والله مدري شقول لكم .... لكن بديت احس انه حظي بدأ ينقلب ضدي وانا اللحين صرت أحاتي واجد انه البنت تروح علي .....

أنا شاب خلوق وموظف في شركة كبيره وبراتب كبير وعمري اللحين 22 سنه وحبيت بنت وانا كان عمري 15 سنه ... وعمر اللي ابغى أخطبها ايضا 22 وهي فتاه خلوقة جدا جدا (( بحكم اني يوم كنت صغير كنت دايما اروح ألعب عندهم في البيت )) وهي ذات جمال ياسبحان الخالق وماشالله من يوم وصل عمري 18 سنة ماقدرت أكتم اللي في قلبي وخفت احد ياخذها قبلي , لذلك كلمت امي وابوي و اخت البنت اللي أبيها بحكم انها كبيره في السن وتعاملني مثل اخوها الصغير , وخلاص قلت لهم ترى فلانه لي ..... وحصلت موافقه اوليه من امها وابوها في ذلك الوقت لكن قالوا لي مافيه عرس إلا بعد ماتخلص الجامعه ....... انا الصراحه كان ودي اتزوجها وانا عمري على الاقل 20 سنة لانه هالزمن هذا في مغريات كثيره وانا الصراحه تعبت جدا من كثر من امسك نفسي بس علشان ما أقع في الحرام ويكون كل شيء بالحلال ....

المشكله ......

البنت طبعا جاها أكثر من شخص وتم رفضهم بحكم انه ابوها عاطني كلمه انها لي (( مع انه اللي جوها هم عيال عمها وأنا ما أقرب لها بصله )) وقبل شهرين خلصت البنت الجامعه وكان المفروض اروح أنا وابوي أخوي الكبير نخطب بشكل رسمي الشهر اللي طاف ....... لكن قبل الخطبه بيوم تعب ابوي والسبب انه عنده الغولون العصبي وهو من النوع اللي يتهيج عنده الغولون العصبي في حالة التوتر او الغضب وماشابه من هالحلات وممكن تتسبب له بحالات إغماء إذا كانت قويه ....... ابوي مش كبير في السن (( 48 سنه )) لكن هذا المرض اتعبه شوي الله يشفيه ...
انزين انا قلت حق ابوي خلاص إذا ماتقدر تروح علشان تخطب لي نأجلها اسبوعين ..... قال اوكي علشان اتكون صحتي تمام

مر اسبوعيين لكن أبو البنت سافر (( اخ ياحظي ))
اللحين مر شهر على الموضوع اللي المفروض انه يخلص ... لكن ابوي تعب مره ثانيه والمفروض انروح الاسبوع هذا , لكن انا مقدر مرض ابوي وما ابيه يتعب زياده بسبب التوتر اللي ممكن يتعب الغولون عنده خصوصا انه يعاني منه من 15 سنه ومحد يساعده في مرضه غيري انا واخوي الصغير لانه ساعات إذا حس بالتوتر او التعب احنا نخفف عنه الجو وننسيه التوتر ....


لكن اللحين شاسوي ...... والله اني خايف انه البنت تروح علي ...... انا انتظر من 4 سنوات وهي كذالك , وكل مره نبي نروح نخطب بشكل رسمي يتعب الوالد ؟ اخاف يغيررون رايهم ويفكرون اني مالي رغبه في بنتهم ويزوجونها احد ثاني ؟؟
وعلى فكره البنت راضيه فيني لانه قد كلمتها بالموضوع قبل سنه ونص وكان الرد بالسكوت مع خجل شديد ....... يعني موااااااااااااااافقه علي

كل تأخيره فيها خيره


والله يجعلها من نصيبك وتتهنون

الصبر مفتاح الفرج و عسى ان تكرهو شيئا و هو خير لكم لا تعلم الغيب و انشاء الله خير و اصصبر و كل شئ بيد الله