زوجي انسان عمره ما اذاني بشيء بالعكس يحبني ويموت بالتراب اللي امشي عليه، ويخدمني ويشيلني بعيونه ، ماعمري طلبت منه شيء وقال لا
كل طلباتي عنده مجابه ، كان كل يوم يحاول يطلعني ويمشيني ويحاول يبسطني ..
كان دايما يجلس معايا وكنت احس انه لصقه ودايم ناشب فيني، كان يعطيني مصروف شهري وقدره 3000 الآف شهريا و كان مغرقني بالهدايا و بالكلام الحلو و ماكنت احس بالنعمه اللي عايشه فيها
كنت احب ولد خالي لأنه غاية في االجمآل وكنت ذايبه فيه ، وكان هو يحبني حييييل،كنت اذا رحت عند خالي اجلس معآه وعادي لأنه نحنا نكشف ع بعض ،
كان يتغزل فيني وكنت اذوب فيه واغواني الشيطان
وقبلنا بعض و ضمينا بعض وهذا كله بوقت الملكه ..
وبعد الزواج صرت ابعد عنه وهو يتقرب مني ويبكي ويقول انه يحبني ومشتاق لي مع العلم انه تقدم لي ووالدي رفض ، وقبل شهر ولد خالي ارسل رسالة يذكرني فيها بماضينا مع بعض و بأيامنا الحلوه لما ضمني وباسني وكيف كنا نتكلم مع بعض بالساعات وزوجي كان يقرأ ودخلت عليه وشفته ماسك الجوال وهو يبكي بكاء شديد ،قلت له وش فيك وليش ماسك جوالي وناظرني نظره عمري ماراح انساها ورمى جوالي وطلع برى البيت وبعدها اليوم الثاني كلمني و واجهني وانا انهرت واعترفت بكل شيء وقام وداني لأهلي ولي شهر اللحين وانا عندهم ، انا خلاص تبت و ودي ارجع لزوجي بس كيف يوم كلمني قلت له ان ذا ماضي وهو ماله شغل فيه هو ماله الا بحاضري!! بس كيف يفهم ؟!
انا ودي ارجع لزوجي ساعدوني تكفون =(

اهاااا اوكي
اذا ماكان معرف جديد
وقصه مؤلفه
الله أعلم

حتى المعرف سخيف واسخف من اللي قبله
حسبي الله ونعم الوكيل اذا كان الكلام غير صحيح ووضع للمهزله ومضيعة وقت
الأعضاء
حسبي الله ونعم الوكيل اللهم اكفنا شرورهم

ايش قصة مؤلفة انت شكلك راعية مشاكل الله يكفينا شرك
والله العالم ان القصه مو مؤلفة .....

انا جيت هنا عشان اسألك اذا معرفي عاجبك ولا لا ؟

نفس الاسلوب 😂

ونفس الفيسات

ونفس اللفظ حق "يموت على التراب.."

شطبتي على عيال قرايبكم كلهم 😂

اشغلي نفسك بشي مفيد الله يصلحك بس

وانا ماجيت هنا الا عشان شفت اراء الأعضاء وحكمتهم الله يجزاهم خير وان شاء الله القى عندكم الحل

اسلوب ميين ؟ انتي وش فيك مريضه ؟ موسوسه؟

هو غلطته انه عطاكِ بدون حدود..وكان ينتظر منك نفس العطاء ..لكن للاسف تلقى صفعه قويه ماتوقع بيستعيد توازنه بعدها بشهر ولاشهرين..انتظري سنه وبعدها راسليه يمكن يلين..هذا في حال ان القصه ماهي خيطي بيطي

سنه واجد علي ، انا شهر واحس اني بموت كيف اذا انتظرت سنه ، اللحين امي قاعده تسأل تقول وش فيه زوجتس وش صاير بينكم وانا اسكت اقولها مابه شيء قريب بيجي وياخذني لأنه مشغول بعمله برا المملكة ، وانا اتصل عليه دايم ومايرد علي ولا على رسايلي