

مع انها فعاله 1000%

المهم انت جرب

واذا ما نفع

قولي

وانا مجربها حتى بالراس نفعني .. ونفعت بهذي الطريقه كثير من الناس

شووف

ييب بطل ماي النوع الصغير ..

وييب خل من النوع الابيض (( الشفاف ))

3 ليمونات

===

اعصر اليمون لين يصير عصير .. وحطه في البطل

طبعا راح يوصل الى الربع في البطل

كمل البطل بالخل الين يصير شبه كامل .. بس مو كامل يعني عطه شويه فراغ علشان ياخذ راحته

الحين ..

صكر البطل .. وخضه

وبعدين .. ييب شاش اللي يستخدمونه في المستوصف .. او خرجه اذا ما عندك شاش

وافرك المكان اللي مافيه شعر

بس لا تخليه يحرقك وايد

يعني اذا حرقك لا تفرك

واليوم الثاني

بتلقى عندك شعر صغير

عطه اسبوع

صار عندك لحيه

والسلام عليكم

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!