أنا وفيرس الورم الحليمي...وهاكم الأخبار
بدخل فالموضوع وبدون مقدمات للفيرس إللي أعاني منه (فيرس الورم الحليمي)
أكيد إللي متابع قصتي مع هذا المرض راح يتذكر..
للمره الثانيه عملت جلسة الحرق للثواليل وتكرره المعاناه والألم...لكن ما باليد حيله غير الصبر والدعاد..وتبين بأن نتائج المسح السرطاني لعنق الرحم غير مبشره بالخير يعني في قابليه بأن الثواليل تتحول لسرطان..
ولله الحمد ردة فعلي كانت هادئه— مابكيت ولا لمت زوجي على إللي نقله لي... كان عزائي طفلتي الغاليه إللي تمدني بكل قوه وصبر لما أشوفها عن طريق السونار..
هي كل همي..لما أقعد أفكر بها وأحس بدقاتها كنت أبكي من شدة خوفي عليها بأن أنقل الفيرس لها أثناء الولاده...
في يوم من الأيام، خبر شدني في أحد الصحف المحليه بأن نسبة الوفيات بالسرطان في البلاد في تزايد ومن ضمنها سرطان عنق الرحم..
سرحة بفكري للحظات وقلت إذا مت كيف زوجي بيربي بنتي؟ أكيد أمه وخواته بيهتمن فيها ولكن التربيه كيف بتكون؟؟أكيد ماراح تكون مثل التربيه إللي أنا أتمناها وهي التربيه إللي أنا تربيت عليها!
عموماً...الإسبوع إللي فات كان عندي موعد مع الدكتوره إللي تتابع حالتي وحملي..كنت متفائله خير بأن الإلتهاب المهبلي راح وأن الثواليل كمان راحت....وبعد الفحص إبتسمت الدكتوره وقالت عنق الرحم نظيف ومافيه ولا ثالوله وحده وإنشاء الله يظل نطيف لحد موعد الولاده وتولدي طبيعي...وللتأكيد وراحة البال طلبت منها أن تكرر فحص إلتهاب المهبل والمسح السرطاني لعنق الرحم..اللهم لك الحمد والشكر..بشرتني بأنه الإلتهاب راح تماماً ونتائج الفحص السرطاني كانت كمان طيبه .
تعرفون با خواتي وخواني إيش عملت علشان تكون النتيجه إيجابيه؟؟
لجأن لله الشافي المعافي—وعلى بال الدكتوره بأن الأدويه إللي عطتني إياها هي السبب!
لم أستخدم أدويتها غير فيتامينات الخاصه بالحمل! لم أستخدم التحاميل أو المراهم أو الغسول إللي عطتني إياه........كل إللي إستخدمته هو الدعاء والإلحاح فيه + منقوع "المر" بماء زمزم الذي قرأت فيه الرقيه الشرعيه وبعض الأدعيه وإغتسالي به ومازلت أستخدمه لأن المر وإنشاء الله بستمر عليه.. فيا عزيزاتي عليكن بالمر لتفادي الإلتهابات المهبليه! على الأقل مره في الإسبوع.
أما بخصوص رحلتي مع الحمل..الحمدلله كل شئ تمام وطفلتي بخير ولكن نوعا ما صغيره وبمشئة الله عز وجل بولد الشهر الجاي- دعواتكم لي.