السلام عليكم و رحمة الله و بركات
كيفكم يا أعضاء و
إن شاء الله بخير
هذا أول موضوع لي و بتمنى إنكم إتساعدوني
القصة
هي إني إتقدملي ولد عم بابا و انا ماأعرفه لأني ببلاد وهو ببلاد
و أنا رافضه أتزوج أحد يقربلي
و طبعا لأني ما أعرفه وافقت
و إحنا بمجتمعنا قبل الخطبة لازم نتعرف على بعض و نعرف شخصية بعض و إلخ
و بعدين إذا عجبني أو عجبته إنسوي الخطبة
و مشكلتي هنا
انا أستحي كثير
و ما أقدر أتكلم معه
و كل ما يتصل علي ما أرد عليه
أو لما يتكلم مع بابا على المسن و يخلص
أبوي يناديني عشان أتكلم معه
و أروح
و طول الوقت لما هو يتكلم أنا ساكته
وهو عارفني إني مستحية
بس قالي لازم اتحاولي و تتكلمي معي عشان نتعرف على بعض
و أنا ماني قادره أحس إني خائفة بس ما أدري من إيش
هو شخص طيب و متفهم و حلو و كل الصفات إلي أبغاها في رجل فيه
أنا في الثانوية و هو أخذ الماجستير
أحس نفسي قدامه ولاشئ في العلم
و بما إني في بلد مسلم و لابسه الحجاب
وهو في بلد كافر فدائما يسألني عن الدين
و بعض الاشياء أنا ما أعرفها
فما أجاوب و ما أقدر أقوله ما أعرف
لأنه هو إتقدملي في البدايه عشاني متدينه و لابسه الحجاب
أحسه يتوقع مني أشياء كثيرة
صديقتي قالتلي لا تقليلي من شأنك قدامه من ناحية الثقافة تقدري تتعلمي في أي وقت
و أنا مشكلتي أكره الدراسه و هو يعشقها
و أناكنت أفكر بسافر و أكمل دراستي بفرنسا
وين مولود هو و عايش
طبعا تفكيري هذا كان قبل لا يجي هو
و أبوي قاله هذا الكلام
فقالي إنو في جامعة حقة شريعة تقدري إتكملي فيها و تأخذي الدكتوراه في فرنسا
أنا طبعا جاتني صدمة قلبية بكلامه لأني بكره الدراسة
كنت شوي وبصرخ في وجهه و بقوله الشئ الوحيد إلي في تفكيرك الدراسة و التعلم
و بجد أحس إنه إهتمام بالدراسة كبير
المهم سامحوتي لأني طولت عليكم بس ما لقيت لمين أحكي مشكلتي
أنا زي ما قلت أستحي كثير و هو أحسه يبغى بنت جريئة
و بصراحة أنا بجرائتي أجرح
و اهلي إخافوا منها
هو أكبر مني بعشر سنوات
و دائما يتكلم على العمر و كأنها مشكلة
ففي يوم سألني إذا كان عندي مشكلة في إني أكشف وجهي
و طبعا انا عن نفسي عادي
بس من كثر ما يسألني عن العمر و يقولي إني أصغر منه بكثير
وأنا كنت دائما أبي خطيبي يكون اكبر مني بكثير بس مو اكثر من 10سنوات
حسيت إنه خلاص مايبيني بس مو قادر إقولي
فقلتله لا ما أقدر أكشفه
و بما إنا مختلفين في هذا الشئ
هو يبغي وحدة وجهها مكشوف و أنا لا
فقلتله إيش رأيك كل واحد يمشي في حاله
و بكذا أنهينا إلي بينا
و من بكره أبوي سألت عنه
و أنا عاد كنت إمعصبه لأنه من أول كان يعرف إنوا عمري 16
فقلت لأبوي
تبي تعرف شئ
ولد عمك راح مع السلامه
أبوي إتفجع
فحكيتله كل شئ
و راح إتصل عليه و فهمه
و بكذا رجعنا
بس لسه لما يتصل ما أرد عليه
لأني ما أعرف إيش أتكلم معه
و أخيرا
أبي أقوللكم
ساعدوني و أرشدوني
لأنه شخص على قولة الكل مناسب لي و لعائلتي
و انا عاجبني و عاجبته _هو قالي كذا
فأرجوكم أرشدوني قبل لا يضيع مني
لأني كثير حاسديني عليه من أهل بابا
و أنا بصراحة ما أبيه يروح مني
أنتظر ردووودكم
و شكرا